@ ايها الشبيبه بالنسبه للهوائيه اللي تنحط على الجرح يبرى @

[المدار المدمر]

السلام عليكم

ابي بندقيه هوائيه ماترجف نهائيا وتكون دقيقه جدا جدا وماتهم المسافه الا اجتمعن الاثنين تمام ..

لان عندي قامو بلاك نايت قوتها 90 قويه لكنها ماهي دقيقه بالتصويب ابدا ورجفتها اقوى بثلاث اضعاف من الخرازه وماتنفع 10 امتار القميري ماتصيبه ( من البندق ماهي من يدي لان خبرتي طويله بالصيد ) للمعلوميه فقط

ياليت اللي مجربين بس لاني ضيعت قبل اسبوعين 1600 على الاسبانيه وهي ماتستاهل

فأبي اهل الخبره اللي مجربين الساكتون اللي مايتغير رميها وماتخطي

[خليل909]

غريبه خبره طويله بالصيد ولاعرفت البندق الي تنحط على الجرح يبرى عموماً وجهة نظري غير الفايروخ ال80 مافيه بندق وخذها قاعده كل واحد يمدح بندقه الي معه والناس اذواق والاسبانيات كل ريال يندفع فيها خساااااااااره من تجربه

[ابوشوق 909]

انا عندي فايروخ 80 ومايحتاج دقه وقوه عذروبها الثقل وكل فترة شد علا المسامير واتمنى اني افدتك

[نديم الخيال]

ياشباب
لاتظلمون الاسبانيات
واحد من الزملاء معه قامو اسبانيه 45 ويذبح فيها الدخل والسمان والصفاري والقمري
مدري عاد هو منه ولا من بندقه لكن الرجال انا اشوف رميه عادي ويمدح بالاسبانيه حيل

[المدار المدمر]

مشكورين ياشباب

اخوي خليل انا قلت خبرتي بالصيد طويله عشان اختصر المسافه ومااحد يقول ان المشكله من يدك او ماتثبت البندق او غيره لاني متاكد ان الخلل بالبندق وخبرتي خرازات من يوم طلعت على الدنيا اما الساكتون قلت خلن اجرب نقتني وحده وللاسف تجربه فاشله

بالنسبه لفايروخ 80 كلن يمدحها وشكلي بجربها واعتقد اني باخذ الشكل القديم لو لقيت احسن

الله يعافيكم جميعا

[خليل909]

يمكن تقول الرجال يبالغ بالمدح الله العالم بعض الاحيان تغنيك عن الخرازه الساكتون قوتها عجيبه

[aass1122]

السلام عليكم يالربع
الله بلاني بالجامو بلاك نايت فيها قوه وسوق بس ما هي بدقيقه عجزت ازنها وترجف
وبي فزعة الي عنده خبره بالهوائيه وش الحل معها الحين بلشنا بها بس ابي حل مع نيشانها مايضبط وش الدبيل الزين والرخيص الي ينفع معها ودي بحل مع النيشان اهم واذا مافيه حل معه نجرب الدربيل
والله يوفق الي بيفزع لي ويوفق الجميع

[الخاطف2013]

هذا عرض كل واحد يعرض سكتونه ههههه

يا أخي خذ لك ٨٥ الماني الرميح ولا تتحسف واعقلها وتوكل
مرمى خرازه دقة بالتصويب تنفع للقمري وللدخل والسمان بعد تجربه

هذا رائي

[عآشق الbaikal]

ديـانا 36

[ابوعاشة]

اخوي المدار شل من راسك هوائية مثل رمي الخرازة والله مالومك يوم تسب الاسباني صعبة تعودت على دقة الخرازة وتجي للهوائية مثل الي يقطع النفود بجيب وجار الزمن عليه ورجع لوارد عراوي

فانا بقولك معي فايروخ 85 ممتازة جدا ودقيقة دوا القمري واذا تبي شي اقوى ويكون فتاك خذ ديانا 350 ماقنوم حبة كبيرة

[TheShark]

يالغالي بالهوائيات الصتم يلعب دور كبييييير بالدقه ..... جرب أكثر من نوع على هدف بعيد وراح تلاقي النوع المناسب لك ....


لا تتسرع وتشتري هوائيه جديده وخساير على الفاضي ..... غير التصم وان شاء الله نشوفك بكره تمدح بالأسبانيات :good2:

[ولد الامارات1]

خذلك ديانا 31 دقة+خفة+عمر+مسافات كل المواصفات فيها ترا هي والفايروخ 80 نفس القوة لاكن ال80 اثقل وانت على راحتك

[فيصل البهيشي]

اخوي بخصوص انك تبغى ساكتون ماترجف طيب فيه ساكتون تعمل بنظام غاز النيتروجين تعبيها نيتروجين عموما هي متعبه شوي في التعبئه وكذا لكن فيها قوة وهي متوفره في محلين على حسب علمي المحل الاول بندقيتي في تبوك والثاني الفوزان في المدينة النبويه لكن سعرها حدود ال3500 !!!! اسمها ان ماخاب ضني والثر1250 عاد اسئل وشاور ونصيحه لابغيت ساكتون راكده لاتاخذ الي قوتها عاااليه اذا كان صيدك خفيف لان كل ماخذت القوية زادت الرجفه وثقل الكسره وبالتوووفيق للجميع