سؤال لخبراء شبك الصقور

[عجب عجب]

السلام عليكم
لاهل الخبره
انا عندي مشاريع زراعيه برسيم ودايم تجيها الطيور من شبوط شرياص وغيرها من الجوارح بس لسى ماجات هالسنه قبل اسبوع عينت طير يشبه الشيهانه وحطيت رقمي بمكشات استفسر من اهل الخبره اكثرهم قالو هذي قليميه بكه ام حليق...
موضوعي..لو احط قرشعه القفص الي عليه عيون بكل رشاش برسيم واحط فيه جربوع قبل صلاه الفحر ولا طلع النور مريت اشيك عليهم بتفع ولا فيها ظرر على الطير سواء شبوط او صقر او ابو حقب لا ابطاء وهو مشبوك انا مالي ذيك الخبره وابي فزعتكم وتوحيهكم لاهنتو

[عجب عجب]

طبعآ الطير الي عينته يشبه الشيهانه صورته صوره من بعيد وماهي واضحه بس الشباب ماقصرو الاكثريه قالو هذي قليميه تشبه الشيهانه



وننتظر ردودكم وتوجيهاتكم عن موضوعي لاهنتم

[ابو وافي00]

السلام عليكم ورحمة الله وبركاته
حياك الله أخوي
عجب عجب
أولاً
ماراح تستفيد من بعض الطيور اللي انت ذكرتها
الشبوط والجليميه وأبو حقب وغيرها من الجوارح التي لايستفاد منها في الصيد والمقناص
وفكرة انك تضع مشبكيه او قرش وتروح عنها فكرة غير جيده ممكن يعلق فيها
طير من الطيور اللي ذكرتها وتتاخر عليه انت ويموت او يتكسر
وبذلك تكون تحملت ذنب لاطاقة لك به
انتظر عند رشاشاتك وجهز زريقكك واذا جاك الطير اللي يستاهل انه ينشبك
عطه الزريق عسئ الله ان يرزق


تحياتي:
أبو وافي..

[عجب عجب]

ماقصرت ياخوي وعارف اني ماني مستفيد من الشبوط وابو حقب والبكه انا بحطها للشواهين لانها دايم تجي بالمزرعه وخايف ان هالطوير الي مامنها فايده تشبك وطبعآ بكون قريب ان كثرة 10 دقايق افر عليهم كلهم وبيض الله وجهك ماقصرت

[ذعذاع نجد]

السلام عليكم ورحمة الله وبركاته
حياك الله أخوي
عجب عجب
أولاً
ماراح تستفيد من بعض الطيور اللي انت ذكرتها
الشبوط والجليميه وأبو حقب وغيرها من الجوارح التي لايستفاد منها في الصيد والمقناص
وفكرة انك تضع مشبكيه او قرش وتروح عنها فكرة غير جيده ممكن يعلق فيها
طير من الطيور اللي ذكرتها وتتاخر عليه انت ويموت او يتكسر
وبذلك تكون تحملت ذنب لاطاقة لك به
انتظر عند رشاشاتك وجهز زريقكك واذا جاك الطير اللي يستاهل انه ينشبك
عطه الزريق عسئ الله ان يرزق


تحياتي:
أبو وافي..



افادك اخوي ابو وافي

[عجب عجب]

اي والله ماقصر بيض الله وجهه ووجهك

[خوي الطبيش]

السلام عليكم ورحمة الله وبركاته
مثل ماقال لك ابو وافي رمي اكثر من زريق دون متابعتها فيها ايذاء للطيور من كسر الريش او قطع مخالب الطيور . واذا استخدمت هذه الطريقة عليك متابعة الزريق او رمي الزريق بعد مشاهدة الطير .