المساعد الشخصي الرقمي

مشاهدة النسخة كاملة : يا أصحاب جيوب الـRX الشكل الجديد: كيف الموتر بالبر؟؟


أبومالك...
29/08/2013, 05:54 PM
السلام عليكم
حيا الله الجميع
يا اخوان أنا كنت ناوي أشري فورتشنر vx1 من الوكالة لكني سمعت انه مهب زين في الخط وقاسي وكذلك ضيق شوي من داخل

ففكرت أشري بنفس قيمته جيب لكزس RX350 2010 وكان موتر مناسب لي من نواحي كثيرة ما عدا وحدة ما تأكدت منها وأنا متخوف جداً بسببها وهي (أداؤه في البر)

عشان تكونون في الصورة:
أنا أحتاج موتر راسي وهادي في الخط وإن حصل فخامة ويدخلن البر أنا منب راعي تطعيس بس اني راعي كشتات وابيه حق خمس سنوات قدام تقريباً حدي 120.000

وإن حصل تشيرون عليّ بغيرهن فلا بأس
أبومالك...
29/08/2013, 09:17 PM
يا أخوان فزعتكم تكفون قبل ما يقرر أبوي:(
gaeeth
29/08/2013, 09:30 PM
المعذره على عدم الخبره ياشيخ في السيارات
مافيه
29/08/2013, 11:06 PM
موضوعك مايحتاج مشاورة الا في حالة ان ماعندك اي خلفيه عن السيارة

اختصرها لك اللكزز اللي انت محدده ماينفع للكشتات واعتبره سياره صغيرة دفع رباعي مستمر (على معرفتي بالموديل القديم مافيها دبل) وحتى لو كان فيه دبل يا اخي الكريم شف شكل الموتر عموما اقرب ماله سياره صغير وطامن وفوق هاذا جنطه حجمه كبير مايساعد
بينفعك نفعة السيارات الصغيره وبيوصلك المكان اللي انت تبي اذا كنت راكد واذا كانت راعي جور تحمل تكاليف الصيانه + الخرابات

نصيحتي لك دام معك مبلغ حول ال120 الف وتدور الراحه وباين انك تدور موتر صغير ووذف عليك بالبرادو الشكل الجديد تلقى النضيف اخو الجديد بحول دراهمك مديل 2011 او 2012 وعليك بالسته سرندل
محب الجهاد
30/08/2013, 10:48 AM
الاخ ابو مالك السلام عليكم ورحمة الله وبركاته هذا الامر يعتمد على عدة عوامل منها

١/هل لديك عائلة؟
٢/هل روحاتك للبر كثيرة؟
من ناحيتي انا ارشح لك اربع سيارات وهي كالتالي على الترتيب
اف جي /الباترول الربع /الاكستيرا/ثم الفور شنر ٦سرندل
تقبل تحياتي وفقك الله
فلوسك فيها بركة تقدر تجيب فيها اف جي جديد او اكستيرا جديد
نصيحة هج وانحش عن الجيب اللكزس الصغير فُر منه فرارك من الأسد
ذئب الدهناء
30/08/2013, 10:53 AM
كلام الاخ ( مافيه ) ماعليه زود وانت الله يدبرك على الصالح
عادل الهلباني
30/08/2013, 11:07 AM
سلام عليكم الله يرزقك بالموتر اللي يسعدك ويطربك "
ويكفييييك من شر الحديد ويعطيك خير ويكفيك شره ..
رايي عليييك والراي الاول والاخير لك ..
طق موتر تويوتا من 95 الى 2005 ..
وخله للبر وطق موتر ثاني زين وخله للبلاد والخطوط .
Mr.Fantastic
31/08/2013, 03:00 AM
بسم الله الرحمن الرحيم

اخي العزيز .. اذا تبي RX تراه موتر طيب ومملوح
بس لا تقربه البر لان حساساته تتاثر بالغبار وهذا شي اعاني منه انا شخصيا

وتبي مشورتي والله لن تندم بإذن االله خذ لك لاندكروزر GXR او GX
من 2008 وفوق المهم بالمبلغ اللي ذكرته تحصل شي مستخدم نظيف
وادعس والديه فالبر والمدينه والله ما يقول شي
واستخير الله قبل كل شي
أنصر نبيك
03/09/2013, 02:19 AM
السلفرادو ممتاز
ابوعبدالله 00
03/09/2013, 04:51 AM
برادو حلو وسعره مناسب وزين خط وبر للكشتات
.أبوعبدالرحمن
03/09/2013, 08:30 AM
يُكتفى بهذا الموضوع

يا أصحاب جيوب الكزس 350 RX الشكل الجديد: كيف الموتر بالبر؟؟ (http://www.mekshat.com/vb/showthread.php?t=591877)