نبي أفضل واقوى واير سحب

[راعي ساموده]

السلام عليكم ورحمة الله ..
أخواني الأعزاء نبي خلاصة تجاربكم مع وايرات السحب وأفضل وأقوى واير استخدمتوه ومازلتو تستخدمونه واذا حصل صور مع اسعار الله لايهينكم ..

[باب هداج]

والله انا عندي واير سلسله من شارع الريل مفصلها والحمدلله ماشي حالها

[هولوكس2005]

اخوي ليش راح تسب فيه بلدوزرات ولا تريلات؟


اخوي ماشوف له داعي لأنه كل ماصار امتن كل مصار ثقيل وبلشه


وكان إنك ملزم شف لك سلسله بس ترها ثقيله قوه


أنا معي واحد شاريه بـ 55 ريال
سحبت فيه سيارا ت ماتخيها

وسحبنا فيها جيوب
من عن السنيدي

وخفيف ووذف

[مسافر1]

أخي :
طبعاً السلسلة ثقيلة وخطيرة ومتعبة ومعقدة في رأيي ..
الواير الذي يأتي عرضه بحدود عشر سم وطوله من خمسة إلى سبعة أمتار من أفضل الأنواع .
وعليك بالذي تكون نهايته شناكير حتى يسهل العمل به بدون إضافة .
طبعاً أغلب الموجود صيني ..
تجد أنواع جميلة جداً في شارع الريل والأسعار من 60ــ 100 ..
لك كل شكر .

[راعي الهـــدد]

اخوي الغالي ساموده





افضل شي من خلال تجربتي





رح لمحل بيع الغطاسات حقت الآبار موجودين بكثره في شارع الريل



وخذ من عندهم حبل سحب



الي ينزلون به الغطاس في البير





قله كذا ويعطيك اياه




تراه اصفر ومخطط بخطوط صغيره سود


ممكن تحصله عند غيرهم







المهم حبل سحب بالوصف الي قلت لك





تمنيت عندي كمره لعشان انزل لك صورته بس ماعندي





(( ياناس عجلوا انصحوني بكمره ممتازه ترى داخ راسي ماعرفت اشتري لعشان تجيكم المواضيع الي على مستوى ))







المهم هذا من افضل ما استخدمت وعملي وقوي جداً جداً بل هو مخصص للسحب





اما السلسله خطيره من حيث تنعقد ماعاد تقدر تفكها لو تموت







ومن ناحية ثقيله مره ومزعجه في السياره بصوتها لو جت على حديد







خذ الحبل هذا وبتدعي لي





وتراه رخيص مره





لفه كامله تدري بكم





بـ 100 ريال او تسعين




دمت بخير وعافية وصحه

[عبدالرحمن السالم]

يونه فيه شارع الريل.........؟؟

[المكحل/ابو]

يا خوي
انا استعمل السلسلة
حاط في الطرفين قفيز ربط سهل الفك والربط باليد
حاطة في كيسة رز وذفة تتحمل المتل
تحياتي

[ابوعلي7]

خذ زبدة الهرج اقصد التجربه مافيه واير الا جربته، وكلها للأسف لم ينجح أحد(( وأقصد بالمتل)) إي نعم المتل والله انك احيانا ماتطلع الموتر المغرز الا بالمتله الثالثه، كل اللي جربتهن تقطعت الا نوع واحد صناعته استرالي ( غالي جدا) وانقطع من السوق، ولكن وجدت ماهو أفضل منه ولا يحتاج طوي، ( السلسله ) نعم السلسله ، فصل لها جراب صغير وتحطها فيه بكل سهولة، وتركب بالراسين هوكين__ خل واحد منهم ( هوك قفل ) قل لصاحب المحل كذا وهو يعرف، لكن السؤال هل تاخذ أي سلسله ، والله فيه بعضهن خاص بجر السياكل، الله يسلمك وكل من يقرأ هذا الموضوع تروح لشارع الريل وتسأل عن ( سلسله الماني ___ الأصلي يكون مختوم على كثير من حلقاتها GERMANY__ تاخذ (28 جريت) واذا ماحصلت خذ ( 25) ، وان قد اخذتها ارع مرات من محل كان على نفس شارع الريل ثم انتقل بالشارع اللي يتقاطع مع الريل( شمال) يساااار، وهم ان شاء الله امينين لأنهم هم اللي نصحوني بها اول مره( قبل 15سنه) وأنا شاااااااااااء الله انك بتدعي بقوه اذا استخدمتها، وبدور كرتهم اذا لقيته ارسلت لك رقم تلفونهم

[راعي ساموده]

السلام عليكم ورحمة الله

ياسلام عليكم ياخوان كل واحد يعطينا سلبيات وايجابيات تجاربه عشان تعم الفائده ( والأختلاف وارد ومطلوب )

[طحنون]

فيه وايرسحب استرالي وقيمته غالي وفيه مقاسات مختلفه وهومن القماش والبلاستيك والياف قويه جدا وبعدين مامنه خوف اذا انفلت
ويسحب حتى 12 الف كيلو هاذا اقوى نوع موجودعندهم وفيه 10 طن و6طن واسعار متفاوته لان هورقم واحدفي السوق اللي انا شفته
اما السلسله الحديدانا ما ارتاح لها لانها خطره ومزعجه وثقيله لاكنها عمليه والحديدلسحب التريلات

[باترول 4×4]

السلام عليكم ورحمة الله

ياسلام عليكم ياخوان كل واحد يعطينا سلبيات وايجابيات تجاربه عشان تعم الفائده ( والأختلاف وارد ومطلوب )
في اعتقادي أهم شيء مايكون الواير معقود لأنه كذا ينقطع .
وشيء آخر كلما كان الواير أطول صار أسهل في إخراج السيارة المراد سحبها .لكن يكون هذا على قوة الواير فالضعيف لا ينفعه طوله .

[ابـ معزي ـو]

من ناحيتي افضل الويرات

اللي يجيك حبال ويكون اخره شناكر

ويكون عرض الواير عرض مقبضين يديك الثنتين

وبالتوفيق ...

[Abuanas05]

يا شباب أحد جرب هذا الحبل
منقول من موضوع السنيدي1
http://www.mekshat.com/vb/showthread.php?t=45625 (http://www.mekshat.com/vb/showthread.php?t=45625)


حبل سحب آمن

بقوة 10طن وقادر على المطاوعة لغاية 6سم
يبلغ طوله 10 أمتار
خاصية الأمان ... حيث أنه في حال انقطاعه لايؤذي من حوله
http://www.mekshat.com/pix/upload/images14/mk14499_jadeed10.jpg

[سيف الرياض]

مساكم الله بالخير اخوي الغالي في السوق واير سحب هولندي الصنع وقوي يجي لونه رصاصي مجرب تلقاه بشارع الريل وقيمته بحوالي من ال100 الى 130 والله يعطيكم العافيه

[imksa]

سلام يا شباب


توي جاي من السليماني طريق الملك عبد العزيز لقيت عندهم سبتة شد وارن طولها 9 متر يقولون انها تتحمل 14000 رطل تقريبا 6 طن وهذي صورتها من موقع وارن

http://www.warn.com/truck/accessories/images/135/tree-straps.jpg

قيمتها 230 ريال بس المشكلة ما فيها نهايات ( سبتة بس )

عندهم نهاية ( قفل ) برضه وارن بس قيمتها 90 ريال وهذي صورتها

http://www.warn.com/truck/accessories/images/119/shackles-2-.jpg


العملية مكلفة لكني افكر في سلسلة 8 ملي المتر 8 ريال ونهاية ( قفل ) من الراجحي للمسامير بتوقع سعرها 20 ريال بتكلف اقل من 100 ريال


فمان الله

[عاشق القمة]

والله وانا أخوك أشوف ان السلسلة ممتازة بس عيبها نقلها
وبعض السبت قصيرة ومع المتل تنقطع
أفضل شي هو ما أشار له بعض الاخوان (( سبته استرالية )) وما أدري مكانها وين في الرياض؟؟
أنا أخذتها من محل ((بر و بحر )) في نهاية شارع الستين في جدة وطولها ممتاز جدا وسعرها معقول ولها نهايات سبتة وانا مركب لها قفلين
وماشيه معي زي الحلالالاوة .

[ابوسليمان119]

السلام عليكم



عندي اضافة صغيرة او معلومة قد تكون صحصيح وقد تكون لا



انا من قديم وانا اسمع ان واير السحب ان كان من القماش وكان عندك سحب (متل) قوي يقولون انك تغمر الواير بماء شوي عشان يصير اقوى ..



وقد جربتها ونفعت معاي ...وشكرا



ابو سليمان

[راس أبو علي]

ادا عندك واحد شغال بمطار وعنده((و))
يقدر يجيب الك واير معدن هو لسحب الطائرات
وقوته +20 طن وسمكه مايجي 1سم
عندي واحد طوله 25 متر
ومرتاااح واجد فيه
وتحياتي
لك

[هويدي]

انا عندي هذا الواير من سنه ونص ولله الحمد ماقد انقطع ويبيض الوجه

وعلى كلام الرجال اللي اهدانياه يقول لو تسحبه طياره ما انقطع :D

شريتله شنكار من الصناعيه القديمه بـ12 ريال وفيه الصغير بخمسه بس ينعفط :no2:

وهاذي صور له جمعتها مع بعض لسهوله التصفح

http://www.7yyy7.net/uploads/28ae58b46e.jpg (http://www.7yyy7.net/)

[كادر]

يأ اخوان بالنسبة للسلسلة ايا كان نوعها تراها تنقطع مع النتل
مرة معنا سلسلة المانيه مترها قبل 12 سنة 55 ريال ومطبوع عليها على كل حبة المانيا وانقطعت مع النتل واعدمت الكبوت وفكنا الله
وبحيث اني ماستفدت من الدرس الاول السابق شريت العام سلسلة ومترها بخمسين بعد المكاسر من محل الضيف الله بشارع الريل ومدحها السوداني لين داخ وقال انها مايقصها الا الصاروخ وجاء واحد من الشباب بمقص الحديد اليدوي (مهب حق العماير)وقصها وانا اناظر ووقلت توبها رحت شريت واير حديد 12 ملي والحين تحت التجربة وحرصت يكون قصير حتى لا ينقطع .
وتحياتي

[s3ed]

انا استعمل حبل اسود فية الياف ومعقود نفس حبال متسلقين الجبال

جابة لي واحد من الربع يشتغل في الجيش سمكة حوالي 1 سنتم

تبارك الله قوة غير طبيعية وخفيف مرة

[راعي العوجاء]

شباب انتبهوا من السلسلة والواير الحديد

مرة كان عندي سلسة الصاروخ يتعب الين يقصها وكنت مبسوط فيها مرة الين يوم كان معنا وايت دينا مليان موية غرز جيت اسحبها ما طلع قلت مالي الا اتله اول تلة ثاني تله انقطمت الفتحة حقت شاصي موتري وطارت السلسة وكسرت وجهية الدينا كاملة

الواير لو انقطع وضرب في ادامي ممكن يقصه خطير

خلكم على السبت

[سلطان بن محمد]

الواير أهم شي لا تنتل به السياره ولا يضره شف لك شي يكون ثقيل شوي
والله لوهي سلسله وتنتل بها راح يصير لك شي ما تتوقعه
زي ماقال أخوي راعي العوجاء أهم الشي النتل
شاكر لك

[shaheenshah]

فيه معلومه عندي عن النتل
السلسلة او الواير الحديد ما ينتل بها ابد ابد تعدم عليك السيارتين المسحوبة واللي تسحب لان ما فيه مطاوعه يعني ما ينمغط وبالتالي الله يستر مثل ما حصل مع بعض الشباب اللي ينعفط الهوك حق موتره واللي ينقطم واللي واللي.....

اللي يستخدم للنتل القماش او الشراع لانه مطاوع وبعدين لكل واير من هالنوعية عدد معين من المرات تقريبا 16 مرة تنتل فيه وبعدين اجدعه لانه خلاص ما عاد يتحمل ويكون مكتوب عليه الشي هذا والمعلومة هذي سمعتها في برنامج عن رحلات السفاري

وأنا افضل الواير أبو 35 ريال الصيني يكون معك في السيارة على طول ولا عليه حسوفه لو راح ويفك زنقات واجد بس لا تناتل به (طبعاً راعين المقانيص لهم وضع خاص ولا ينفعهم الواير هذا وفي الغالب ان سياراتهم تكون مجهزة بونش)

تحياتي

[راعي عكل]

السلام عليكم
اخي الكريم انا انصحك بواير عند الرمايه استرالي قوي جداً لونه ازرق وغالي شوي لكن سعره فيه
تقبل تحياتي

[الفتكي]

السلام عليكم
انا معي واير بلاستيك صناعة هولندي قوة سحبه 4طن اخضر اخذته من محل الرشودي للعدد في شارع الخبيب في بريده مقابل البنك الأهلي لاكن واير صح حتى المتل فيه عادي وليس عريض بقيمة 80 ريال ممتاز جدا. لكن الي عند حقين الرحلات كلها تايوانية او صينية.

[ولد وايل]

انتبه من السلسه في حالة الانطلاق تكسر الزجاج وفعلاً صارت مع واحد من الربع عليك بالقماش اللي عرضه 10سم

[طائر الباز]

شف وانا اخوك و انشاء الله اني لك من الناصحين:

مالك الا سلسله هلي التي تعيش و عمليه جدا. و بعطيك وصف محل في الريل هو الي بيسنعك و رجال نصوح اسمه ضيف الله الحيدان و عنوان محله هو:

أمسك شارع الريل من الشرق متجه للغرب تعد اول اشاره و بعدها ب 100 متر تجيك ارض مسوره على اليمين, اول ماتوقف عند الارض وهي علي يمناك ناضر علي اليسار مقابل الارض تشوف محل اسمه الحيدان. هو متخصص في السلاسل و الوايرات و الهوكات.

ادخل عنده و تلقي انواع كثيره من السلاسل و الوايرات و عنده السلاسل الامانيه الاصليه. وهو رجالا نصوح و طيب.

اخوك طائر الباز

[قناص شدا]

افضل شي الاسترالي Arb ممتاز ومجرب تحصله عند الرماية وطولة 9 متر ويتحمل 8 طن وفيه اكثر

[عععبيد]

السلسلة قويةجدا ولكن خطيرة احيانا مع المتل تطير بعض الحلقات
وتعرض السائق للخطر او الاشخاص القريبين
هناك وايرات حديد ممتازة جدا جدا توجد عند محلات بيع حديد التسليح حق المباني
جربتها انا شخصيا سواءا لمتل الشجر او السيارات
هذة وجهة نظر وشكرا

[جندل]

السلام عليكم
اخي الكريم انا انصحك بواير عند الرمايه استرالي قوي جداً لونه ازرق وغالي شوي لكن سعره فيه
تقبل تحياتي

[شامخ ألهيلا]

والله بالنسبه لي انا استعمل واير حديد ورهمت له مماسك مع الجهتين وخليت جهه فيها شنكار والثانيه لفه واول تجربه لي كانت سحبت ددسن في الحوش بالجيب وبعد مربوط جلنط الددسن والحمدلله طلعة تمام التماام

وهذي صورتها
http://upload.kaiaal.com/img/uploads/images/kaiaal-2008-f1c85a4a60.jpg

[عبدالله العلاج]

عافاكم الله على هذا الطرح الرائع
شكرا لكم

[(مواصل)]

كل واحد له عيوبه بس عليك بالسبته الي تجي لونه اصفر ومخططه باسود وعرضه تقريبا 10 سم لانه عمليه وقويه وخفيفه

[abo abd allh]

انا صارحه افضل السبته

نصيحه للي يستخدمون السلسله والواير


اذا جيت تسحب به حط فوقها فرشه واحرص تكون ثقيله شوي

عشان لا سمح الله لو تنقطم تطيح بالارض ولا تاصل السياره



تحياتي

[ابومتعب 777]

شف وانا اخوك

عيب الواير مع السحب يتنتف ويقطع يديك

ويأخذ محل كبير بالسياره

وغير ذلك يشد ويتعقد

ولو سحبت لك واحد وغرزت أنت والواير مشدود انس انك تفكه تبلش انت وخويك



السلسله أفضل بس عليك بالاصلي

انا أفيدك وما قصروا الاخوان


اولا: ميزة السلسله صغر الحجم وقوه السحب بس عليك بحسن الاختيار



كيف تختارها :

قوة السلسلة تقاس بــ ( الجرين ) ومعناها نسبة الرمل للماء ( وهذا للمختصين )



أقوى السلاسل قوة 80 جرين


وأنصحك بمقاس 8 او 10 ملم


الطول : حسب حاجتك أنا أرى من 7 الى 9 أمتار كافي

الهوكات : وهي الكلاليب او القفول انصحك بوضع قفل في الطرف الاول

و الطرف الثاني تضع هوك مفتوح اما اذا وضعتهن جميعاً قفول فبعض السيارات ما يركب الهوك القفل فيه تبلش



الصناعة : الأول الألمانية ثم اليابانية ولا تقل عن الأول شيئاً في هذه الصناعه




المحلات التي تبيعها :


اولاً العثمان قريب من الريل جداً

ثانياً ضيف الله بالريل أيضاً


ثم تفصل كيس قماش ثقيل من الغرابي بـ 15 ريال ولا هيب خساره


أما قولة السلسلة تنقطع

أشتر الأصلي جرين 80 الماني او ياباني من 8 ملم وفوق وأنتل نتل لو تبي طويق رح أنتله

شرط موترك ينثني شاصه والسلسله تطق بأصبع ما درت عنك


من تجربه هذه المشاركه





وعيب السلسله ( المصادره من الربع يأخذها ويصادرها ثم تفشل تسأله عنها ) <<<< صايره له


والله واروح أشتري مثلها الشكوى لله