كيف تحط بندقك وانت تصيد بالموتر

[دكتور زمانه]

البعض يركي البندق على كتفه ويدوج والبعض يحطها
ورى لين يلقى شي .... الخ
وش الانسب من خلال التجربة

[السسفير]

الانسب يكون بيت النار فاضي
و فمها برا السياره
والله يستر ع الجميع

[المرسل9]

قبل يومين في المقناص واناء راجع من المقناص طاح السلاح من على المرتبه ونزل نظري ابي ارفعه
ومادريت اللى قامع الخط والحمدالله سلمت بس العكوس لعب الله فيها والاذرعه يالله وصلت الرياض

[سراي-01]

انا مع السفير في الرأي ... الله يستر على الجميع

[S3oDi]

انا مع السفير

بيت النار تكون خاليه

واذا كان معك احد راكب خلف يفضل تكون فوهه البندقيه بالخارج

[المتلولس]

نعم بيت النار يكون فاضي افضل

[عساها تساهيل]

اهــم شي يكون بــيت النار فـــــاضي مثلي اللحين:D
لكن فم البندق لاصار مافيها فــشق افضل تخليها داخل الموتر
عشان مايدخلها غبار او شي

عطونا اراكم ياالنشاما:good:

[ابوعاشة]

طريقة مجربة تربط خيط صغير ودائري في الشوزن وتعلقها في مفتاح المثلث وتطلع فمها مع الدريشة مهب اي سيارة فيها مثلث لاكن الي معهم شيصان ودداسن وهايلكسات بتضبط

[المنذراوي]

افضل طريقه ..تعبي المخزن رصاص متوسع وتخليها جاهزه وتحط فمها باتجاه بطنك وانت تسوق عشان اي مطب المتوسع ببطنك.....الله يهديكم بس....ياخي اسدحها بالمرتبه الخلفيه ومابها فشق او حطها على المرتبه اللي بجنبك ومابها فشق....احذر من السلاح اشد حذر من الداب

[دكتور زمانه]

بيض الله وجيهكم
مشكورين يالغالين

[ابوماجد-1]

نعم مثل ماتفضل اخونا السفير بيت النار فاضي

وخشم البندق برا ويفضل ماتحط الفشقه بالبندق

الا صيدتك قدامك واذا صدتها قبل تنزل لها تأكد بأن سلاحك فاضي

ودعواتي للجميع بالسلامه

[Daym]

قبل يومين في المقناص واناء راجع من المقناص طاح السلاح من على المرتبه ونزل نظري ابي ارفعه
ومادريت اللى قامع الخط والحمدالله سلمت بس العكوس لعب الله فيها والاذرعه يالله وصلت الرياض

استغفر ربك ياشيخ تعالى الله عم تقول علوا كبير
اللهم إنا نستغفرك ونتوب إليك عز جاهك وتقدست أسماءك

[wex]

طريقة مجربة تربط خيط صغير ودائري في الشوزن وتعلقها في مفتاح المثلث وتطلع فمها مع الدريشة مهب اي سيارة فيها مثلث لاكن الي معهم شيصان ودداسن وهايلكسات بتضبط

:good::good::good::good::good::good:

[تربة الشمال]

لازم يكون فم البندق خارج السيارة ومتجه الئ الاعلا حتئ لو كانت ساكتون هوائيه

[قلب الداهية]

اذا هي ام خمس خل الفشقه في المخزن وحطها في المرتبه بالطول واذا لقيت صيد عشق الشوزن واذا رميت امن من جديد واللهم صلي وسلم على نبينا محمد
شغلة ان البندق تطلع فمها تصير يد للبندق ويد للدركسون شغله وتتعب

[مصعب 00]

افضل طريقه ..تعبي المخزن رصاص متوسع وتخليها جاهزه وتحط فمها باتجاه بطنك وانت تسوق عشان اي مطب المتوسع ببطنك.....الله يهديكم بس....ياخي اسدحها بالمرتبه الخلفيه ومابها فشق او حطها على المرتبه اللي بجنبك ومابها فشق....احذر من السلاح اشد حذر من الداب
ههههههه الله يهديك تبي تموت الرجال

[فرخ قطا]

حطه بالصندوق ولالقيت شي اطمر بالصندوق وارمه

ههههه


افضل شي طلع الماصوره مع الدريشه