مبروك عليكم ضهور سهيل

[خيال سهيل]

بسم الله الرحمن الرحيم

كل عام وانتم بخير ومبروك عليكم ضهور سهيل وهو ضهر البارح 24 / 8 على مناطق نجد
وما جاورها وعلى نفس خط العرض والله يرزق الطواريح والقناصه كلاً على فاله

اغلب الصقاقير في هالوقت يجهز نفسه وموتره وعزبته للمضاهير والمقانيص
حيث ان الطيور قربت الي طيره قط الموس من ايام والي موسه يسوق والي ما عاد الى يصك
بس ترى الوقت بدري تونا بالحر وخاصه الاحرار اما الشياهين الجبليات هذا وقتهن وخاصه الفروخ وقرنيس الهوى لتلهي والطرب

اما بالنسبه للأحرار فتو الجو والوقت ما حان احب اذكر اخواني بالنقل والتركيز على النقل
لا تغلطو غلطتي العام كثفت النقل الين هد الطير واستهد اهملت النقل
وتنكر علي الطير مره وبعدها عرفت خطاي ولاهو خطا الطير خطاي انا
ولا تعجل على نفسك ولا على طيرك كل شي لازم ياخذ وقته
وخاصه الوحش واما البيتي ما عليه اذا العام حصله نقل طيب يبيله تدهيل ونقل حليو ويزين
بس لا تنقل طيرك الين يعصب موسه وينشف من الدم

بالنسبه لي طيري يسوق الموس توه ضاهر واموره متوجهه ولله الحمد
صحيح بي عجله عليه وعلى المضاهير وكنت احسبنه متأخر وزعلان وحالتي حاله
بس يوم فكرت ولا الوقت بدري تونا

هذا الي عندي وينعاد علينا سهيل كل عام وحنا بخير وامان وصحه
والي يرد يذكرنا طيره وين وصل وش نوعه جير او حر ولا شاهين
الي ناوي يشري وش ناوي ياخذ

ودمتم سالمين :):good2:

[أبو بارعه]

كل سنه وأنتم بخير

مدام طلع سهيل أكيد الأولات الثنتين من السبع طالعه..

باقي للحراره تقريباً شهر وبعدها بيعتدل الجو وخاصتاً اليل..

وفقك الله على المتابعه

[قلب ذيب]

حياك الله خيال سهيل .
والله يحيي ظهور سهيل حبيب الصقاقير .
الحقيقه الوقت توه ومازل الحر قوي , وسوف يبرد الليل تدريجيا , ولاينصح بنقلة الطير حاليا خاصه القرانيس البيتيه واللي ريشها مقبل على الصكوك . الكراوين حتنهن قرب ويفضل الاستعداد لهمن بالتبوع والشياهين الصغيره . الله يوفق الجميع ونسمع خبر صيد الكروان قؤيبا .

[ابو وافي00]

السلام عليكم ورحمة الله وبركاته
حياك الله
أخوي/خيال سهيل


أكيد سهيل له فرحة خاصه عند اللي يحترونه
وأسئل الله أن يعيده علينا سنين عديده ونفرحبه وياكم وحنا بصحه وعافيه


وهذي أبيات في سهيل
يامرحبا يسهيل .. يامرحــبا حـيل
. يامرحـــبا بك عــدّ بــرقٍ ونـاوي


يهيض فكري من جميل التماثيل
. لاشـفت نورك في خلانا الخـلاوي


ماهي عباده غير متعوب انا حيل. والصيف مايرحم شواالارض شاوي


ومن بعد مطلاعك يبـرّد لنا الليل
. . والعُـود يُورِق والمطر له رجـاوي


وتبدا المزون اللي بها سابقاً قيل
. . عـند العــرب بامثالهم والهقـاوي


لاشـفت نجم اسهيل لاتامن السيل
. وان راد ربي يصبح الخـبت راوي


واهل القنص قاموا على الطّير تدهيل
. وكـــلاً يـــدوّر للهــوايه حـــراوي


وتـبدا بك الهجرة ويبدا. الرجاجيل . اللي نصب مخـيام واللي نحــاوي


وتـبدا الطيور اسراب مثل الهذاليل
.. . هجره جماعــيه ومعها النــداوي


اللي علا شــانه قنصنا مية ميــل
. رحـنا وجــينا ماشــكينا العــناوي


نوفي بممسانا وزين المقاييل
.. ونرتاح لا صاد الرفيق المخــاوي


خمسين ليله ماذكرنا المعاليل
... كـلاَ عــلى ليــلاه غــنا ســــلآوي


وابو الحكايا مـنـيتي تالي اسهيل
..قبل الحجيج اللي على البيت تاوي


الله يجيبه وافي الوصف تكميل
.. واللــه يحــقق رغـبتي بالتســـاوي


واختامها يسهيل يامرحـبا حيل
.. . يامرحـــبا بك عــدّ بــرقٍ ونـاوي


وسلامتكم...




تحياتي:
أبو وافي..

[خيال سهيل]

شرفني مروك يابوبارعه الليل بيبرد ذا الوقت بس النهار لا والله باقي عليه شوي

[خيال سهيل]

قلب الذيب كلامك بمحله واحرس بذا الوقت على الجبليه متعوده على جونا وتصبر على الحر

شرفني مرورك وردك المثمر

[خيال سهيل]

وافي يابووافي
وقصيده جزله وشرف موضوعي المتواضع بمرورك وقصتك الجزله

كل القصيده جميله ومعانيها وافيه بس الابيات ذي غييييييير

وتـبدا الطيور اسراب مثل الهذاليل
.. . هجره جماعــيه ومعها النــداوي


اللي علا شــانه قنصنا مية ميــل
. رحـنا وجــينا ماشــكينا العــناوي


نوفي بممسانا وزين المقاييل
.. ونرتاح لا صاد الرفيق المخــاوي


خمسين ليله ماذكرنا المعاليل
... كـلاَ عــلى ليــلاه غــنا ســــلآوي


وابو الحكايا مـنـيتي تالي اسهيل
..قبل الحجيج اللي على البيت تاوي


الله يجيبه وافي الوصف تكميل
.. واللــه يحــقق رغـبتي بالتســـاوي

الله كريم ولا يخيب رجاك ولا رجا المسلمين

والله لا يحرمنا لا منك ولا من قصيدك

تحياتي لك ولجميع الزوار والي تكرمو علينا بالرد الجميل

[ذيب السمار]

الله يبارك فيك
ويجعلها سنة خير

[عساها تساهيل]

السلام عليكم ورحمة الله وبركاته

حياك الله
أخوي/خيال سهيل



أكيد سهيل له فرحة خاصه عند اللي يحترونه
وأسئل الله أن يعيده علينا سنين عديده ونفرحبه وياكم وحنا بصحه وعافيه



وهذي أبيات في سهيل
يامرحبا يسهيل .. يامرحــبا حـيل
. يامرحـــبا بك عــدّ بــرقٍ ونـاوي



يهيض فكري من جميل التماثيل
. لاشـفت نورك في خلانا الخـلاوي



ماهي عباده غير متعوب انا حيل. والصيف مايرحم شواالارض شاوي



ومن بعد مطلاعك يبـرّد لنا الليل
. . والعُـود يُورِق والمطر له رجـاوي



وتبدا المزون اللي بها سابقاً قيل
. . عـند العــرب بامثالهم والهقـاوي



لاشـفت نجم اسهيل لاتامن السيل
. وان راد ربي يصبح الخـبت راوي



واهل القنص قاموا على الطّير تدهيل
. وكـــلاً يـــدوّر للهــوايه حـــراوي



وتـبدا بك الهجرة ويبدا. الرجاجيل . اللي نصب مخـيام واللي نحــاوي



وتـبدا الطيور اسراب مثل الهذاليل
.. . هجره جماعــيه ومعها النــداوي



اللي علا شــانه قنصنا مية ميــل
. رحـنا وجــينا ماشــكينا العــناوي



نوفي بممسانا وزين المقاييل
.. ونرتاح لا صاد الرفيق المخــاوي



خمسين ليله ماذكرنا المعاليل
... كـلاَ عــلى ليــلاه غــنا ســــلآوي



وابو الحكايا مـنـيتي تالي اسهيل
..قبل الحجيج اللي على البيت تاوي



الله يجيبه وافي الوصف تكميل
.. واللــه يحــقق رغـبتي بالتســـاوي



واختامها يسهيل يامرحـبا حيل
.. . يامرحـــبا بك عــدّ بــرقٍ ونـاوي



وسلامتكم...





تحياتي:
أبو وافي..




صح لسانك يا ابو وافي

لاهنت يا ياصاحب الموضوع والله يحي سهيل

ســـهـيل بــآن وشــيف بــــ24
تــآريخ شوفــه وكلنـا نتحــرآه