استفسار مكانيكي

[salem050]

السلام عليكم اخوني
طبعن عقب وقفت الطراد شهرين ما ندق سلف طلعت البحر واجهت مشكله في تصلب الدركسون وعدم تحريك المكينة يعني مجيمه من الوقفه لا يمين ولا يسار
طبعن شحمت الاذرعة كامله وقمت بتحريك حتي تمكن من لف الدركسون بستشارت صياد في فرضة المزروعية ناس طيبة ويساعدون الله يعطيهم العافية
المشكلة الثاني اشغل المكينة ما تشتغل سحبت البش شيكة البنزين والظغاط اوكي والمشكلة ان اصبع الطارية يحتر مادري من كثر التشغل عمومن انتظرت اشوي وعقبة اشتغلت وكذلك داخل البحر نفس الشئ من يوقف فتره اكثر من ساعة مايشتغل على طول لازم ياخذ وقت وعقب ماتحركت يمشي كويس بس لما ازيد السرعة تسمع صوت المكينة تزيد بس سرعة القارب
ابي افادة جزاكم الله خير ماتزيد مادري ممكن كان البحر موج ولا مشكله بالمكينة
المكينة 150 يماها قديمة 95 لونة رصاصي ستاندر

[بدر12]

في البدايه بخصوص مشكله التشغيل انت محتاج الئ تنظيف كربيرتر
بخصوص مشكله مشي القارب هذا موضوع يطول شرحه و طول بالك بس موضوع مثل مشكلتك محتاج معلومات كثيره لان قاربك هو ١٨ قدم و المفروض ان مكينه ٨٥ يطلعه طياره.
بطلب منك اشياء كثيره و معلومات يكون نجنبك الخساير لان صادتني نفس مشكلتك بقارب سابق و وتعطلت اكثر من ثلاث شهور و صلت لموضوع توضيب المكينه و مانحلت و في الاخير طلع الحل تافهه و ماتجاوز تصليحه ٥٠ ريال بعد ماخسرت الكثير.
نبدئ و نقول باسم الله لكن ابيك تعرف انا مش مكينكي او صاحب خبره هذي من تجربه ممكن تفيدك و ممكن لا بس نسهل المشوار لاصحاب الاختصاص:
١- ضغط البساتم عندك كم
٢- السرعه و rpm كم يوصل معك
٣- الحموله الي موجوده علئ القارب كم شخص
٤- مكان الحموله مع تانكي البنزين ممكن تكون مركز في الخلف
٥- اسفل القار و اقصد النقعه نضيفه و ناعمه او لا
٦- ريش البروانه عندك سليمه او فيها ضربات او معوجه
٧- تاكد من سلامه جلده البروانه او الرفاص
٨- تاكد من ساق المكينه ممكن اساس يكون خطا عندك و مش المطلوب اقصد ان قاربك المفروض يكون ساق قصير و انت مركب طويل او العكس و هذي المشكله الي كانت عندي

نصيحه اخ لتخسر الئ انت متاكد من نوع المشكله

[م/عبدالله]

وعليكم السلام ورحمة الله وبركاته

اشكر اخونا بدر على الرد والمعلومات الجيده الله يعطيه العافيه وكلامه صحيح

اضيف شيء بسيط ... المحرك ما اشتغل له فترة طويله .... لازم ينعمل له صيانه
قبل يدخل البحر . تغيير صوف الجيربكس .. تسخين السكان اذا كان ثقيل وتشحيمه
ابدال جلدة الماء ابدال زيت الجيربكس تنظيف الكربريترات ...تنظيف كيبل الدركسون
وتشحيمه . يعني هناك امور
كثيرة لابد ان ننتبه لها قبل تشغيله .

بخصوص السخونه في كيبل الكهرباء هذا ناتج عن التشغيل الطويل
والمحرك يطول معك ... لازم تكف الكربريترات لانها مقفله وافحص طلمبة الوقود
شوف الدفع مع التشغيل . وتأكد من التمديدات كلها .

[salem050]

جزاكم الله خير مشكورين على الرد الطيب في منتدي الطيبين والله يوفقكم في الدنيا والأخره
شكلي ماراح اتفلسف وشتغل بشئ واخرب شئ اسوي له صيانة بالورشة في نفس الأفادة او المعلومه التي اعطيتونيها
نشكركم على تعاونكم

[بدر12]

اخوي حبايبنا الموجودين يهمهم القرش قبل التصلح و ممكن هالشي ماتعرفه في الشرقيه والله ليخلونك تكرهه للماطور حقك من كثر المشاكل الي بيطلعوها فيه و في الاخير و الاهم ان المشكله مابتنحل و اكبر دليل ردي لك ان وظبت مكينه و اساسا ساق المكينه كان خطا
تابع المواضيع هذي و الحلول الي نزلت باذن الله بتلقئ ضالتك
http://www.mekshat.com/vb/showthread.php?t=536120
http://www.mekshat.com/vb/showthread.php?t=547386
http://www.mekshat.com/vb/showthread.php?t=555154

و اهم موضوع هو في المواضيع المثبته في شرح وافي يفيدك
و اذا رديت علئ اسالتي الي في ردي السابق بتشوف المشكله و بتنحل