استشارة وسؤال حول الساكتون الطيبة ....

[برج المراقبة]

السلام عليكم ورحمة الله وبركاته

اخواني اعضاء مكشات الكرام اود منكم التكرم والنصح حول الساكتون الهوائية الجيدة والطيبة :good:

الميزانية /مابين 1200-2000 ريال
الحاجة/صيد مافوق القمري - غرض تسلية رماية وغيره
المستخدمين/ راح استخدمها من حين لآخر وراح اخليها عند الوالد لاستخدامها الله يحفظه
وقت الطلب/اريدها اليوم قدام بكرة لكن كدروا خاطري يومهم قالوا فيه تصريح وماراح تاخذ البندق
إلا بعد التصريح مابين 10-15 يوم وربما اكثر :eek: رغم ان البعض بالمنتدى ذكر انك تقدرتاخذ بندقك والتصريح بعدين!!!

علما بأني مريت كلا من صاب والصياد العربي بجدة ولفت نظري قلة البنادق لديهم ...يقولون صرفناها وننتظر شحنات قادمة من اسبوعين لشهر وربما اكثر ...

وجدت ديانا اعتقد 54 ذراع التلقيم مع الجانب لكن ثقيله شوي مادري مين جربها!!


انتظر شوركم يا عيال ....

[سكاكا]

نصيحة لوجه الله أبعد عن ساكتون الذراع هذي هي
تسمعك بجنبي أشتريتها العام وأنكسر ذراعها من أول
شهر ولا فكرت أصلحها لان ماعادت تجمل
لذلك توكل على الله وخذ لك فايروخ ولا تعداها
لها سنين كثيرة معي وماقد شكيت منها والأمر بيدك

[المتلولس]

نصيحة لوجه الله أبعد عن ساكتون الذراع هذي هي
تسمعك بجنبي أشتريتها العام وأنكسر ذراعها من أول
شهر ولا فكرت أصلحها لان ماعادت تجمل
لذلك توكل على الله وخذ لك فايروخ ولا تعداها
لها سنين كثيرة معي وماقد شكيت منها والأمر بيدك

عطاك العلم....

[برج المراقبة]

نصيحة لوجه الله أبعد عن ساكتون الذراع هذي هي
تسمعك بجنبي أشتريتها العام وأنكسر ذراعها من أول
شهر ولا فكرت أصلحها لان ماعادت تجمل
لذلك توكل على الله وخذ لك فايروخ ولا تعداها
لها سنين كثيرة معي وماقد شكيت منها والأمر بيدك

حياك الله يا ولد سكاكا ...سبقت اهل منطقتي بالرد :good2:

والله وانا اخوك اني قبل اطرح الموضوع لفيت بالنت لكن اغلب المواضيع ياقديمة ياماتجيب على الاسئلة

لكن دامك جربت ام ذراع هذه ولا مدحتها بستبعدها ...

لكن الفايروخ مادري احسها صعب تلاقيها سألت عنها قالوا مافيه بمحلين بجدة

ولا ادري في نوع معين بالفايروخ ...؟

واشكرك على المرور والتعليق

[برج المراقبة]

عطاك العلم....

والنعم فيه لكن الراتب عقب 3 ايام:D ودي بهالثلاثة ايام اخذ اكبر قدر من النصائح

واشكرك على المرور

[ابوصالح .]

خذ لك الفايروخ 80 ولاتشاور سعرها عند الرميح حالياً 1800

[برج المراقبة]

خذ لك الفايروخ 80 ولاتشاور سعرها عند الرميح حالياً 1800

هلا اخوي ابو صالح حقيقة كثير يمدحها هي وال85 لكن الرميح مادري موجود عندنا بجدة ولا

اللي اعرفه صاب والصياد العربي والرماية....والرماية بجدة يقولون حنا نسلم مانبيع

شكرا لك

[لحظة وداعي]

استخير بالاول والله يوفقك

[Anwar abdulla]

الرمايه عندهم جامو قوتها ٨٥ لكن كسرتها خفيفه بالحيل

ميزة الاسبانيات الخفه حتى اللي يشيلها يحسبها لعبه

انا اللي عندي قوتها ٣٥ توني شاريها وطلعت فيها مره
ركبت فيها دربيل .. اذا قارنت السعر بالاداء اقدر اقول ممتازه

والفايروخ اكيد احسن لكن السعر فرق كبير

[Mohammed5d]

انا رحت الرمايه قبل امس اسوي صيانه لبندقي فايروخ 35 المهم راح اخوي الصغير وقال ابي 27ديانا قلت تم وجيت احاسب وقال لي ترا التسليم بعد التصريح قلت اخير اول تعطوني ورقه قال من رمضان اللي راح مانعطيك الا عقب التصريح
المهم لو بغيت تاخذ خذ ديانا والا فايروخ وحذ 85 اذا تبي للكبير او 35حلوه

[ابو صقر2013]

جرب ساكتون جامو مكسيما خفيفه وقويه ووزنيتها ثابته وعليها ظمان سنه من الرمايه وسعرها 1490 وافضل شيء 5.5 وهذا مقطع لها 6gZe41BRd4I

[الرحال 3]

نصيحه خذ لك فايروخ80 او ديانا 45 بس ديانا ثقيله شوي

[مساير الجو]

ابعد عن الجامو وعن الاسباني كافه
عندي جامو افضل نوع والله ما تصيب الهدف ولا عمري صدت بها شي.
انصحك بالديانا سواء ٢٧ او ٣٥٠، علماً ان الـ٣٥٠ ماغنوم قويه جداً بس يعيبها الثقل سعرها عند صاب ١٦٠٠ للفايبر و ١٩٠٠ للخشب ممتازه جداً. اما ٢٧ فهي ممتازه للدخل والسمان خفيفه دقة التصويب ممتازه سعرها ١٣٠٠ عند صاب هذي بالنسبه للي امتلكتها، ايضاً يوجد الفايروخ ٨٠ و ٨٥ ولو ان القديم هو الافضل لان فيه ناس تسب الفايروخ الجديد.
هذا والله اعلم

[ولد الامارات1]

يا سكاكا شو النوع الي كانت ام ذراع جانبي عندك لان النوع الي عندك ماينفع بس ال 54 احسن ساكتون ام سبرنق اتحدا و اتحدا واتحدا ان حد يبلي احسن منه ما في استعملها بعدين تكلم عنها ال 54 اهي ملكة السواكتين

[mizaan12]

لو سمحت اخوي ال54 في اي محل لقيتها؟
واحد من الربع مستعد يجيكم من الجبيل علشانها

[موزر]

افضل البنادق الالماني بانواعها سكتون وغير السكتون

ومن بعده الامريكي القديم ؟

وافضل الالماني الفايروخ (تاويتا شاص) كد ومد والدينا القديمه

طبعا اخباري قديمة

وابعد عن اللي قطعها بلاستيك واقصد الزناد والماسورة الخ

وبالتوفيق

[برج المراقبة]

بحمد لله تم شراء ديانا28 الماني ....حسب نصح كثر لي وهي وسط لا قوية ولا ضعيفة

حقيقة بغيت 34 او 35 بس ماحصلت

لكن الالماني مثل ماقالوا ماركة مسجلة

[طبعي رويلي]

يا سكاكا انا حاب اسئلك من وين شريت الفايروخ لأني من سكاكا مفي غير الرمايه يبيع عندنا كان تعرف محل يبيع قلي الله يسعدكك

[القرم كوم]

انصح بفايروخ 80 لها معي 22سنة ماخليت بها شي صيانتها نادره

[محمد ابن عيد]

-

قامو هنتر 1250 ، ديانا ماقنوم 350
ان كانك تبي القوي و صيده مايروح

عز الله انهن طيبات

[صياد الرأس]

انا عندي 52 ديانا وهي اخت 54 ونفس الطريقة والكيفية فهي افضل السواكتين من دقة في التصويب وقوية في الصيد بسبب ان الهواء مكتوم ويجي مركز على الطلقة وتجي الطبقة قويه على الهدف وﻻ ينكسر الذراع اﻻ بسبب سوء التعامل في طريقة سحب الذراع وترجيعة لوضعة وتلقب ساكتون 54 ..كنق 54 ....وثقلها هو سبب دقتها وثباتها في التصوييب وكمان فيها ممتص الردفة واﻻرتداد الي في البنادق القوية والذراع سعرة اذا انكسر واﻻ انطعج سعرة 40 يال . بﻻش نصيحة اذا هي باقية ارجع وخذها .... فهي تعتبر من النوادر واﻻصلية وارجوا اني افتدك والسﻻم عليكم

[صياد الرأس]

الله يبارك لك فيما شريت ويعطيك خيرها ويكفيك شرها