أين نجد بطارية أوبتما الجافة في الرياض

[FreeNokia]

السلام عليكم ورحمة الله وبركاته

أين نجد بطارية أوبتيما الجافة في الرياض
وما هو القياس المناسب لسيارة البرادو 2010
وما هي الصناعة المناسبة لها (أمريكية/مكسيكية....)
وهل من نصائح وتنبيهات قبل الشراء

وجزاكم الله خيرا

[المشنقة]

وعليكم السلام ورحمة الله وبركاتةتلقاها عند اخر المحلات بشارع الريل على يمين اتجاه غرب

الاحمر مناسب للدفع الرباعي

ويجي اصفر وازرق

الصناعة المعروف انها مكسيكي

السعر من 700- 1000

الوكيل الموزع لها شركة بيرلي حق الكفرات بطريق خريص

سمعت انها منقطعة قبل فترة لكن حاليا مدري

[FreeNokia]

نشكر لكم سرعة الرد
وحسب كلامك أن لها وكيل وذكرت أنها منقطعة ؟
إذا فيه اسم محل معين أو رقم هاتف نقدر نتواصل معهم
لأنه لي زيارة قربية إلى الرياض إن شاء الله

[ابو ســــاره]

عند محل 4500 بالربوة وسعرها 1450 وما انصحك فيها ما كملت 7 شهور وخربت عندي

[ناصح]

عند محل 4500 بالربوة وسعرها 1450 وما انصحك فيها ما كملت 7 شهور وخربت عندي

غريبة

لهذه الدرجة رديئة ..؟؟

هل وضعتها كبطارية احتياطية أم اساسية ..؟؟

هل اشتريتها بضمان أم بدون ..؟؟

[FAAHOOD]

عليكم السلام ورحمة الله وبركاتة

عند ورشة الصبي تحصلها انا مركب البطارية الحمراء عنده طبعاً اضافية
وبعض الاضافات
وراح تحصل عنده عدد من البطاريات الجافة
اسم صاحب الورشة ( ابو شهد )
بالنسبة لرقم الورشة لا استطيع ارساله لك على الخاص لعدم كثرة مشاركاتي
واسف على الاطالة

[ابو ســــاره]

غريبة

لهذه الدرجة رديئة ..؟؟

هل وضعتها كبطارية احتياطية أم اساسية ..؟؟

هل اشتريتها بضمان أم بدون ..؟؟

ايوالله غبنة الصراحة بهاذي القيمة اشتريها وتخرب بهالسرعة !
تاريخها جديد ولكن ليس عليها ظمان !

استخدامي لها احتياطية وتغذيتها عن طريق ما يسمونها دقمة وسبق كان قبلها بطاريتتين كلهن ما تكمل سنة وتخرب .

[hdm]

ايوالله غبنة الصراحة بهاذي القيمة اشتريها وتخرب بهالسرعة !
تاريخها جديد ولكن ليس عليها ظمان !

استخدامي لها احتياطية وتغذيتها عن طريق ما يسمونها دقمة وسبق كان قبلها بطاريتتين كلهن ما تكمل سنة وتخرب .


ابوساره والبطاريتين اللي قبل كلها اوبتيما؟ معقولة

[دانفوس]

ابتيما اخذة سمه وهي فاشله

[لاتكب البيالة]

انا شاريه من محل بالريل اذكرة اخر حبة صفراء اخذته ب 850
ومعي ممتازة واشغل المبة والثلاجة عليه ولا عندي الا الاساسية فقط لكن اشغل السيارة كل 3 ساعات لضمان انه ما تفضى

[ابو ســــاره]

ابوساره والبطاريتين اللي قبل كلها اوبتيما؟ معقولة
لا الي قبلها با قادر اليابانية ثمانية اشهر تعطلت وقبلها ايسي ديلكو ونفس الشي لذلك اخذت اوبتيما وطلعت مثلهن .

[ابو ســــاره]

انا شاريه من محل بالريل اذكرة اخر حبة صفراء اخذته ب 850
ومعي ممتازة واشغل المبة والثلاجة عليه ولا عندي الا الاساسية فقط لكن اشغل السيارة كل 3 ساعات لضمان انه ما تفضى

ما شالله سعرها رخيص مع اني دورتها العام الماضي في الغرابي وما لقيت الا الزرقاء بالغرابي ب1200 ريال واخذت الصفراء من محل 4500

[Anwar abdulla]

ايوالله غبنة الصراحة بهاذي القيمة اشتريها وتخرب بهالسرعة !
تاريخها جديد ولكن ليس عليها ظمان !

استخدامي لها احتياطية وتغذيتها عن طريق ما يسمونها دقمة وسبق كان قبلها بطاريتتين كلهن ما تكمل سنة وتخرب .

برا يعطون عليها ضمان خمس سنين

واخاف ان فيه شي مغشوش لان اكثر الناس تمدحها

الوكاد مفروض يوم ماعليها ضمان ماتاخذها لكن قضاء وقدر

[علي العساف]

انا اخربت معي ولا انصح فيها

قيمتها تجيب 5 بطاريات على مدار 7 سنوات

بالتوفيق

[الاجداث]

بالفعل بقيمتها تبدل كل سنه بطاريه لمدة 3 سنين تقريبا
البطاريه جيده لكن اجوائنا الحاره ما تعطيها قدره مقاومه فبسرعه تتاكل مع تفاعل وحراره

[علي العساف]

لا تتحمل الحرارة تصلح للقوارب او اضافية بالسيارة لكن خارج الكبوت

[الوووحيد99]

نصيحة اخوي لا تقربها وابتعد عن الخساير

ركبها اخوي ماكملت 8 شهور وخربت رجعها للمحل الي شراها منه قاله ماعليه ضمان

وانا وجهت نظري انه الي يقول انها تعيش خمس سنين اقول تعال احسبها

لو تاخذ كل سنه بطاريه جديده ومن افضل الانوع قيمته 300 ريال وكل سنه غيرت نفسها جديده راح تطلع عليك بنفس قيمة الاوبتيما بعد خمس سنوات

[FreeNokia]

كل الشكر والتقدير لنصائحكم ونقاشكم

لدينا استفسار
هل بالإمكان معرفة حالة البطارية الحالية للسيارة بحيث يمكن تدارك استبدالها بأخرى جديدة قبل ما تتعطل؟ وكيف؟

[قناص مزاجي]

اذا البطاريه من غير ضمان انصحك لا تشتريها لانها تخرب بسرعه وذلك لسوء التخزين

[ناصح]

يا شباب الرجال يسأل أين يجد البطارية

وقد تشتت الموضوع بين مادح وذام :)


وبما أن البطارية الاصلية مهما كانت فهي مهمه جدا لمن يتكرر خروجه للبر

فياليت نسرد تجاربنا هنا

بطاريات اوبتما optima بين الوهم والحقيقة..؟؟ (http://www.mekshat.com/vb/showthread.php?t=591855)

شكرا لكم

[تميم2222]

حسب علمي الناس اللي تقول خربت معهم. بطاريه اوبتما. لازم. تواخذ علئ. حجم السياره وكل موتر وله مقاس. لان اذا خذيت اكبر من قياس السياره يشتغل نص البطاريه فقط او جزء منها والباقي ما يستخدم وتجف. وتخرب. وما انصح انها تركب احطياطيه. لان الاحتياطي ماعليه شغل واجد. مثل الاساسي بختصار. بطاريات اوبتما عشان. تعيش لازم دوره الكهرباء والشحن مشتغل عليها دائما. ..... وسلامتك

[Anwar abdulla]

بالفعل بقيمتها تبدل كل سنه بطاريه لمدة 3 سنين تقريبا
البطاريه جيده لكن اجوائنا الحاره ما تعطيها قدره مقاومه فبسرعه تتاكل مع تفاعل وحراره


نصيحة اخوي لا تقربها وابتعد عن الخساير

ركبها اخوي ماكملت 8 شهور وخربت رجعها للمحل الي شراها منه قاله ماعليه ضمان

وانا وجهت نظري انه الي يقول انها تعيش خمس سنين اقول تعال احسبها

لو تاخذ كل سنه بطاريه جديده ومن افضل الانوع قيمته 300 ريال وكل سنه غيرت نفسها جديده راح تطلع عليك بنفس قيمة الاوبتيما بعد خمس سنوات

والله ماجربتها .. لكن مشكله اذا ماتتحمل الحراره ولا عليها ضمان مااستفدنا

[تميم2222]

الريل بعض المحلات. يبيعونها

[المتلولس]

الله يعطيكم العافيه كنت بشتريها ويوم شفت تجارب الشباب هونت

[راعي المسرى]

شريناها على المدح اللي قيل عنها لكن لقيناها ما تستاهل حمراء ب1200ريال .... وخربت بعد شهر
نصيحة عض ثوبك وكل سنة ركب وحدة كورية ب230 ريال أبرك لك

[كاشت شمال]

مشتريها مستعمله ومركبها لي سنتين ونص بالضضبط والحمد لله جديدة، الحمراء والموتر باترول 008

[تنومه1]

شيك على الرابط قبل ما تتورط

http://www.mekshat.com/vb/showthread.php?t=591855

[q8-feras]

السلام عليكم
انا بو عبد الرحمن من الكويت
اهي متوفره في الكويت
اسعارهم 55 دينار
او في بعد مستعمل علي 25 دينار

[بن معدل]

والله يالربع فيه ثلاثة من الربع مركبينها الصفراء على جيوب ثنين حاطينها اساسية وواحد اضافية ولها الان سنة وشهر وتمام التمام ما لاحضوا عليها اي ملاحضة ولله الحمد

[شقردي]

شيك على الرابط قبل ما تتورط

http://www.mekshat.com/vb/showthread.php?t=591855

صحيح انا متردد وشكلي هونت

شكرا لك

[primus-plus]

بصراحة الموضوع يحير
فيه المادح وفيه الذام ؟؟
يعني نركب او نطنشها وندور غيرها ؟

[الديزل]

ركبت بطارية أوبتما الصفراء ٧٥ امبير مكسيكيه ب١٥٠٠
لها الان سنتين روعة جدا وعمليه والأخوة اللي يشتكون من
سرعة تلف البطارية الاضافية يركبوا منظم بين البطاريتين
مع المداومه على تفريغها واستخدامها بإستمرار وبإذن راح تطول معهم .وسلامتكم

[تميم2222]

اذا لقيتو احد يبيعها. علمونا بالله ؟؟؟

[سيف الظفير]

يا اخوان


الصفراء للبطارية الاضافية // لوجود خاصية الديب سايكل

والحمراء للتشغيل

[ABO MOHAMED ALTMEME]

وعليكم السلام ورحمة الله وبركاته

اخي الحبيب البطاريات الجافة ممتازة جدا لاكن ليس هنا في السعودية والاماكن الحارة لان الحرارة سبب قوي بخرابها راح تتعطل عليك

الي ينجح هنا هي اسدلكو او با قادر وفيه نوع جيد وأستخدمه انا وهو قيد التجربة والى الان ممتاز جدا وهي البطارية التركية

لاكن اوبتما رأيتها مؤخرا في الغرابي في الرياض سعرها قرابة 1000 ريال او اقل بقليل ويقول لي صاحب المحل ان عمرها المتوقع 9 سنوات لاكن تشتري 3 بطاريات سائلة تقريبا بنفس السعر وراح تجلس معك 9 سنوات كل بطارية 3 سنوات

انا بحثت عن البطاريات الجافة سابقا لاكن لم اجد ما تستحق سعرها

[saaqaar]

عندي ثنتين حمر مكسيكية جدد
على 950
الي يبيها ع الخاص

[ssami]

آسف على الكلمات الي بكتبها ركبت باقادر وايس ديلكو والكوريه التي تعباء ماء مقطر ودايو ايضاً ، ضمان سنه وتخرب موقتة
سنه فقط

[FreeNokia]

كل الشكر والتقدير للجميع على مشاركتهم

[هوازني]

مقطوعه من السوق لها اربع اشهر

[سيف الظفير]

خذها من ورشة الصبي مخرج 15

الصفراء لانها للكهرب والحمراء للتشغيل

[kha6622]

السلام عليكم
انا بو عبد الرحمن من الكويت
اهي متوفره في الكويت
اسعارهم 55 دينار
او في بعد مستعمل علي 25 دينار

وين ينباع المستعمل بغيت وحده

[kh4630]

انا سبق وشريتها من محل بريللي للإطارات في شارع العروبة قبل بنده مباشرةً
صفراء تقريباً بـ ٩٣٠ ريال قبل حوالي ٨ شهور

ومركبه على جيب لاند كروزر GXR
والحمدلله الامور زينه

[d3izol]

سبق ان اخونا ناصح كتب موضوع عن الابتيما ، وكتبت فيه رد اتوقع انه يفيد الجميع لذلك انقله هنا



السلام عليكم

نشكرك على اختيار هذا الموضوع المتميز والمهم للجميع

انا من المهتمين بالبطاريات وتسليكها ، وسبق جربت اكثر من ورشة في الرياض والقصيم ، لكن للاسف دائماً هناك مشاكل مع التمديدات للبطارية الأضافية . انا عندي ثلاجو السيارة شغالة طوووول السنه صيف وشتاء لذلك جربت الكثير من المشاكل والحلول .

اخر ما توصلت إليه هو ان افضل حل من ناحية قلة الاعطال والمشاكل وتذبذب الكهرب هو تركيب بطارية واحد مقاس كبير وتركيب جميع الاضافات عليها مع ضبط الثلاجة على High حتى ما تستهلك كل جهد البطارية . كثير من الشباب يضبط الثلاجة على Low ظناً ان هذا يوفر الكهرب وهذا غير صحيح ، high تعني ان الثلاجة تعمل على كهرب عالي فقط ( اعلى من ١٢v ) واذا انخفظ الكهرب عن هذا الحد تفصل ، وضعية Low تعني ان الثلاجة تعمل حتى لو انخفض جهد الكهربا الى اقل حد ممكن وهذا يتسبب في تفريغ البطارية ثم تلفها بوقت قصير.
البعض قد يستغرب هذا الكلام وكثير من الشباب حتى المختصين في الكهرب يقع في هذا الخطأ ويظن ان هاي لسرعة التبريد و لو تعطي تبريد اقل وهذا غير صحيح
لذلك انصح الشباب من واقع تجربة واختبار بتركيب بطارية واحد اساسية مع ملاحظة :
١- ضبط الثلاجة على high
٢- تركيب بطارية أصلية ( ابتيما او غيرها ؛
٣- وضع بطارية منفصلة صغير ( نفس بطارية بن عمار ) للطوارئ


بالنسبة لبطاريات ابتيما : فقد تولصلت مع الشركة لاستفسر منهم عن بعض المشاكل التي يذكرها بعض الاعضاء وحصلت لكم معلومات مهمة جداً جداً وكان نقاشي معهم عن هذي النقاط :
١- الوكيل والاسعار : ابشركم ان الشركة لها وكيل الان في السعودية وان ابتيما مهتمة جداً بالسوق السعودي ، اخذت رقم الوكيل واتصلت عليه وتفاجأت انه احد اعضاء مكشات واخبرني ان جميع بطاريات ابتيما ستكون متوفرة في السعودية في شهر اكتوبر وستكون الاسعار اقل بي ٢٠٪ عن اسعار الخليج مع ضمان استبدال ( سنتين او ثلاث نسيت ) وطلبت منه كتابة موضوع عن البطاريات وانواعها ووعد انه سيشارك بموضوع مستقل .

٢- الجودة والاعطال : سألت الشركة عن الاعطال وسببها واغطوني معلومات كثيرة عن سبب العطل منها
- استعمال موديل خطأ كأن تستعمل بطارية حمراء للملحقات مثل الثلاجة والانوار
- استعمال بطاريات غير مخصصة للسوق مثل بطاريات مصنعة للمعدات العسكرية او الطبية وتكون مخزنه لفترة طويلة ثم تباع على انها جديدة ، غالباً تكون من الموديل الاحمر واحياناً اصفر ، وهذه البطاريات تكون بدون تاريخ انتاج ( التاريخ مطبوع على البطارية )
- وجود خلل او تهريب الكهرب في التسليك وهذا يكون غالباً عند وجود بطارية اضافية .
ايضاً هناك شي مهم وهو ان البطارية قد تحتاج للتعبة من جهاز التعبئة احياناً لتعود لحالتها الطبيعية ( يوجد عند البناشر ويوجد جهاز خاص بابتيما ) هذا الشحن يعيد قدرة البطارية على العمل اذا تعرضت للاتماس او تذبذب ، بعض الشباب اذا ضعفت عنده البطارية مباشرة يظن انها خربانه .
- الصناعة : جميع بطاريات ابتيما صناعة مكسيكية ولايوجد مصنع في امريكا ابداً ( الحقيقة استغرب من هالمعلومة لان دائماً نسمع صناعة امريكي ومكسيكي)


هذي الملاحظات تساعدنا في الحكم على البطارية وطريقة استعمالها وتقييمها ، في رأيي ان الابتيما من افضل البطاريات خصوصاً اذا كان لها وكيل يقدم سعر مناسب وضمان حقيقي . وهذا ما نتمناه من الوكيل الجديد.



هذا ما تيسر جمعه عن الموضوع واتمنى اني قدمت شي نافع للموضوع واعتذر عن الاطالة

اعتذر عن بعض الاخطاء الان الكتابة من الجوال

اعتذر عن الاطالة

[ابو_معاذ]

السلام عليكم ورحمة الله وبركاته,,,
يوجد لدينا بطاريات اوبتما النوع الأصفر جديدة للبيع للطلب الاتصال على جوال رقم (0505126127) ابو معاذ

[فكسون]

السلام عليكم ورحمه الله وبركاته لا اطيل عليكم سوف تتوفر البطاريه الصفراءانشاء الله عندي يوم الاثنين القادم وبسعر1200 ابوعبدالله