سوولي الكيف ورهولي من الدله ؛ البن الاشقر يداوي الراس فنجاله

[مشرفه]

بسم الله الرحمن الرحيم
السلام عليكم ورحمة الله وبركاته
ولعنا ابوي عسى عمره طويل بالبر من كنا صغار
والعزبه دايم والمه مغير نترسها بمايلزم كشته يومين
الموتر فكس ار والمقطوره عباره عن خيمه مسفطه
كشتنا على طرف فيضه خضره مختلط نوارها كنها بخشه من فضل ربي:c
قال ابوي يامشرفه شبي النار ولمي لنا مايقعد الراس:f
وهو واخواني يشبكو توصيلة نصب الخيمه اهي تماتيك تنصب لحالها
ونا اللي اشب النار:f وشتغل بالقهوه والشاهي وبريق الحليب
ويومني خلصت من كل شي وجذبت جميرات اركيت الدله والاباريق عليهن وزينت الفراش والمراكي
وصار كلش على مايحب ابوي:)
وبنتضار المدح:p
الا الكوره مارتني تمشي مليون ولامداني التفت الا ادخنه يوم ثارت:eek:
وراح تعبي بشوتة الكوره :mad:
...................
ان جازت لكم القصه لاتنسوني من التشجيع
:Dهههههههههههههه:D
مشرفه

[صافى السريره]

قصه جميله يا مشرفه تحكي واقع العائلة السعيدة عشت متصورا الوضع على الرغم من قصر موضوعها الا انها رويت بعفوية مفرطه اظفت عليها رونق من الصدق الجميل بورك في قلمك .

[خوي مخباته]

هههههههههههههه والله كثرماضحكت بــــــــ كثرماتألمت ههههههههههههههه
ياحسايف .... دله مهيله + بريق شاهي + دله حلييب = ولا.... اكيييد على الحطب وفي بر يداووي العليل واكيد انها ايام شتاء !
اختي الغاليـــــــــــــــــــــه """ مشرًفـــــــــــــــــــــــــــه """ تسلميين على الســــــــــــــــالفه خفيفه الظل
وماننحرم وترى مثل ه السوالف زوينه توسع الصدًر ولا تملل ..... نبى مثلها فضلا لاامر
....................... بارك الله بيتس وتحياتي وتقديرى وإحتراماتى ........................

[حمد69]

وعليكم السلام ورحمة الله وبركاته
ماشاء الله ماشاء الله قصة رهيبة إلى الأمام يا مشرفة..
إلا هذا المحترف إلي سدد القذيفة إلي انسفت تعب مشرفة وشو صار له؟

[قوافي ( أم نهار )]

عليكم السلام ورحمة الله وبركاته
حياالله الغاليه مشرفه
اشكرك على الرساله وعلى الاهداء بارك الله بك وحفظك
الله الله شوقتيني للبر ،،كل ما أخذت فتره أقلب المخزن واحوسه يقالك ارتب وانا ابي اشم ريح الغالي ريح رمالي وطعوسي وابريق اسود يالله من فضلك ابرك من ستيل يبرق ودله فنجالها هيل وزعفرانها حطب ياربيه مدري وش اقول،،حتى الخيمه افلها واربطها عشان أشم ريح الشراع ،،والحطب ياما جبته منا يامانقلته منا ولين صدع راسي حطيت كسرة حطب على الفرن وتشمشمت كنها دخون،،الله يجزاك خير على طريا الغالي (البر)..
عاد نثرت المعاميل تضيق الصدر ،،اهم شي طار المدح..
عسى ماعندكم مثلنا دلة الملوحي(اخوي الصغير )..
بس هين باين عليك سنافيه والنعم بك يالغاليه مشرفه
اشكرك على السالفه المميزه
دمت بحفظ الله
عذراً على طول الرد
تحياتي وتقديري واحترامي
..قوافي..

[النبهاني]

وعليكم السلام ورحمة الله وبركاته
ما شاء الله عليك ذربه ونارك حيه
حسبي الله على ابليس الله موسعها ما راحوا بعيد
لكن ماعليك دام الدعوى كشته بالبر كل شي يهون
يعطيك العافيه اخيه

[(هزاع)]

هههههههههههههههه
الله يوسع صدرك قصه في غايت الروعه
وطريقة الكتابه ممتازه السرد المقتضب لترك مجال للمتلقي باستنتاج تفاصيل القصه
ان دلت فانما تدل على فكر الكاتب بالكتابه
واصلي يامشرفه اتحفينا
قريتلك قصة قبل هذه عن جدك والمصاريه
كانت ايظا على نفس النهج العفوي الممتع
بالتوفيق وابنتضار الجديد

[وحيد قلاسكو]

ههههههههههههه

[تلميذ]

نهايه محزنه وصدمه معنويه هائله ..
عساهم سلمو اللي شاتو الكوره من رده الفعل
وبتسير مثل هالمواقف المحرجه ..
وفقك الله

[Al3rands]

ودي اتخيل روحة التعب ببيلياش بس ما قلتي لنا وش سويتو باللي شات الكوره