عطل مكينه ياماها

[بحاري ينبع]

السلام عليكم ورحمة الله وبركاته.
اخواني انا عندي ماكينه ياماها 40 هندل يدوي التشغيل لها تقريبا شهر ما شغلتها. واليوم جيت اشغل
ما فيه فايده ظغطت علي القربه لما سارت حجر. برضه ما جابت نتيجه. في هذه الحالة ماهي الطريقة لتشغيل المكينه
فيه واحد قالي فك اللي وحط بنزين للكربريتر او حاجه زي كذا صراحة انا ما فهمت عليه. ياليت احد يشرح لي الطريقة او اذا فيه طريقة ثانية يعلمني. وياليت الشرح يكون معاه صورة .
والله يجزيكم كل خير ويجعلها في موازين حسناتكم.
واعتذر اذا ثقلت عليكم.

[( ابو سدين )]

المكينه على كلامك لها شهر ما اشتغلت !!!
اعتقد انك تحتاج تنظيف كربريتر لان الزيت مع البنزين لمن يترك فتره طويله يتحول الى سائل بكثافه عاليه مثل الغرا. و بكذا مجاري البنزين تكون مسدوده.

تقدر تجرب انك تفك البواجي و ترش شوية بانزين داخل البستم و بعدها ركب البواجي وشغل , ان اشتغلت فمعناته مثل ما قلت تحتاج تنظيف كربريتر.

[بحاري ينبع]

المكينه على كلامك لها شهر ما اشتغلت !!!
اعتقد انك تحتاج تنظيف كربريتر لان الزيت مع البنزين لمن يترك فتره طويله يتحول الى سائل بكثافه عاليه مثل الغرا. و بكذا مجاري البنزين تكون مسدوده.

تقدر تجرب انك تفك البواجي و ترش شوية بانزين داخل البستم و بعدها ركب البواجي وشغل , ان اشتغلت فمعناته مثل ما قلت تحتاج تنظيف كربريتر.

اخي ابوسدين.
جزاك الله كل خير والله ينور دربك في الدنيا والاخرة ان شاء الله.
سويت طريقتك وفكيت البواجي ورشيت بنزين داخل البستم وما رضي يشتغل الماطور
علما اني فكيت اللي الجاي من التانكي ويروح في مقدمة الماطور ومافي اي مشكلة والبنزين واصل للصفاية.
وباقي الليات الطالع من الصفاية الي الطلمبة الي الكربريتر ما شيكت عليها لاني شفت الليات مكانها محشور شوية وخفت اني ما ارجعها مضبوط زي اول.
هل ممكن يكون الماطور مشرق واذا كان مشرق كم دقيقة او ساعة علي بال ما يروح التشريق.
ومشكور في الاول والتالي والله يجزيك كل خير ان شاء الله.

[بحاري ينبع]

معقولة اكثر من 120 مشاهدة ومافيه الا واحد رد علي الموضوع..
والله ممكن الناس مشغولة بالعيد.
علي العموم كل واحد عذره معاه.

[( ابو سدين )]

طيب. هل شيكت على البواجي ؟ سليمه تعطي شراره ام لا ؟؟
اذا قديمه فألافضل انك تغييرها

واذا ما اشتغل الماطور فلابد من تنظيف الكربريتر . طبعآ اذا ما كان فيه اي مشاكل في الماطور من قبل وقفته , فالارجح انه الكربريتر مسدد من الوقفه.

[بحاري ينبع]

طيب. هل شيكت على البواجي ؟ سليمه تعطي شراره ام لا ؟؟
اذا قديمه فألافضل انك تغييرها

واذا ما اشتغل الماطور فلابد من تنظيف الكربريتر . طبعآ اذا ما كان فيه اي مشاكل في الماطور من قبل وقفته , فالارجح انه الكربريتر مسدد من الوقفه.

والله البواجي جديدة ما لها الا شهر ونص والماطور كان قبل شهر شغال زي الحلاوة.
ومشكور علي تفاعلك .
والله يجزيك كل خير.

[م/عبدالله]

حياك الله اخوي ... والسموحه على التأخير
لكن اخونا ابو سدين ماقصر معك .. وخطواته صحيحه

ومايهم تكون البواجي جديده المهم تعرف اذا توصل لها
كهرباء ام لا ... فك البوجي وركبه في اصبع السلك
وقربه من حديد المحرك ولما يتلامس شغل وشوف العدسه فيها
شراره ام لا... اذا ما فيها جرب ايضا البوجي الثاني .. اذا مافيها
عندك خط الماس او نسميه القاطع فيه مشكله ... وهو مشبوك
في الزر اللي يسحب وتوضع فيها العظمه السوداء . افصل سلك
واحد وشغل .

[بحاري ينبع]

حياك الله اخوي ... والسموحه على التأخير
لكن اخونا ابو سدين ماقصر معك .. وخطواته صحيحه

ومايهم تكون البواجي جديده المهم تعرف اذا توصل لها
كهرباء ام لا ... فك البوجي وركبه في اصبع السلك
وقربه من حديد المحرك ولما يتلامس شغل وشوف العدسه فيها
شراره ام لا... اذا ما فيها جرب ايضا البوجي الثاني .. اذا مافيها
عندك خط الماس او نسميه القاطع فيه مشكله ... وهو مشبوك
في الزر اللي يسحب وتوضع فيها العظمه السوداء . افصل سلك
واحد وشغل .

جزاك الله كل خير يا مهندس عبدالله.
والله يعطيك الصحة والعافية ان شاء الله.