استفسار عن العقير ..

[Mr.Snorkel]

السلام عليكم يا شباب ...

كيفكم يا شباب .. ان شاء الله تكونوا بأتم نعمه

حبيت استفسر عن منطقه محضوره اسمها راس حربه في العقير في احد سمع فيها وكيف الصيد فيها مع العلم اني بطلع سنوركل

واذا تعرفون اي منطقة زينه بالعقير غير راس حربه لا تبخلون حتى لو كانت محظوره ماكو مشاكل

انا طالع هالويكند واذا تعرفون مناطق وحابيين تخاوون حياكم

انتظر فزعتكم يا شباب

[SNIPER07]

هلا و غلا

منطقة راس حربة / ممتازه للصيد و بالذات للشباك

و هي تقريبا مقابله للعقير و الصيد فيها ممتاز

ارضها قوية و فيها طعوووس شوي

و اذا جيت تروح الراس لازم تقطع مطيح طعس

و اغلب سمك فيها الان هي الشيمه

بس وقت مغيب الشمس يجي الخفر ويقولك حرك

ممنوع تتواجد هنا بالليل

و ان شاء الله اشوفك صورة او احداثيات للموقع

تحياتي

[Mr.Snorkel]

يعطيك العافية على مرورك.. واللي فهمته من كلامك ان المنطقة ماتنفع سنوركل

وخلني اختصرلك مرادي انا ادور الشعب المرجانيه والصخوور

هل في العقير او اي منطقة مجاوره لها موجود هذا الشي او لاا انا على جديد على المنطقه الكثير ما مدحلي االعقير لكن انا غواص وادور الشعاب المرجانيه او الصخور اذ احد عنده خلفيه لا يبخل علي واذا الشعاب او الصخور موحده معناها فيه خير وانا المسؤل عن هالكلام

يعطيكم العافيه

[د مقبل]

ماشاء الله تبارك الله
اي جه يكون الصيد أفضل
يليت تعطيني الموقع عن طريق قوقل ايرث

[accentkool]

راس حربة مدحوها شبوك وسنانير وشكات والارساليات
لكن سنوركل ما اعتقد
تبي الصخور تبي المرجان عليك بالقصااار
المظلات الجديدة
مليانة فسكر وينم وغيرهم
فية قروب سنوركل
تخصص بحر العقير
راسلني بعلمك وين فيةالهوامير بالعقير
0566438383

[حنيف]

راس حربه انا جيتها سنوركل من ثلاث سنين تقريبا ما كان فيه تشديد قوي مثل الان يجي فيها سبيطي شقر بس صغير ربيب نادر شعم فارس كان يجي مجموعات لكن يكش وقت القلي ويجي فيه الشعم العادي لكن على حد علمي فيه صيادين يجونها بالطراد يحطون شباك ولا هوب من زود السمك فالعقير اكيد راح يقل الصيد بس فيه اماكن فالقريه وفي دوحه حماه وبوقميص ممتازه للغوص وصيد السمك

[جهاد حسن]

اذا تبي الصخور والشعاب المرجانية أنصحك بمنطقه راس ابو علي كل الخير فيها

[صياد الاحساء]

اذ تبي الشغل العدل روح دوحه حماه حداق سناره صح بس الطريق دمارشامل