سالفة:حفر ومطبات..قوافي

[قوافي ( أم نهار )]

http://t2.gstatic.com/images?q=tbn:ANd9GcTa5gpc9cQAkGnLFwJNbSHjjk1P27ore DtGuh5Qjn3Rq9DOD-Qm


صبحكم /مساكم الله بالخير
سالفه من زمن الطيبين
هذا واحد عنده مزرعه وتخبرون منول مافيه حراثات وكل شغل المزرعه باليد ..
بيوم مر واحد من أهل القريه ويلمح اللي معه مسحاته وتضرب بالارض ومعطيه ربي من العافيه والنشاط والجمال..
جا ونشد اللي حوله منهي ؟؟
قالو بنت راعي المزرعه لكن به شوي من الصحاحه وعجز عنه ابوه يخفره (ماتطلع من البيت) وكل ما غفلو عنه شوي طلعت للمزرعه..
جازت للرجال وراح لحرمته وكانت حرمه كبيره وقاله انه يبي يعرس ويبيه تروح وتخطب له بنت الفلان ..
حرمته فرحت يوم درت انه صحيحه وقالت أيه هذي مهيب مرةٍ ينخاف منه،،همن ردت وقالت :
سم أبشر من باتسر الضحى بروح لهله واخطبه..
تم العرس والمعاريس قعدو اسبوع ببيت اهل العروس وجا اليوم اللي يرجعون فيه لبيتهم وعند حرمته..
هلت الحرمه ومسهلت برجله وحرمته وهي متأكده ان قعدة عروسهم ماراح تطول أكثر من شهر..
طلع الرجال لشغله وقامت ومسكت العروس وخذ ياناصايح تودي ورا الشمس..
والنصايح هي :
لين جا قبل الفجر بساعه قومي واحمسي القهوه وبالنجر دقيه(أطحنيه) وعقب الهيل ترا ابو فلان ياخذ فنجال قهوه قبل صلاة الفجر،، ومع أذان الظهر زيني الغدا وقطعي الحبحر (فلفل) وحطيه مع الغداء وهو يطبخ،،ابو فلان يحب الحار،، ولين جا قبل اذان العصر بنص ساعه أدخلي مدخنة العود وحطيه بغرفته عشان يصحا ويروح للصلاة ما يتأخر،،وثوبه لين غسلتيه حطي مع الماء قاز حتن يبرق من النظافه..
(كل اللي وصته عليه عكس )..
قامت الضعيفه من قبل الفجر وادهرت حمست القهوه همن:
طن طن تررن ،،،،طن طن تررن
قام الرجال وش هالزلزال اللي بالارض!! وسمع صوت النجر طل بغرفة القهوه ولا ريح القهوه يشق الراس والنشميه قاعده وبدت بالهيل على ماتطبخ القهوه ..
قال والله انه سنعه تقهوا وراح للصلاة،، وعقب الظهر حطت كبسته المفلفله بالفلفل وأول لقمه ضربة فيوزه من الحراره وشوي أكل الصحن ولو يوكل الصحن أكله ومرته تناضر ماصار مثل اللي تبي،،والعصر أخذت الضعيفه المدخنه وفتح عيونه على الريح الزين واستغرب ؟؟من يقول صحيحه ؟؟
وأخذ ثوبه من على المعلاق ولاه يبرق توصت به زين والقاز كمل الوصايه وصار يبرق بصدق والريحه طارت مع النشر بالحوش والدخون بالغرفه طير الباقي..
حرمته طيبه ومابه شي لكن كبرت وتعبت وكل يوم تشكى ورفيقنا يمدح وهي تحتري انه تسمع بطلاق الجديده يوم شافت ان الدنيا روحت والهوى شمالي
قامت قبل الفجر :
وطن طن تررن،،طن طن تررن
قام الرجال وش هالصوت مهوب مثل الزلزال الاول لكن فيه صجه ولجه والعروس نيمه ..
يوم طل بالقهوه ولاه عجوزه ضحك لين انشقت الخشه وقال:
أم فلان انتي بعد عليتس قل صح !!!!؟؟؟؟؟
قالت ايه وعطن ثوبك أغسله..
تحياتي وتقديري واحترامي
..قوافي..

[(هزاع)]

وعليكم السلام ورحمة الله وبركاته
الله يصبحكم بالخير
طبعا الشيبان مايرقدون الصبح ويلقون المواضيع الجديده
ويتشرفون ان يكونو اول من يشارك
...............
اشوف النسوان لاغسلو الزوالي بالحوش يصبون على خلطة الصابون والكرلكس قاز
اثرهن متابعات النصايح
ههههههههههههه
وين تلقا اللحين البنت اللي تصلح راعيت بيت
الشغالات قايمات بكل شغل البيت
ولاعرست البنت ولاهي ماتعرف غير البيض المسلوق وزين ان ماتفضخ
تسلمي يامثرية الخيمه على هالسالفه الصباحيه
فالكم الخير والصباح المبروك
ابومشعل

[ابو صالح 4]

السلام عليكم
يسعدني ان اكون اول من يرد قصه جميله وما يحيق المكر السيء الا باهله

[ليل نجد]

الله يعطيك العافية
قصه ممتعه وجميله وفيها حكمه

[النبهاني]

وعليكم السلام ورحمة الله وبركاته
الله يسعد اوقاتك مشرفتنا الغاليه
عجيزه خبله ما دريت انه اخذه على شان تشتغل بالمزرعه
وقامت تصب القاز على النار لاجل تكبر الحريقه اللي ما ولعت الا به
وصار القاز للضعيفه عمران من له رب ما ضيعه
خوش دروس يالعجيز لكن خبزن خبزتيه يالرفله كوليه
شكرا جزيلاا قوافي

[قوافي ( أم نهار )]

وعليكم السلام ورحمة الله وبركاته






الله يصبحكم بالخير
طبعا الشيبان مايرقدون الصبح ويلقون المواضيع الجديده
ويتشرفون ان يكونو اول من يشارك
...............
اشوف النسوان لاغسلو الزوالي بالحوش يصبون على خلطة الصابون والكرلكس قاز
اثرهن متابعات النصايح
ههههههههههههه
وين تلقا اللحين البنت اللي تصلح راعيت بيت
الشغالات قايمات بكل شغل البيت
ولاعرست البنت ولاهي ماتعرف غير البيض المسلوق وزين ان ماتفضخ
تسلمي يامثرية الخيمه على هالسالفه الصباحيه
فالكم الخير والصباح المبروك


ابومشعل



حياك الله ابو مشعل ويامرحبا
صبحك الله بالنور والسرور
اتشرف بحضورك الكريم بمتصفحي باي وقت صباح أومساء..
شفت انهن سنعات والقاز فيه سر وشي مدري يبيله محلل نفسي نسائي..
بعض البنيات لا يمكن لو وش يصير تغسل دجاجه تخاف ولا حتى تاكل لحم :eek::eek::eek: :):) والبيض المسلوق ما يصك عليه لين يصير لستك بيضاوي له قرون استشعار..
سلمت من الشر وياهلابك
تحياتي وتقديري واحترامي
..قوافي..

[emm]

هلا ومسهله بالاخت قوافي
انشهد ان قصصك دروس عظيمة وانا خلاص عزمت و بيت النية اباخذ حرمتين و اصير زي الرجال ذا و الله ولي التوفيق

ننتظر جديد ولك جزيل الشكر و التقدير

[قوافي ( أم نهار )]

السلام عليكم
يسعدني ان اكون اول من يرد قصه جميله وما يحيق المكر السيء الا باهله


ياهلا ومرحبا اخوي ابو صالح4
الله يسعد ايامك ويجمل حالك ويسرني وقوفك بمتصفحي
صح ومليون صح المكر السيئ مايحيق إلا باهله
اشكرك لحضورك وردك الكريم
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

الله يعطيك العافية
قصه ممتعه وجميله وفيها حكمه

حياك ربي اخي الفاضل
الله يعافيك ويحفظك من الشر
متعك الله بالصحه والعافيه
اشكرك لوقوفك وحضورك بمتصفحي
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمة الله وبركاته






الله يسعد اوقاتك مشرفتنا الغاليه
عجيزه خبله ما دريت انه اخذه على شان تشتغل بالمزرعه
وقامت تصب القاز على النار لاجل تكبر الحريقه اللي ما ولعت الا به
وصار القاز للضعيفه عمران من له رب ما ضيعه
خوش دروس يالعجيز لكن خبزن خبزتيه يالرفله كوليه


شكرا جزيلاا قوافي



حياك الله ابو سالم وياهلا ومرحبا
ألغيره عمياء وماله نظر :) وعلى أساس صحيحه ومايخاف منه:D..
أكيد فيه فرق جمال ونشاط والاوله كبيره :c
(مادري وش أقول ،، الله محلل اربع لكن صعب تقبل الزوجه الثانيه إلا بحاله وحده العدل الحقيقي)..
اشكرك لحضورك الكريم وردك الجميل والمميز
تحياتي وتقديري واحترامي
..قوافي..

[حمد69]

وعليكم السلام ورحمة الله وبركاته
يامراحب بخيتي قوافي
ماشاء الله... وفقه الله ببنت فتوة ونشاط وكمان جمال!..
والعجوز بغت تنصح وقصدها تخرب لكن ياغافل لك الله..
فيه سالفة متناقضة مع هذه السالفة بإختصار واحد يخبرني يعني صاحب السالفة بنفسة
يقول عزمت أخذ الثانية(ياحبهم على الثانية) وفعلا تزوجت بنت طبعا بنت اجل ولد قصدي صغيرة وأستأجرت لها بيت.. الحرمة الأولى أو الكبيرة زعلت وراحت مع واحد من أولادها الكبار وبعد أسبوع
قالت وراك يبو فلان ماتجي عندنا بالبيت ترى البيت واسع قال لها أخاف تضايجك الحرمة قالت لا جيبها ويصير خير... يقول ورجعنا البيت وصارت تعاملها كأنها أختها وتدللها وحملت ووضعت وهيه على راسها ما ترضى فيها ابد...يقول وانا استانست ومشت الأمور تمام التمام..
عذرا على الإطالة ترى اصبوعي إذا انزلت على الكيبورد انساها
شكرا شكرا لتس أختي قوافي على الأستمرار في طرح هذه المواضيع
الشيقة..
تقبلي مني أنا اخوك حمــد خالص التقدير وفائق الإحترام

[قوافي ( أم نهار )]

ههههههههههههههههههههه
ياحلات هالقصه سلمت يدينك قصه زينه توسع الصدر

هلا وغلا بالغاليه نجد
الله يسعدك دنيا وآخره والحلا بوجودك
سلمتِ من الشر الله يحفظك
اسعدني حضورك الكريم وردك المميز
تحياتي وتقديري واحترامي
..قوافي..

[قوافي ( أم نهار )]

هلا ومسهله بالاخت قوافي

انشهد ان قصصك دروس عظيمة وانا خلاص عزمت و بيت النية اباخذ حرمتين و اصير زي الرجال ذا و الله ولي التوفيق


ننتظر جديد ولك جزيل الشكر و التقدير


هلا ومرحباemm
الحمد لله انها دروس وان شاء الله فيها ماينفع:D..
الله يعينك و الشرع عطاك اربع ..
طيب وان ماصرت مثله ؟؟ لازم تفكر بحل قبل يطيح الفاس بالراس:)..
آمين الله يوفق المسلمين
الشكر لك لحضورك الكريم وردك المميز
دمت بحفظ الله
تحياتي وتقديري واحترامي
..قوافي..

[وحيد قلاسكو]

ههههههههههه ذالشايب حظه طيب ويستاهل

[قوافي ( أم نهار )]

وعليكم السلام ورحمة الله وبركاته

يامراحب بخيتي قوافي
ماشاء الله... وفقه الله ببنت فتوة ونشاط وكمان جمال!..
والعجوز بغت تنصح وقصدها تخرب لكن ياغافل لك الله..
فيه سالفة متناقضة مع هذه السالفة بإختصار واحد يخبرني يعني صاحب السالفة بنفسة
يقول عزمت أخذ الثانية(ياحبهم على الثانية) وفعلا تزوجت بنت طبعا بنت اجل ولد قصدي صغيرة وأستأجرت لها بيت.. الحرمة الأولى أو الكبيرة زعلت وراحت مع واحد من أولادها الكبار وبعد أسبوع
قالت وراك يبو فلان ماتجي عندنا بالبيت ترى البيت واسع قال لها أخاف تضايجك الحرمة قالت لا جيبها ويصير خير... يقول ورجعنا البيت وصارت تعاملها كأنها أختها وتدللها وحملت ووضعت وهيه على راسها ما ترضى فيها ابد...يقول وانا استانست ومشت الأمور تمام التمام..
عذرا على الإطالة ترى اصبوعي إذا انزلت على الكيبورد انساها
شكرا شكرا لتس أختي قوافي على الأستمرار في طرح هذه المواضيع
الشيقة..

تقبلي مني أنا اخوك حمــد خالص التقدير وفائق الإحترام


هلا ومرحبا اخوي حمد
العجوز من الفرحه ان العروس شوي العقليه مش تمام قالت هذي مامنها خوف لكن الحكايه صارت اكبر بكثير والعقليه مشت بالطريق السليم مع نصايح العجوز وجنت على نفسها براقش:D..
سبحان الله احيانن (لا توهقون) تصير الامور ممتازه ويمشي الحال مع الجارات ويصيرن زي الاخوات بس تراي اقول(أحيانن)..
لا إطاله ولاشي ،،يسعدني حضورك وردك الكريم والمميز وخذ راحتك لو تملي الصفحه كلها،، المتصفح ملكك ويسرني قراءت ماتخط على اسطر هذه الصفحه..
بارك الله بك وحفظك
تحياتي وتقديري واحترامي
..قوافي..

[قوافي ( أم نهار )]

ههههههههههه ذالشايب حظه طيب ويستاهل


هلا ومرحبا اخوي وحيد
ان شاء الله سعاده دائمه برضى رب العالمين
اكيد يستاهل ولا ماتسنع الحال وبتلو بكر وفر:D..
اسعدني حضورك ومرورك الكريم
بارك الله بك وحفظك
تحياتي وتقديري واحترامي
..قوافي..

[Al3rands]

هههههههه قعدت به العجيز

[مشرفه]

90% من دخولي مكشات لخيمتس ياقوافي
خيمة السوالف الشعبية
ممتعه ممتعه ممتعه
تسلمي جزاتس الله خير يالغاليه
مشرفه

[قوافي ( أم نهار )]

هههههههه قعدت به العجيز


حياك الله اخوي
ان شاء الله سعاده دائمه برضى رب العالمين
العجيز تحارب لكن هيهات هيهات لاااااااازم الثانيه:D..
اللهم أحفظنا
اشكرك لمرورك وحضورك الكريم
تحياتي وتقديري واحترامي
..قوافي..

[الجرح الحزين]

وعليكم السلام ورحمة الله وبركاته
أسعد الله أوقاتس بكل خير يالشيخه
هههههههههههههههههههههههههههههههه
هي فرحته يوم دراته انها صحيحه بس مادرته انا النصائحه بتصير من صالح بنت الناس الضعيفه
والشااااااايب هو الربحان بالاول والاخير حرمته سنعه وراعيته بيت وفيها من النشاط والهمه تقوم بالمزرعه
تسلم يمناتس ياحبيبتي

[قوافي ( أم نهار )]

90% من دخولي مكشات لخيمتس ياقوافي

خيمة السوالف الشعبية
ممتعه ممتعه ممتعه
تسلمي جزاتس الله خير يالغاليه

مشرفه



حياك الله اختي مشرفه
الله يحييك والخيمه ملكك وملك جميع المكشاتيه ويامرحبابكم..
متعك الله بالصحه والعافيه ،،تنور الخيمه بوجودك ومشاركتك الجميله..
سلمتي ودمتِ بحفظ الله
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمة الله وبركاته

أسعد الله أوقاتس بكل خير يالشيخه
هههههههههههههههههههههههههههههههه
هي فرحته يوم دراته انها صحيحه بس مادرته انا النصائحه بتصير من صالح بنت الناس الضعيفه
والشااااااايب هو الربحان بالاول والاخير حرمته سنعه وراعيته بيت وفيها من النشاط والهمه تقوم بالمزرعه

تسلم يمناتس ياحبيبتي



الله يسعدك دنيا وآخره ويحفظك ربي
على نياتكم ترزقون :D
كل هذا الكسبان فيه الشايب :D أمه داعيتن له :D
سلمتي ياغاليه
انرتي متصفحي بحضورك الغالي
تحياتي وتقديري واحترامي
..قوافي..