الفزعه يأخوان ثلاجة الرمايه تبرد بالبيت وبالسياره ماتبرد الحل لاهنتم

[الرجم النايف]

اخواني امس شريت ثلاجة الرمايه 35 لتر المهم شبكت لها على بطارية الموتر وسلكت لها وتشتغل لاكن ماتبرد ولاتثلج نزلتها بالبيت واشتغلت وبردت وثلجت مع العلم خويي عنده ثلاجه صينيه 45 لتر وشغاله تثليج وتبريد على كيفك هو بطارية سيارته وحده و70 امبير كذلك وانا نفسه بالضبط ؟!؟؟
وين المشكله من السلك او ىلبطاريه تكون ضعيفه على هالنوع من الثلاجات ( الرمايه ) الحل يالربع افيدونا وراي مقناص وبلشااان

[iV8]

السلام عليكم ورحمة الله وبركاته
اخوي ادخل على الموضوع هذا لعل تفيدك الحلول والاهم انك توصل سلك 6 ملي ناعم لثلاجه بشكل مباشر من البطاريه الإضافية براس كنود واترك تمديد الولاعه

http://www.mekshat.com/vb/showthread.php?t=512057

أرسلت بواسطة GT-I9500

[الرجم النايف]

انا وصلته من البطاريه على طول وحطيت له مفتاح تشغيل وتخبر عشان مو كل شوي ارجع للثلاجه بشنطة الجيب يعني اضبط البروده واطفي واشغل الثلاجه عند الحاجه والسلك الي مددته نفس حق وكالتها الي جاء معاها ..

[الرحال 3]

خذلك بطاريه جديده واشبك الثلاجه وجرب يمكن البطاريه حقت السياره ماتحملها

[المتلولس]

جرب اشبك الثلاجة على بطارية خويك

[عاشق z71]

عزيزي انا شريت نفس الثلاجه وواجهت نفس المشكله

كنت مركب السلك الموجب الي يسمونه كهرب 6 ملم

بس الماس ( السالب ) كنت حاطه يمكن 1 ملم


رجعت حطيت سلك الماس 5 ملم تقريبا والحمدلله مشي الحال

والى يومك والامور تمام


اشغلها العصر تقعد الى الفجر وهي شغاله تمام بعد الفجر تبدا تضعف شوس شوي عشان البطاريه

[jjjjjjjjjjjjj]

انا عندي نفس ثلاجتك وممدد لها من البطارية الاضافية سلك دايركت وتثلج وتبرد الحمدلله

الاهم انك ما تركب فاصل في السلك حقها خلها سيدا شابكة عشان الكهرب ما يضيع في الفاصل

لازم يصير عندها تهويه كافية لاتكتمها بالاغراض ولا تعرضها للشمس

اذا فيها زر باور خلك مشغله على طول ..

[jjjjjjjjjjjjj]

انا عندي نفس ثلاجتك وممدد لها من البطارية الاضافية سلك دايركت وتثلج وتبرد الحمدلله

الاهم انك ما تركب فاصل في السلك حقها خلها سيدا شابكة عشان الكهرب ما يضيع في الفاصل

لازم يصير عندها تهويه كافية لاتكتمها بالاغراض ولا تعرضها للشمس

اذا فيها زر باور خلك مشغله على طول ..

[الكدن1]

لعدم ضياع الكهرباء يجب تلحيم مفاصل الاسلاك بالرصاص
الانحناءات في السلك تكون قليلة
السلك نحاسه ناعم وخالي من الشوائب
قياس الفولت عند نهاية السلك
كلما طال السلك يجب اختيار ملي اكبر 4 او6 م
بعض الثلاجات فيها زر لاختيار استهلاك البطارية ويجب ان تكون على اقل شئ والا لن تعمل الثلاجة وخاصة اذا كانت السيارة طافية[/SIZE]

[الرجم النايف]

مشكورين يﻷخوان انا رحت امس وشريت سلك مزدوج 6 ملي وكنسلت السلك اﻷول الصغير وكذلك زر التشغيل وابشركم الثلاجه بردت وجمدت ماشاء الله بشكل ممتاز ﻷكن حبيت اسأل اﻷخوان الي مركبين بطاريه اضافيه للثلاجه هل هي عمليه وتفكك من ضعف البطاريه اﻷساسيه ؟ ﻷن واحد ركبها ولاضبطت معاه ؟!؟

[iV8]

الحمدلله مدام انحلت المشكله وبخصوص البطاريه الإضافية مهمه لراعي البر بحكم استخدامه للاجهزه الكهربائية.. عشان يكون الحمل على البطاريه الإضافية ويكون مركب بين البطاريتين منظم والأهم تروح تركب عند واحد له خبره بالمجال وإذا محتاج اي خدمه انا تحت امرك

بالتوفيق بإذن الله

أرسلت بواسطة GT-I9500