المساعد الشخصي الرقمي

مشاهدة النسخة كاملة : كيف الملاحة عن طريق Gps الخاصة بجوال E_ten ؟؟


3zyiz
10/10/2006, 12:21 AM
السلام عليكم ورحمة الله وبركاته

اخواني الكرام

بغيت اشتري هاليومين جهاز جارمن ومتحسف على قيمته بصراحه خصوصا ان جوالي من نوع البي سي بوكت واسمه E-TEN وفيه عدة خواص منها البلوتوث والواير لس والذاكرة الــ واحد جيجا بايت ومن ضمن خدماته بعد الــ GPS في قائمة الاعدادات موجودة .
http://www.etencorp.com/products/Communication/Images/M600.gif
مشكلتي هنا :
ان ماعرف شلون استخدم هالخاصية الفضيعه ولا اعرف شلون استفيد منها !!
هل لها برامج تشغيليه معينه ؟
هل لها خوارط خاصة ؟
كيف استخدام هذه الخرائط ان امكن ؟ وكيف التعامل مع الجي بي اس في عملية التشغيل وايقاف التشغيل ؟؟
اسئلة كثيرة تدور براسي ماني لاقي لها لها حل الى الآن !!

ارجو افادتي لو تكرمتم
عبوووود
12/10/2006, 04:45 AM
هلا بك أخوي

جوال E-TEN600 ما فيه gps

بس يبغالك قطعه gps تزامنها مع الجهاز عن طريق البلوتوث...
3zyiz
12/10/2006, 04:52 PM
تسلم ياغاليعلى الرد
بس ما قلت لي وين الاقي هالقطعه بالضبط ؟؟ تعرف ماكل المحلات عندهم هالنوع من الجوال ولا كلهم يتعاملون فيه !!

وكم سعرها
وهل ممكن الاقي منها مستعمل بسعر حلو ؟؟

دلني انت وبس واترك الباقي علي اوريك فيهم :)

تحياتي
عبوووود
13/10/2006, 01:05 AM
الله يسلمك و هذا الواجب

و القطعة فيه منها أنواع ومنها..

الأول: نوع جارمن تلقاها عند دار موجة و هذي سعرها 1100 ريال و بدون خرايط و عليها ضمان سنة

و الثانية: نوع أسمه هايلكس سعرها 550 ريال و ماعليها ضمان وهي موجودة عند أكسترا و الكتروا

أنا ماجربت هالأنواع لكن أكثر اللي سألتهم نصحوني بنوع هايلكس

و هذا موقع يفيدك كثير بالنواحي هذي.. http://www.ce4arab.com/vb7/forumdisplay.php?f=53
ابوقاسم
13/10/2006, 01:22 PM
ما قصرت يا عبود على هالردود
وانا نتأكد ان هالموقع بيفيدك كثير
3zyiz
14/10/2006, 03:16 AM
تسلم يا غالي ما قصرت جزاك الله خير ..

على كذا افضل شي اني اشتري جهازك جارمن بمبلغ 500 او اقل طبعا مستعمل وبكذا اعتقد بيوفر علي قيمة هالقطعة !!

والا وش رأيكم ؟؟ توافقوني الرأي ؟؟

بس طبعا ينقصني الخبرة في استهدامه لأني ماعرف استخدمه ابد .. ولا ادري وش النوع الزين فيهم لقيت عربي ولقيت انجليزي شي له اريل وشي على جنب وكذا شكل ولا ادري الأفضل فيهم او الي يتحمل والي ما يتعطل بالسهل !!
محتار ياليت تنصحوني

لكم مني جزيل الشكر
فتى الدهناء
14/10/2006, 03:38 AM
Al3as]-[iQ

السلام عليكم

أخوي جهازك بيغنيك بإذن الله عن القارمن .......... بس ينقصك شيء بسيط


( قارمن بلوتوث ) مثل اللي قالك عنه أخونا ( عبووووود ) هذا الجهاز فيه منه أنواع كثيرة ... تمام ... وطريقته تشبكه على الولاعة ويبث لك ( بالبلوتوث ) سواء معك لاب توب أو جهاز مثل جهاز .. أو آيميت .. كلها راح تشبك على القارمن ... وبس ينقصك ... خرائط ... تركبها ... ويصير جهازك أطلق قارمن ... لأنك تقدر تنزل عليه خرائط مجانيّه .. ملونه ودقيقه وبالعربي .... لذلك لاتفكر وتقول أبشري بهالخمسمية قارمن مستعمل:no2: ... لأن جهاز البلوتوث قارمن أكثر فائدة من القارمن المستعمل ......

أتمنى أفدتك ... وفيه منتدى ( الكمبيوتر الكفي ) عندهم خرائط بتركب ان شاء الله على جهازك ..
عبوووود
14/10/2006, 04:14 AM
مثل ما قال أخونا فتى الدهناء...

القطعة هذي أطلق لك من القارمن أبو خمسمية ...

و لكم أجمل تحيه...
قرناس
15/10/2006, 03:17 PM
عزيزي الغالي Al3as]-[iQ
جهاز E-TEN600 مافيه gps مثل ماقالو الشباب ... اللي فيه هذه الخاصية هو g500 من نفس الشركة

إذاً يلزمك ان تشتري هذه القطعه اللي قالو عنها الشباب وهي انواع كثير ... لكن افضل اللي فيها بلوتوث ومخرج يو اس بي لأن بعص الكمبيوترات مافيها بلوتوث اقصد ( اللاب توب ) فيلزمك ان تشبك عن طريق اليو اس بي

على العموم اذا اشتريت القطعه خبرنا وحنا ما نقصر معاك لأني اتكلم من واقع تجربه .... معاي نفس الجهاز والقطعه شاريها قبل خمس سنوات تقريباً من الخارج ومجربها على جهاز الإتين على خرائط النفقيشن والخرائط الجوية 100%
3zyiz
20/10/2006, 07:15 PM
الله يرضا لي عليكم جميع
ايه .. هذي النصايح الي ابيها الله يرج ابليسكم ما تجون الا بالعين الحمرا :)

كذا تشجيع يخليني اشتري هالقطعه واجرب وضعها
بكلامك اكدتم لي انها افضل .. لذلك باخذ بكلامكم والله ماردكم بشتريها وبعطيكم الاخبار اول باول

بس مدري بأي طواعين الاقيها ؟؟ اقصد بأي محل الاقيها ؟
انا بمر على الاتصالات اشوف دار موجه يمكن فيه عندهم مع انهم دجه احسهم ما يفهمون شي !! خصوصا اني رحت لهم كم مره اسألهم عن اشياء وفاغرين كني اطلبهم فلوس

..... سلملم
رعد الجنوب
20/10/2006, 10:08 PM
السلام عليكم ورحمة الله وبركاته

اخوي هذا تلفون محل المتصفح متخصص بتركيب GPS للمحمول والايميت والجوال باستخدام جهاز هولوكس والمحل وكيل لهذا الجهاز
ويقوم بتحميل الخرائط التي تدعم هذا النظام تلفون المحل 4934858 الرياض حي الريان شارع احمد بن حنبل .

اتمنى ان اكون قدمت لك مايفيد ..بشرط ان تعرض تجربتك هنا لاخوانك لتعم الفائده.

تحيتي للجميع