المساعد الشخصي الرقمي

مشاهدة النسخة كاملة : اطيب تحية, صوت التكايات طالع صوتهامن سنة ونص بالفتك 2003؟ وش السبب ؟الحل؟


abarre3an
19/08/2013, 05:34 PM
اطيب تحية وسلام على الجميع,
صوت التكايات طالع بشكل واضح (تقريبا" مثل سوت محركات الديزل وللأسف اعلى منها بشوي) من سنة ونص بالفتك 2003 ظهر فجأة وانا ماشي بطريق مثل صوت الماطور؟ والحمد لله بدون اي مشاكل بالسيارة داخل الرياض وخارجها واسافر عليه كل اسبوعين للشمال (2000 كيلو) واحيانا" امشي بسرعة عالية فوق ال140 والامور كلها سليمة والزيت تمام وكل شي سليم...ماعدا صوت التكايات الغريب العجيب...؟؟؟!!!


السؤااال:
وش السبب حدوثه ؟ وما هو الحل؟ لأنه المهندسين يقولوا مافيه اي مشكلة ولكن حاول تغير الزيت كل 5000 كيوا وماهنا خلاف انشالله...
ولكن مع الوقت يبي يزيد الصوت وهنا حسب كلام المهندسين يمكن يحدث مشكلة بالمكينة ويخرب ولذلك اول مايرتفع الصوت يجب فك الرأس وتغيير التكايات وتوابعها (مااعرف التفاصيل)...والتكلفة تصل تقريبا" من قطع غيار وشغل يد الى 7500 ريال...

ملاحظة مشابهة : حدثت بطلعة الطائف فجأة ظهر صوت ونة جميلة بالسيارة برمضان من عام 2009 الى الان 19 اغسطس 2013 واكتشفت لاحقا" انه الترس الرابع منطحن (وكان الزيت داخل القير بعد ماشيك عليه الفني صاير ثقيل ورايب مع حديد او ماادري وشو) المهم غيرت الزيت...والامور سليمة الا الان ...ويوجد صوت وونه (او تصفير دائم مع الدعس ماعدا على التعشيقة الرابعة او اذا دعست الكلتش يوقف) .
الحقيقة انه صوت ونة القير شجن جميله وحبيتها بصارحة :):)والقير سليم...

النصح والتوجيه بارك الله فيكم...
ابوسند9
20/08/2013, 01:36 AM
هلابك اخوي
والله يا الغالي اللي اعرفه ان توظيب الفتك يكلف من 7 الى 8 الاف ,,و 7500 ريال شغل تكيات فقط اشوفها غاليه بالحيل
وعلى العموم ممكن يكون عندك الصوت من احد وردات احد البلوف اي العمليه يبغى فك غطاء المكينه فقط واستبدال احد الورد
لاني اذكر احد الشباب با القصيم نفس سياراتك ومر كذا ورشه وكلهم قالو يبغى لك تغيير تكايات وبالاخير مر على ورشة ابو خالد الخضير وقال التكايات سليمه هذا صوت وردة احدى البلوف وتم اصلاح المشكله ب 300 ريال
aboabdullah96
20/08/2013, 02:30 AM
مثل ما قال اخوي ابو سند

وصت التكايات ممكن يطلع من ضعف ضخ الزيت للراس
او تغير وزينه الفتح والاغلاق للبلوف واللي ممكن يسببها ضعف شدادات سير التامين


ابداء بالحلول السهله اولا

وبالله التوفيق
Gm.454
20/08/2013, 02:59 AM
7500 سعر مبالغ فيه بالحيل :)
abarre3an
20/08/2013, 08:45 AM
ابو سند Aboabdullah96 و GM454,
الحقيقة انكم فرحتونا وان شاء الله تطلع مثل ماذكرتوا. نبي نوديها للورشة ونشوف... وش احسن ورشة بالرياض وعنوانه , لأنه من الصعب الوثوق بأي ورشة...بارك الله فيكم, وامدكم بالصحة والعافية.