طرمبة الزيت|يوكون 2006

[Al_Romaih]

السلام عليكم

باختصار أنا لاحظت صوت تكتكة خفيف بالمكينة يروح ويجي سألت وقالو احتمال كبير طرمبة الزيت

مريت ورشة ببريدة وقال لي طرمبة الزيت بدون مايسمع الصوت أو يفحص شي

بالنسبة لأمبير ضغط الزيت طبيعي جداً مالاحظت فيه أي شي حتى اذا طلع الصوت الأمبير على النص

أنا معي السيارة من أقل من شهرين الصوت بدا يطلع بعد ماغيرت الزيت باسبوعين تقريباً

قالولي ممكن المشكلة من الزيت أو الفلتر لكني مغيرها عند بترومين فتقريباً واثق أن الشغل سليم

رحت لورشة ثانية بعد مارجعت للرياض سمع الصوت قال لي المشكلة من الطرمبة وشاف الأمبير يقول ينزل وأنا ما أشوفه ينزل واجد وقال التصليح يبي يكلف ألف ريال والقطع حوالي 800 ريال

السؤال ايش فيه ورشة موثوقة يفحص لي المشكلة ويعلمني سببها ووش أحتاج أغير بالضبط وتكلفة شغل اليد معقولة

أيضاً أنا أفضل أني أجيب القطع بنفسي هل التقوى موثوق وكيف أسعاره بالنسبة للوكالة

[ن م ر]

مع الأسف هذي مشكلة مزمنة باليوكن والتاهو حتى الموديلات الجديدة مازالت فيها

صارت معنا في سوبربان 2008 ويوكن 2006 يطلع فيه صوت تكتكة كانت خفيفة ثم زادت وبعد الفحص يتبين ان العلة من طرمبة الزيت والسبب انها تضعف وينتج صوت في تكايات البلوف يزداد مع الاستخدام
وضعف الطرمبة ناتج من عدة اسباب اهمها : تغيير زيت ثقيل ما يناسب السيارة

الحل تغيير الطرمبة وتستلزم تغيير قطع غيار معها مثل وجه طرمبة الماء وتعيد تعبئة ماء الاديتر
واذا كان موترك دبل لازم يفكون الدبل او فك جزئي للوصول للطرمبة لأنها قريبة جدا منه

اتمنى اني افدتك وان شاء الله الشباب يدلونك على ورش متخصصة

[Al_Romaih]

اكتشفت المشكلة وأخيراً .. الفني حق بترومين حاط لي زيت عيار 20/50 مع أنه محذر منه خصوصاً بالكاتلوج

https://photos-3.dropbox.com/t/0/AADnCqshNZtglOYXWQ2s-XIW28dFdqdV0k2B7MzQWWa5-g/12/20440346/jpeg/1024x768/3/1377118800/0/2/Untitled101.jpg/9-qaEdnafmpv72X2f2K8HlveF-AOxVHC6A-DkYbLB-4

الحين ما أدري هل أغير الزيت ولا أنتظر لين موعد التغيير القادم لأن الميكانيكي قال لي أن الزيت مع الوقت يخف وماتحتاج تغيره

[SGL]

غيره ولا تنتظر ولا دقيقه سبق وتكلم أخونا أصيل وباقي الأعضاء وقالوا الزيت الثقيل ماينفع للجمس والسيارات الموديل الجديد ﻷنه دمار لها

[عبقري91]

غيره جي تي اكس كاسترول مع السيفون. ٦ الا ربع والربع صب منه شوي بس
٣٠w10
وتغيير الطرمبه حقت الزيت مابين٣٥٠ الا ٥٠٠ انا مغيرها. وموتري دبل
بس عميل عنده وخليته. ينظف الكارتير حق الزيت تنظيف صح ووجه كارتير وطرمبه وربالة الطرمبه. وغيرت بعد طرمبة ما مره وحده دامه فاك وهي قديمه لانها مفكوكه مفكوكه ولازم المويه تطلع يعني جب ما اصلي
وزيت وسيفون هذا اذا بتغير. طرمبه والحمد لله زبط. معي

[عبقري91]

ولاتنسي سير الموكيف لانه مكانه بعيد وغثيث شيك عليه يبي تغيير غيره دامك بتفك. والسير الثاني سهل.
وانشالله مشكلتك بس تكون من ثقل الزيت. بس. ولا تحتد علا كل هلخساير

[الرعاك]

بالنسبة لطرمبة الزيت لو فيها شي يظهر لك بالشاشة ضغط الزيت منخفض
ثانيا الصوت الطالع عندك من تكايات البلوف لاختلاف الزيت عليها وعدم لزوجته والله اعلم

[abo naser 1]

المحركات المصنوعة من الألمنيوم تحتاج زيت خفيف وخصوصاً الأمريكي هذا هو سبب مشاكل محركاتها فقط

[أسير الجنوب]

السلام عليكم ورحمة الله وبركاتة
بالنسبة لطرمبة لا تغيرها لان حق بلدها الريش حديد والوكالة بلاستيك غير فقط الربلة
بس تاكد غير زيت خفيف وشوف الضغط اذا كان ممتاز لا تغير شئ

[Al_Romaih]

مشكورين جميعاً .. غيرت الزيت اليوم لبترومين 10/30 ولا سمعت الصوت من بعده .. راح أتابع كم يوم إذا صار يرجع الصوت شفت لها حل واذا مارجع الحمد لله

[عبقري91]

مشالله الله يوفقك. وييسر امرك وكل مسلم