يا أهل اللاند بدت تطلع مشاكل ال gxr 2008

[عاشق نفل]

السلام عليكم ورحمة الله وبركاته

عندي أكثر من مشكلة بالموتر وقلت بستشيركم قبل أروح للورشات
طبعاً الموتر جي اكس 8v 2008

المشكلة الأولى : عندي إذا رجعت ريوس الموتر يصير ثقيييل ( كأن الجلنط مسحوب )



المشكلة الثانية : دعسة الموتر كأنه مكتوم يجلس ثانية أو ثانيتين بعدين يلقم


المشكلة الثالثة والغريبة : دخلت النفود اليوم بدون دبل ويوم ثقل الموتر شغلت الخفيف
اللي صار الحرارة ارتفعت الى تحت الفل وصار الموتر ثقييييل مايمشي وطلعت لي لمبه
A\t oil temp


طبعاً قلت بأخذ برايكم يمكن أحد مرت عليه ..

[فرفور بريده]

اذا ماني واهم

البلا من طنجره القير .. كثير تخرب بالاند يعني زي المسمار بمكاين السته سلندر تويوتا

والطنجره معروفه هي اللي تتحكم بعزم الموتر

[فتك08]

معنى المؤشر...حرارة زيت القير الاوتوماتيك

[عاشق نفل]

مريت الوكالة اليوم
وقالوا بس التشييك ب ٥٠٠ ريال
وبعد خمس أيام نرد لك على العطل


محد يخبر لنا بالرياض ورشة شغلهم زين

[الصخرة]

الموتر كم ماشي ؟.

ومتى أخر مرة غيرة زيت وفلتر القير ؟

[عاشق نفل]

الموتر ماشي ١٣٠ الف
ولي خمس شهور شاريه

[ابو ســــاره]

المشكلة الاولى : عادية ولا تهتم منها
المشكلة الثانية : مرت على وكان بداية خراب الكلتش يتأخر بالتعشيق يحن بعدين يعشق
المشكلة الثالثة : لا اعلم

[عاشق نفل]

أشكرك جميع من شارك وتفاعل معي أبعد الله عنكم كل سوء

المشكلة الاولى أخوي أبو ساره ( دامني مصلح مصلح الافظل أصلحها ولا أخليها ))
المشكلة الثانية طبعاً القير اتوماتيك (( واذا دعست بنزين تحس فيه فضاوه ما كنك داعس بعدين يلقم ))
المشكلة الثالثة هي اللي ماعرفت حتى اشرحها

[sgl2002]

بالنسبة للمشكلة الثانية هذي سببها نقص في زيت القير او انك ماغيرته من زمان


بالنسبة للمشكلة الثالثه

اذا وقفت ترتفع الحرارة والا لا

يوم دخلت النفود هل كنت منسم وكم كانت درجة حرارة الجو؟

بالنسبة للكتابه الانجليزية اللي طلعت لك هذا تحذير بأن زيت القير احتمى مره ولذلك لازم توقف لين يبرد


طبعا اذا كنت منسم ودرجة حرارة الجو عادية فمشكلتك والله اعلم انها من كلتش المروحه ، انتظر الموتر يحمى ثم ادعس له والكبوت فاتح شف تحس بدفه هواء قوي والا نص نص او مافيه

[عاشق نفل]

السلام عليكم ورحمة الله وبركاتة


ما أطول عليك دخلت موتري أمس للوكالة للتشيك والمصيبة ردهم علي

أولا الدبل محتاج تغيير ( محول دبل ) ب 3500 ريال
وثانيا محتاج حساس للحرارة ب 580
وأخيراً والطامة الكبرى قالي القير محتاج توضيب لأن الزيت محترق ومليان رايش وهذا اللي سبب لك ضعف العزم والحنه
وقال زيت القير ما تغير من طلع من الوكالة وهو ماشي الحين ١٢٠

مسكني المهندس على جنب وقالي إحتمال اذا غيرت الزيت مع الفلتر يزبط الموتر
وإحتمال يبوش بمكانه
وقال اذا بنصلحه توقع ورقه على مسؤوليتك إن الوكالة مالها ذنب

طبعاً القير ما لاحظت فيه لا طقة ولا نتعة

وش الدبرة يا إخوان

[وااضح]

غير الزيت على فترات فية موضوع لكبسولة 2 فية الطريقة كاملة

[وااضح]

اسمعني دامهم يقلون لازم يوضب انت غير الزيت وباذن الله بيضبط

[فتك08]

120000عادي...لان الغالب يوصي في التويوتا بالتغيير على80000..من رايي
الموتر جديد مايحتاج توضيب وكلام فاضي...غير الزيت و الفلتر و راح ينظفون لك الحساسات
الداخلية و بإذن الله يرجع طبيعي...إلا في حالة إنه يكون عداده مفصول سابقا و ممشاه
الحقيقي ماهو120000...

[فتك08]

أعتقد فيه تلاعب من قبل عمال الصيانة و تحايل لغرض سلب مافي جيبك...
بما إنهم يقولون توضيب...غير الزيت فقط مع الفلتر و ماراح يكلفك إلا حوالي700 تقريبا

[عاشق نفل]

شاكر لكم تفاعلكم جميعاً

الموتر قبل اشتريه فحصته مرتين
بدي ومحركات وداخليه ماشاء الله زوين

وخلال هالخمس شهور قنصت عليه وكشت عليه ودخلت وعر ونفد ومسكت خط وما أشكل علي أبد

اللهم هالمشاكل اللي كتبتهن فوق وماطلعن الا قبل شهر تقريباً

على العموم كلمت الوكالة وقلت لهم مثل ماقلتوا غيروا زيت القير مع الفلتر ووالوجه

ووكلت أمري لله

نوافيكم بالجديد

[4x4ofroad]

الله يسهل امرك
ثقل الموتر ممكن يكون نقص زيت القير والنقص يسبب حراره ويسبب تاكل بالكلتشات عشان كذا فيه رايش
غير الزيت وبيصى القير باذن الله
ترى قيوره تتحمل وانا قد خلط عندي الزيت ودخل ماء داخل القير وكلهم قالو توضيب بس قلت خلني اجرب واغير ممكن يصحى وابشرك صحى ومن ابدع مايكون والموتر الحين عند ولد عمي ومرتاح منه بالحيل

[كايد]

اخوي مر ورشة الجنادرية تخصص قيور تماتيك قدام ميزان المجد (معروفه انشد أي واحد )
فيه واحد اسمه ماجد الماطري وفيه ابوجبران المعلم
قله أبي اغير زيت القير والفلتر بياخذون شغل يد150
وروح الوكالة خذ علبتين زيت (8لتر) وفلتر بالاضافه للوجه كلهن أصلي تقريبا 370ريال
وبإذن الله تروح المشكلة طبعن قول لماجد اضبط المقياس لا يزيده عشان ما تقفع الصوف .