المساعد الشخصي الرقمي

مشاهدة النسخة كاملة : استفسار عاجل عن تعديل بسيط لمكينة الباترول 4500 بخاخ


العزيزي1420
30/08/2013, 08:10 PM
السلام عليكم ورحمة الله وبركاته...
اخواني المكشاتية الكرام....

عندي باترول 4500 بخاخ ابي اوضب مكينته وانتم خابرين مكينته على كبرها مامن عزم طبعا" فكرت اركب له مكينة لكزس لكن الدراهم عيت تقول ماتصلح لموتري فقررت بعد الاستخارة اني اوضب المكينة واستفساري هو. ...
قريت لبعض الشباب في مكشات يقولون عشان يزين عزم الموتر وينشط شوي امسح الراس 2 ملي واركب طرمبة بنزين حقت vxr او bmw فمادري الكلام هذا صحيح وبيتغير العزم ويزين ولا بيطلع بدون فايده ويخرب علي الشغلة...

واللي جرب هالطريقة يفيدنا بتجربته والله يجزاكم خير ويرحم والديكم اجمعين....
حطاب الشمال
30/08/2013, 08:42 PM
السلام عليكم ورحمة الله وبركاته ياالعزيزي

اذا ناوي توضب خذ نصيحه السبايك والشنبر والبلوف اخذها وكاله


والراس اذا مسحته ودبلت الوجيه ضعف عزمه لو تركبله طرمبة طياره


وانصحك اذا الراس معدوم مافيه امل خذلك راس صيني مثله مثل الوكاله


وفي الاخير (( اترك اعلوم بعض المجالس ))
abo naser 1
30/08/2013, 10:30 PM
السلام عليكم ورحمة الله وبركاته

وانا أخوك 2 ملي ممكن يمشي معك بالقطب الشمالي من الحرارة
العزيزي1420
30/08/2013, 11:23 PM
طيب يالربع 1 ملي ( قاعد يكاسر ) :D
اجل يعني ما امسح الراس ابد واكتفي بطرمبة bmw ولا اعمل ايه الله يخليكوا....
sgl2002
31/08/2013, 12:15 AM
شف وانا اخوك خلني اعطيك الكلام الصريح ومكينة ال٤٥٠٠ خبز يدي وعارفها


المكينة هذي غير قابلة للتعديل ابدا


طرمبة البيم وطرمبة الفتك نركبها عشان تشتغل المكينة بقوتها الحقيقيه ماهو بزيادة لان حقت الوكاله فيها عيب مصنعي وتقطيع وضعف


لذلك اذا بتوظب وتبي يعيش موترك معك ويرجع كانه وكاله حاول بقدر المستطاع انك ماتمسح شي الا للضروري واذا كان الراس معدوم ويبي مسح قوي فالافضل تغيره لانك بتبتلش مع الحرارة


لذلك اذا تبي خفة في موترك وعزم حلو عليك بالتالي :

التوظيب بقطع اصلية مع الابتعاد عن المسح والخرط قدر الامكان
تركيب مراوح كهرب
تركيب طرمبة فتك لان ترهيما بسيط جدا مجرد تغيير الفيش ب١٠ ريال وتعطي اداء حلو وهذي هي على موتري من سنة ما شكت
تركيب فرارات
التخفيف من الحمل قدر المستطاع يعني فك الاستبنه والمراتب الخلفيه
اذا تبي زياده ركب فلتر وهدرز واسلاك بواجي وبواجي رياضية
العزيزي1420
31/08/2013, 02:40 AM
اخوي حطاب الشمال...
وعليكم السلام ورحمة الله وبركاته...
انا طال عمرك ماكنت مصدق هالكلام لكن قلت خلني اخذ العلم من الرجال اللي مثلك وشرواك ( ولايهونون باقي الشباب ) والله يعطيك العافية على هالتجاوب السريع ...
وجزاك الله خير...
العزيزي1420
31/08/2013, 02:44 AM
اخوي ابو ناصر 1...
هههههه حلوة يمشي بالقطب الشمالي...
وتراني اخذت ساعة عشان استوعب علاقة القطب الشمالي في موتري :D
العزيزي1420
31/08/2013, 02:52 AM
اخوي sgl2002 بيض الله وجهك وجزاك الله خير على هالنصيحة الواضحة والمختصرة...
وإن شاء الله اني ابتبع كلامك بالحرف الواحد...
واذا خلصت التوضيب إن شاء الله رايح اوافيكم بالنتيجة :):good2: