بخصوص تعليم السلق والركض

[alaaaawee]

سلام عليكم اخواني
عندي سلقه تبلغ من العمر 6 شهور تقريبا
مربيها عندي بسطح البيت وحمد لله امورها طيبه
لكن البر بعيد عني وما ادري كيف اطلها تتعود على الركض زياده هي مدربه وتطرد الارانب العاديه
هل عادي اطلعها باي مكان واسع واجيب حبل فيه ريش او شكل ارنب واجريها شوي
او اعطوني افادتكم بارك الله فيكم
واسف لو طولت عليكم

[alaaaawee]

وين الردود

[زياد العنزي]

وعليكم السلام

يالاخو المهم انها تركض وان لياقتها تكون فل دائماا وحاول بين كل فتره وفتره تتطلعها للبر خلها تطلق رجليها بشكل افضل من الاماكن الاخرى وتر السلق يستمتع بالبر

[نشمي911]

اخوي طلعها للبر في الشهر مرتين اذا ما عندك قدره وفكه وخله تلعب وتجري ودربها علشان تعود على التراب الرمله

[alaaaawee]

مشكورين بيض الله وجيهكم جميع

[قنيص تبوك]

اخوي حاول تطلعها كل ١٥يوم اقل شي وجب لها جربوع لن بداية تمرينها علية هو الي يعلم السلق الصيد وفكة وخلة يبعد مسافه ويكون في العصرية وشف المكان الي حولك مافية جحارة عشان ما يجحر وخلها تشوفة وتطردة لن الجربوع هو الي يعلم السلق صح واتمنى اني افتك

[alaaaawee]

مشكورين اخواني

[قنا النفود]

البر ممتازهﻷركض

[عساها تساهيل]

عطوك العلم

[قنا النفود]

جبلها سير كهربائي وخلها تركض يما تدوخ

[قنا النفود]

فكره وش رايك اريحلك من البعد والمشاوير

[قصيمي مقنآص]

دربها على جرد الجرابيع
امسك باليل لك جربوعين وفكهن له نهار لمدة اسبوع يوم ورا يوم
وبعد الاسبوع زود عدد الجرابيع الى ثلاثه على الطريقه
ولاتنسا تليقه بالتركيض مع السياره ابد بالاسبوع الاول نص كيلو وريحه يوم وبعده نفس الطريقه
وبالاسبوع الثاني زود عليه 800 متر لما ان شاء الله تليق صح واستمر بالتدريب

للتذكير اهم شي لا يكون الجو حار وتجردها علشان لا تنفلح السلقه

تحياتي