ماهو أفضل أنواع ترصيص الكفرات ؟ عادي - لاصق - أرضي ؟ وش رايكم بغاز النيتروجين

[كاشت بالبر]

السلام عليكم ورحمة الله وبركاته

حبيت أستشيركم لأني بصراحه محتار شوي ..

ماهو أفضل أنواع ترصيص الكفرات ؟ عادي - لاصق - أرضي ؟

أنا دايم أرصص لاصق بـ 80 ريال لكن المشكله بعد فتره يطيح ويتقشع خصوصا مع غسيل السياره بالماء المضغوط وأيضا حرارة الصيف العاليه يضعف الغراء وينقشع الترصيص ... لا والمشكله يوم غيرت الفحمات وخرطت الهوبات لقيت وحده من قطع الترصيص جايه على الهوب الأمامي

الترصيص العادي ( قطع حديد ومطرقه ) بـ 40 ريال إذا ماني غلطان والترصيص الاصق بـ 80 ريال

لكن الأرضي ما عمري جربته ولا أدري كم يكلف .. وش رايكم تنصحوني فيه ولا ؟

و وش رايكم بغاز النيتروجين في الكفرات الله يكرمكم ؟

[صاروخ الغطغط]

ترصيص ارضي وعند ميزان العضيب انا اسوي ترصيص عند العضيب شارع عايشه الابراج

[..D7oom]

الترصيص الارضي زين لاكن يروح بعد شهر

في ترصيص اسمه ليزر هو نفس المكاين القديمه الي في البنشر لاكن احدث تلقاها عند البناشر الكبيره
و وكلاء الكفرات وانا مجربها ممتازة

اما النتروجين مجربه على خط طويل وكفرات جديده .. لما اوقف في السفر الاقي الكفرات فيها تنديه

ونصحني احد وكلاء الكفرات انه مايصلح للسفر الطويل قالي داخل المدينه هو افضل وانه يسوي طبقه داخل الكفر

وانا لما فكيت الكفرات القديمه فعلا لقيت فيها طبقه خفيفه ومادري مدى صحه كلامه او مدى ضرر القطبقه هذي

اتمنى لك كل الخير

[كاشت بالبر]

مشكورين على التفاعل والردود والله يجزاكم ألف خير ما قصرتم

اليوم رحت لأحد البناشر الممتازه والكبيره

ولقيت عندهم :

ترصيص عادي 40 ريال
ترصيص لاصق 60 ريال
تعبئة 4 كفرات نيتروجين بـ 30 ريال .. لكن ما عبيت نيتروجين لأني خفت يخلي الكفرات قاسيه مع الحفر والمطبات وعيون القطط ( عاد ما أدري إذا فعلا يخلي الكفر قاسي أو مجرد إشاعات )

سويت ترصيص لاصق بـ 60 ريال تمشية حال وبشوف اذا الرجه راحت أو لا

الله يستر لا تكون الرجه من الجنوط

[البجلى]

السلام عليكم
ترصيص ارضى احسن مافيها كلام ونترجين اكيد افضل في خطوط ولاغيرها
اسافر خطوط طويله 1200كيلو تنزل تمسك الكفرات بارد ماكنه مشى شئ
هوعادي مع كفر نص عمر انفجار بسبب الحراره خاصه في الصيف
اما الترصيص الارضي مسويه عند مخرطة وحيد في صناعية الخليج
في جيب شنب 83 وزي الفل قبل سنه ونص وسويته في لاند كروزر وباث فايندر وفرق كبير
وانا منسنين طويله ما ارصص الا ارضى وبس وهوى نترجين من طلع في السوق
مشيلان يعيش مع 4 سنوات بالراحه واغيره وشكله ممتاز بس راعي عائله وسفرياتي كثيره
الله يوفقكم لكل خير

[أصيل حجآ زي]

النيتروجين
دعآية كذآبة ليسحبو درآهمك .


لا يبرّد ولا ينفع لكفرآت السيآرآت .


يُستخدم بكفرآت وأجهزة
الطآئرآت لعدم وجود الأُكسجين به .
لأن الطآئرة وهي تهبُط / تضرب الأرض بقوة .


وأن زآدت الحرآرة بكفر الطآئرة
وبه هواء عآدي أكتمل مثلت الحريق .


ويستخدم لكفرآت سيآرآت السبآق
للسبب نفسهُ لمنع أنتشآر الحريق في الكفر بسرعة .
لأن سيآرآت السبآق تتعدى أكثر من 300 ونيف كلم بالسآعة .



مثلت الحريق
يحتآج ثلاثة عنآصر أسآسية .
حرآرة + وقود + أكسجين .


وبكفر الطآئرة يكون الكفر وقود
والحرآرة هي الضربة القوية للكفر بالأرض .
والهواء أن به أُكسجين أكتمل مثلث الحريق .


أما بكفرآت السيآرة ما تحتآجُه .
ولا يبرد ولا ينفع في شيء أبدآ .


بكفرآت الطآئرآت /// بالجنوط خآصة
لوجود مسآمير الحديد والمعدن نتجنب حتى وجود الرطوبة
التي تسبب الصدى والهواء العآدي به رطوبة لذلك نستخدم النيتروجين .

ونستخدمهُ في مُسآعدآت قوآئم الطآئرآت { شوك أبزوربر }
في القوآئم { لاندنق قير أسمبلي Landing Gear Assy }
ننفخ المُسآعد بالهواء بعد تعبئت جزء منهُ بزيت الهيدرولك 5606 <
ونستخدم النيتروجين في نطآرآت / خزآنآت زيت الهيدرولك لضغطه .
كُل ذلك لأستبعآد الرطوبة التي تكون جزء من الهواء العآدي ليس ألا .



فلا تكونو عُرضة
لأستغلال الخــُـبرة الحوثيين .


اللي يبيعونكم هواء
النيتروجين من غير حآجة لهُ أبدآ .
وأتحدى اللي يزعم أنهُ مُفيد لكفرآت السيآرآت .
بعضهم زعم أنهُ أذا حطيت النيتروجين في الكفرآت الأمآمية
أنهُ يخفف ويخفض المطبآت .


دعآيآت كذآبة
كدعآية وجود الزئبق الأحمر في مكآين الخيآطة .


ومثل دعآية أنفلونزا الدجآج
والطيور والخنآزير والخيول والحمير .
أستغلو البشر ليبيعوهُم الوهم والدجل .

[مواطن]

جزاك الله خير يااصيل حجازي على الايضاح