ابحث عن قطع غيار شيروكي 94

[3zyiz]

السلام عليكم ورحمة الله وبركاته

اخواني الكرام عندي جيب شيروكي موديل 94 كنت موقفه بالصناعية بحي الخليج في الرياض
المهم قاعد ادور له بعض القطع وفجأة قال الهندي انه مسافر 3 شهور وراجع
خليته عنده لين يرجع لأني ماستخدمه الا للبر فقط
بعد 3 شهور رجع يقول قاعد يدور القطع وان الجيب شالته البلدية .. المهم جيت وطلعت الجيب من وسط السيارات المعدومة وحاولت اشغله لقيت العيوب التالية :
زجاج السائق مكسور
مسجل السيارة مسروع
الديلكو مسروق

http://img519.imageshack.us/img519/152/2555dk5.jpg

المصيبة الحين في الديلكو !!! وين الاقيه وكم سعره ؟ وهل فيه ناس احصله عندهم يوصلونه لي للورشة في الرياض ؟؟؟ ويكون السعر معقول ؟؟

طبعا لقيته عند واحد في جدة بـ 300 ريال لكن المشوار ما يستحق العناء لو لقيته في الرياض

دلوني الله عيافيكم

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




أخي / لا تتعب نفسك .
الثقة والأمينين مآتو من زمآن .
ألا من رحم الله وهُم نآدرين بالمرة .
أفضل شيء وضب قيرك أو دبلك أو مُحركّك .
بقطع أصلية وكآلة وتقدر توضب عند من تشاء .
أبحث عن اللي سميتهُم ثقة أن شاء الله تحصل .

وأن أبيت !!!!!!!
التشآليح كثيرة
زي الذّر { النمل } .
أذا بتشتري من التشليح :
يمكن تحصل بس لا تشتري
الا وأنت متأكد ترليون بالمئة .

لأنها لو لم تركب بتتكبد خسآير لا قبل لك بها .



ضروري يوآفق المُهندس اللي بيغيرها لك .
حتى لا يلومك بعدين ويقول هذا اللي أنت جبتها .
أذا ما تثق بالفني / المُهندس 100% فقد يقول هذا
المُحرك أو القير أو أو أو ما يصلُح فيه أحسن منهُ
حتى يرسلك على صآحبهُ ويتقآسمو الغنيمة فخلك ذيب .




وأحذر التشآليح
/// في الغآلب
يخبّط مُحركهُم أو قيرهُم
أو دفرنشهُم خلال شهر .
يعني بعضهُم سُبحآن الله مؤقت
مُجرّد ينتهي الضمآن { الشهر }
يخبط ويمكن يحترق قُدآم عيونك .
غش رهيب /// يخلطون عبآس على دبآس في القطع .
يشلحو القيور أو المُحركآت أو الدفرنسآت عندهُم
ويركبو هذا في ذآك من غير مقآييس ولا كُتب ولا مرآجع .
أذا دخلت عندهُم كأنها مزبلة خُردة .



حتى عدتهُم وشدتهُم / خُردة
كأنها ورشة لحآم مُش ورشة سيآرآت .

ألا أذا كآن من سيآرة ما فُك القير أو
المُحرك أو الدفرنش وكشفت عليه أنهُ سليم مُعآفى .

ضروري اللي يشتري من التشآليح .
يشتري بأشرآف مُهندس /
فني مُحترف وألا خموك / غشوك .
الا من رحم الله وهُم قليلين ونآدرين .

لأنهُ ضروري تعرف أن كآن بيلقم
مع القير والحذآف والطُنجرة من غير مشآكل .

وأن كآن يركب على الكرآسي
الموجودة أو ضروري ترهم لهُ كرآسي جديدة .
الأمور كثيرة وضروري تعرف التفآصيل .

قبل أن تتفق مع الورشة ///
لأنهُم بعدين بيقولو هذي ما هي علينا
وتلك ما هي علينا وهذي عليك وهلُم جره .

لازم الأتفآق يكون وآضح المعآلم والتفآصيل
وموقع في ورقتهُم الرسمية بثلاث صور رسمية .
ومختوم بختم الورشة الأزرق .

وأقراء بين
السطور { المخفية } .
الغش وأنا أخوك أنتشر
بشكل لا يُرضي الله ولا يُرضي عآقل .

لذلك حصن نفسك بالمعرفة بالتفآصيل .
وتوكل على الله ومن توكل عليه كفآه .
أستشر وأستخر .

هذا الشريط تحت
يشرح لك كيف بعض الغش في التشآليح
يقول وثق بهُم هذا العلج وبعد ما ركب أكتشف :
شطب بمُقدمة المُحرّك في موقع مضخة الماء .
ثُم أكتشف طعج في أحدى البكرآت وبيوريك ذلك
وطعج في طوآيا الكندآسة { العآدم / الشكمآن }
عنوّن شريطهُ بأن لا تثق بالتشآليح { جنك يآرد Junk Yard }
يقول لك لا تثق بأي أحد { نفر ترست أني ون Never trust any one }
يُكرّر ويقول سألتهُ عدة مرآت هل أختبرت هذا المُحرّك وأكد لهُ المُشلــّـح بأنهُ أختبرهُ
وسألهُ تكرآرآ ومرآرآ والمُشلح يكذب عليه ويقول نعم أختبرنآه وهو ينصُب عليه
النصب مو بس عندنا في تشآليحنا النصب في كُل مكآن وكُل زمآن فأحذّر وخلك ذيب :

junk yard 3.4 v6. Never trust anyone!!!!! - YouTube (http://www.youtube.com/watch?v=CzptHZOeq88)




أخــــــــــي :
أذا تبحث عن مـُحركآت أو
قيور أو دفرنشآت أو قطع
ما حصلت الأصلي فـ
أسأل أنت بنفسك
بشحمك ولحمك { DIY }

وأنت جآلس ببيتك بـــجــــوآلـــك .


http://cellphone-reviews.biz/wp-content/uploads/2009/12/xmas-5.gif



أتصل بهذي العنآوين تحت للتشآليح .
بس خلك حذر النصآبين كثيرين .
لازم توصي وآحد ثقة يروح يكشف
بنفسه ويتأكد ويضمن الشيء الزين 100%

أرى ما تتعب نفسك كثيرآ
و لالالالالالالالالا تســـــتــعــجل
بالبدآية أتصل على التشآليح
وشُف وأسبُر أغوآرهُم بعدها لك الخيآر :



ارقام تشاليح الرياض والظهرآن وغيرهُما - (http://mekshat.com/vb/showthread.php?t=450252)



نـــُضـــيــف لها
موضوع الأخ / دل البحر :

أرقام تشاليح السيارات >> في مناطق المملكه هنــــــــا... (http://mekshat.com/vb/showthread.php?t=483309)


ارقام تشاليح قطع غيار وورش في الامارات (http://mekshat.com/vb/showthread.php?t=284912)




تـحـيـــــآتي
بـــــلا حــــدود .


أخــوك :
<<< أبـو عـبـد الـرحـمـن >>>
""" الأصـيـل الـحـجـآزي """


http://www.mekshat.com/vb/images/misc/progress.gif

[7elm.lil]

الله يعينك انا كان عندي شروكي 96 قير عادي وتبهذلت من الدوره
كنت ادور ديلكو وكمبيوتر واللي تجي فوق الكلبليتر اللي فيها اللسان
وحصلت ام لسان ب400 بالتشليح
والباقيات مالقيتهن ورحت لتشليح الحائر ولقيت كل حاجاتي وحاجات بالهبل عند
واحد سعودي اضنه من اهل القصيم من اللهجة
تحصله بتشليح الحاير اللي ب400 اخذتها وربي يشهد 180 والباقيات ناسي بس اضن الكمبيوتر من الألف وجاي
والمعذرة كان ودي اوصف لك او اجيب لك رقمه بس والله من 3 سنين علمي بوه وناسي حتى وصفه
بس ترا تخصصه شروكيات
وعندنا محل قطع غيار بحائل امره واسال لك وان لقيت اعطيك خبر مابي شي فزعه لاني مجرب البهذلة

تم الإرسال من جهازي GT-I9100 بواسطة تاباتوك 2

[3zyiz]

ما قصرتم وكفيتم ووفيتم والله
جعلها الله بموازين حسناتكم اللهم امين

تبهذلت والله مع هالسطحات من ورشة لورشة
سطحة 80 ريال + سطحة 70 ريال + سطحة 150 ريال = 300 ريال سطحات من ورشة لورشة
اخر شي ركبت له ديلكو وحاول يشغلونه ماشتغل والسبب يقول الميكانيكي المختص على قولتهم المشكلة في المكينة ان البلوف ضاغطة على السليندرات
لا اعلم عن صحة الموضوع ..
لكن يقول تحتاج توظيب وبيكلفك .. لكن افضل تركب لك مكينة جاهزة
رحت التشاليح امس ولفيت لين دخت لقيت له مكينة بـ 3500 ريال واعتقد هي اقل سعر مع ظمان 15 يوم فقط
صاحب الحاجة وش حيلته ؟؟
اضطريت اتفق معه على تركيب المكينة وشلته اليوم على الحاير
ظلبت منهم بس يشيكون على المكينة اذا فعلا تحتاج توظيب والا تتصلح .. واتمنى من الله ان ينفعني فيهم ويكونون صادقين ويطلعون العيب اللهم امين ياكريم
ان كانت مكينته زينه فانا ادعي الله انهم يكتشفون العطل وان كانت عطلانه فقدر الله وما شاء فعل .. بغيرها وعلى الله توكلت
المصيبة يبي له تجديد وفحص 7 سنوات ونقل ملكية لانه تبع واحد من الزملاء وودي اخلصه منه واخليه باسمي واعتقد بعد يبي له بوية
شغله طويله عريضة
ولو شريت نظيف ماراح الاقي اقل من 15 الف الى 20 الف
وهذا كلفني 4 الاف على حالته لكن شكله بيطق 15 بالراحة .. والله يستر

الديلكو شريته بـ 500 ريال وبلشت فيه الحين لأني اذا غيرت المكينة فبتكون بالديلكو تبعها

والدفرنس بعد اعتقد يبي له شغل + الفرامل ومشاكلها
والله يا هي حوسة ولا فيه قطع غيار ترحم ولا مهندسين يرحمون

والسيارة حرام تنرمي .. على الاقل حلاتها تتصلح وتقعد للبر ورحلات وانا من النوع الي احب احافظ على السيارة مانيب مهجول مثل بعض الشباب كل يوم بورشة

لكن ربك يسهلها

[San Francisco]

فيه تشاليح بالصناعيه القديمة طريق الخرج تلقى عندهم ديلكو مع الصحن ما يتعدى ٣٠٠

لو تروح تشاليح الحائر بيبيعلك الصحن لحاله والديلكو لحاله وبيعميك بالسعر

القزازه ٧٠ ريال ماليزي

المسجل الغرابي مليان مسجلات وعندك شارع الكهرب فيه محلات مسجلات بس غاليه شوي

[كلاش2500]

اخى الكريم جيبك مافيه الا العافية....وموضوع البلوف ضاغطة على السليندرات....هذا نصاب ..مافى شى اسمه بلوف ضاغطة على سليندرات...الظاهر انهم ماعرفوا يركبون الديلكو لانه يبغاله واحد فنان يقوم بتسقيطه صح ...او ان الديلكو خربان...لكن نصيحتى لك ود موترك عند ورش متخصصة بالشيروكيات ....خاصة الورش اللى تعدل بالشيروكيات ويامكثرها دور عليها بالنت خاصة بالمواقع الخاصة بالتطعيس....اما الهنود وابو يمن ماوراهم الا الخساير....
بالتوفيق.........