المساعد الشخصي الرقمي

مشاهدة النسخة كاملة : يا رفيقي جهز العزبهـ وتل .:. تل جيبن صاحبه ما وفره


بن عويف
27/08/2013, 02:47 PM
بسم الله الرحمن الرحيم

السلام عليكم ورحمة الله وبركاته
تحيه طيبه للجميع

احبتي
سهيل وما ادراك ما هو سهيل

تتوق لظهوره نفوس اهل المطاليع والمقانيص
كتبت فيه وكتب فيه غيري الكثير

ولكن هنا
وانا اقلب في صفحات الجوال
مرت علي ذا الصوره وقد قمت بالتقاطها العام بنفس هذا التاريخ
في إحدى المطاليع
وكتبت عليها هذين البيتين
التنسيق ليس من برامج احترافيه بل من الجوال
ولكنه وفا اللزوم

http://img845.imageshack.us/img845/7227/tzt0.jpg
يسعدني تواجدكم وتعليقكم
ودمتم بخير
صافى السريره
31/08/2013, 11:26 PM
صح لسانك وبارك الله فيك
واحد درويش
02/09/2013, 12:15 AM
واحد درويش .. عايش درويش وبيموت درويش قمة المبتغى وقمة الرضى

رد على ابن عويف الرد متواضع لكن تلة الجيب طناخة

كايف ياكايف ..

أحيانا امغط من الرياض لخشم رثمة شبة نار وبراد وحداني يازين السعه يازين النفود يازين ريحة الرمث ..

لا اخفيكم ان العلاقة وطيدة

اصلي العشاء وارجع للبيت .. بلا هواجيس ..

افقدها دائما نعم انها مدفونه هناك في خشم رثمة ..


يامرحبا ترحيبتن وصطها فل

وبيالتن على الجمر مخدرة

في فيضتن نبتها كنه الزل

ماهي عن عطايا الله مسكرة

لاقت بالرفيق اللي مكمل

فعوله على الهتول معسرة

يارب ودي فيه اتجمل

لو خبزتن على الجمر مقمرة

قالو سهيل لمحترينه طل

وصلوا شكر يوم الله اظهره

ياصاحبي تل الجيب تل

وانت قرم نوم الضحى تحقره

هتيل من الهتالة مايمل

وانت مجهودك للطناخه تذخره

يفداك هرش جسمه مفتل

شبيه البهيمة واخته تنهره

ماشال كتفه حملن مدبل

ولاقزا نومه هجوسن تسمره

ودع اصحابك من الطايف وصل

الدرب واضح طريقن تخبره

تعبت اعدل الوقت وماتعدل

الزمن قاسي والظروف معسره

ماهي بشلفا واسمي واتوكل

يرتاح بالي والامور مدبره

ومدبر الكون ربن ماغفل

عالمن بالي خفى والي نجهره


درويش كان هنا
هاوي عبث
02/09/2013, 08:57 AM
صح لسانك يا ابن عويف وانصحك بتصغير حجم التصميم دائما
ك 900*800 بكسل مناسبه بالتوفيق اخوي

http://www.m5zn.com/newuploads/2013/09/02/jpg//7e997913a9773e9.jpg (http://www.m5zn.com/out.php?code=14923223)
بن عويف
04/10/2013, 08:33 PM
صح لسانك وبارك الله فيك

صح بدنك يا اخوي
والله يحييك
بن عويف
04/10/2013, 08:35 PM
واحد درويش
حياك الله اخوي
وشكراً لتواجدك
بن عويف
04/10/2013, 08:36 PM
اخوي الغالي
هاوي عبث
بكل اسف البرنامج فالجوال
وهذا اصغر حجم للرفع
وسلامتك
ولعل تحديث البرنامج يوجد لنا خيارات افضل مستقبلاً
اشكر حرصك واهتمامك وتعاونك
وتصاميمك
محمد ابن عيد
05/10/2013, 12:32 AM
-

صح لسانك ي الغاليُ
و هيضتنا ب البر و الطلعات والله يجيب الخير
بن عويف
27/11/2013, 03:15 AM
-

صح لسانك ي الغاليُ
و هيضتنا ب البر و الطلعات والله يجيب الخير

صح الله بدنك يالغالي
شد حزامك
المطر طاح
والباذر ظهر
وانت في جوف الوسم
ما عاد لك عذر عن المطاليع
والسيارات والجهازات مستعده ما ينقصها
غير القروم الشخاتير