يا اهل المدينة المنورة فزعتكم.....

[ابو فهد07]

السلام عليكم ورحمة الله وبركاتة
صبحكم / مساكم الله بالخير والمسرات

انا نقلت الى المدينة المنورة والحمد لله
ولكن من طبيعتي احب النفود والشعبان والصيد والطلعات
والمشكله ما اعرف شئ بالمدينه المنوره
تكفووون يا اهل الدين والعلم والمرجله المطانيخ تكفوووون

ابغى تدلوني على محلات زينه للتماشي والكشتات وخاصه قرب موسم البراد والجو بيصير زين
وحبذا محلات الصيد ( ركزوا على اخر وحدة)
واذا في احداثيات ما نزيد على السمن الا عسل
وسلامتكم

[صقار الهدادي]

ماني من اهل المدينة لكن خابر اني زرت منطقة بريه تنفع للمكاشيت لكن مدري اذا فيها صيد ولا لا . اسمها (البيضا) انشد اهل المدينة عنها

[المؤمن كالغيث]

البيضاء زينه لكن ماتخذ راحتك فيها ولاهي خلاويه من كثرة الناس فيها

عليك بشرق المدينه

ديارن بكر وعذيه


تحديدا جنوب الحناكيه وشرقها


وشمال المدينه طريق تبوك القديم منطقة الضلوع وسيعه وفسيحه والصيد بها طيب

[ابو فهد07]

ماني من اهل المدينة لكن خابر اني زرت منطقة بريه تنفع للمكاشيت لكن مدري اذا فيها صيد ولا لا . اسمها (البيضا) انشد اهل المدينة عنها

يعطيك العافيه وما قصرت لكن هذي تعتبر عوائل ومنطقه عااديه يمكن ما فهمت الي انا ادوره

[ابو فهد07]

البيضاء زينه لكن ماتخذ راحتك فيها ولاهي خلاويه من كثرة الناس فيها

عليك بشرق المدينه

ديارن بكر وعذيه


تحديدا جنوب الحناكيه وشرقها


وشمال المدينه طريق تبوك القديم منطقة الضلوع وسيعه وفسيحه والصيد بها طيب

بيض الله وجهك ياسلام عليك هذا المطلوب ابي مقاطع ابي ابعد عن هالبنيان والشوارع والزحمه
اذا حولك احداثيات والا وصف معين تكفى لا تبخل علي


وانتظر بقيه الاخوان الكرام

[بحري999]

اولا مبروك نقلك الى المدينه ان شاء الله تجد الراحه النفسيه فيها بجوار المصطفى صلى الله عليه وسلم انا قبلك اتغربت عن المدينه 17 سنه ورجعت للمدينه ورجعت روحي وكأني انولدت من جديد
اذا أنت من أهل البحر افيدك

[الوجدااان]

اذا بغيت بحر عندك الرايس.واذا بغيت بر الي حول المدينه كلها زينه خاصة غرب المدينه مناطق جبليه.

[الاقشر]

السلام عليكم ورحمه الله وبركاته
هلا أخوي أبو فهد
تبي النفود عندك محافظة بدر علي طريق ينبع أو المندسة علي طريق تبوك

[ابو فهد07]

بيض الله وجيهكم جميعا وما قصرتم
بالنسبه لنقلي للمدينه فيعلم الله اني ابي اكوووون بجوار النبي صلى الله عليه وسلم ولاجد الراحه النفسيه
والحمد لله لقيت الي تمنيته واكثر

انا من اهل الجنوب واحب الجبال والضلعان والاوديه والنفود اما البحر فمالي فيه غير اتابع غروب الشمس او شروق الشمس واسوي مقلقل على الفطور ههههههههه

يا اخوان حنا لنا عرف وعادات وكل القبايل لهم سلم وطباع
ما ابغى اروح اقنص بديار احد ولا عند حلاله ولا عند حماه البر واسع والنفوود وسيعه
عشان كذا اسال قبل لا انشب مع احد

واكرر شكري للاخوان الي ردو علي
وسلامتكم

[قضاعة]

إذا انت قناص هل تعتقد ان فيه قناص من المنطقة بيدلك على أماكن الصيد وهو مايعرفك مستحيل لكن مع الوقت تبي تلقى من زملاك من يخاويك والرجال أهل الصنعة يجيبون بعضهم والله يحييك ويسهل أمورك

[بحري999]

بيض الله وجيهكم جميعا وما قصرتم
بالنسبه لنقلي للمدينه فيعلم الله اني ابي اكوووون بجوار النبي صلى الله عليه وسلم ولاجد الراحه النفسيه
والحمد لله لقيت الي تمنيته واكثر

انا من اهل الجنوب واحب الجبال والضلعان والاوديه والنفود اما البحر فمالي فيه غير اتابع غروب الشمس او شروق الشمس واسوي مقلقل على الفطور ههههههههه

يا اخوان حنا لنا عرف وعادات وكل القبايل لهم سلم وطباع
ما ابغى اروح اقنص بديار احد ولا عند حلاله ولا عند حماه البر واسع والنفوود وسيعه
عشان كذا اسال قبل لا انشب مع احد

واكرر شكري للاخوان الي ردو علي
وسلامتكم

اذا راعي :f وهجوله :D روح لخيمة الصيد البري يفيدونك واهل الديارعندنا لهم عرف وعادات لاكن طيبين ومتفاهمين ماهو مثل اهل الخميس وحولها مايتفاهمون الا برشاش عالم قشر :mad: صار لاحد الاخوان موقف في خميس مشيط راح يتمشى وهو وأهله بعد ماشب ناره ومركب قدره الا واحد ناقز عليه برشاش فجأه ويقوله ارحل من مكانك والا فرغت الرشاش فيك وخوينا يقول يابن الحلال وش السالفه حنا متنزهين ماحنا جايين نستحل ارض الله الواسعه ولا هو راضي يتفاهم اعوذ بالله وخوينا شال عفشه ورحل من المكان وهو اخذ انطباع سئ عن اهل المنطقه وفي كل مجلس يسولف عن هذه القصه وطبع اهل المنطقه :mad:

[ابو فهد07]

إذا انت قناص هل تعتقد ان فيه قناص من المنطقة بيدلك على أماكن الصيد وهو مايعرفك مستحيل لكن مع الوقت تبي تلقى من زملاك من يخاويك والرجال أهل الصنعة يجيبون بعضهم والله يحييك ويسهل أمورك

كلامك صحيح لكن انا بالغالي ما قلت وين محلات الوبران وين المحجاه ووين وارد الماء والحجل ووين .... وين ... وين....

انا سالت عن اماكن مفتوحه خلاء بر مقطعه الصيد يجيبه الله موزع الارزاق
ومحلات ابي اكشت فيها واستااانس واشب ناري واقصد واطرب نفسي

عشاان ما يقلط علي واحد برشااااش ويقولي ارحل ارحل ههههههههههههه

[ابو فهد07]

اذا راعي :f وهجوله :D روح لخيمة الصيد البري يفيدونك واهل الديارعندنا لهم عرف وعادات لاكن طيبين ومتفاهمين ماهو مثل اهل الخميس وحولها مايتفاهمون الا برشاش عالم قشر :mad: صار لاحد الاخوان موقف في خميس مشيط راح يتمشى وهو وأهله بعد ماشب ناره ومركب قدره الا واحد ناقز عليه برشاش فجأه ويقوله ارحل من مكانك والا فرغت الرشاش فيك وخوينا يقول يابن الحلال وش السالفه حنا متنزهين ماحنا جايين نستحل ارض الله الواسعه ولا هو راضي يتفاهم اعوذ بالله وخوينا شال عفشه ورحل من المكان وهو اخذ انطباع سئ عن اهل المنطقه وفي كل مجلس يسولف عن هذه القصه وطبع اهل المنطقه :mad:

صدقت والله عشان كذا انا اسال قبل لا اروح ديار احد
وحنا اهل الجنوب اغلبنا دمنا حااار يمكن تغلب علينا العصبيه قبل التفكير
والله يستر
لكن لا تنسى ان لكن ديره عاداتهم وسلمهم يمكن طفشوا من النااس الي يصيدون عندهم يمكن له حلال وخايف عليه ويمكن ويمكن والتعليم له دور والجهل عااام فيهم
بس زين خويك شال نفسه وراح والله ستر

[صقرالمدينة]

اذا راعي :f وهجوله :D روح لخيمة الصيد البري يفيدونك واهل الديارعندنا لهم عرف وعادات لاكن طيبين ومتفاهمين ماهو مثل اهل الخميس وحولها مايتفاهمون الا برشاش عالم قشر :mad: صار لاحد الاخوان موقف في خميس مشيط راح يتمشى وهو وأهله بعد ماشب ناره ومركب قدره الا واحد ناقز عليه برشاش فجأه ويقوله ارحل من مكانك والا فرغت الرشاش فيك وخوينا يقول يابن الحلال وش السالفه حنا متنزهين ماحنا جايين نستحل ارض الله الواسعه ولا هو راضي يتفاهم اعوذ بالله وخوينا شال عفشه ورحل من المكان وهو اخذ انطباع سئ عن اهل المنطقه وفي كل مجلس يسولف عن هذه القصه وطبع اهل المنطقه :mad:
وانا كذلك حصلي نفس الموقف لكن في مدينة اخرى من الجنوب اتوقع ان الطبيعه الجبلية لها دورها

[أبوعبدالله الحربي .]

روح على طريق يبنع فيه الفقرة وضلعانها يمدحونها في الصيد

وأنا أفضل لك انك تتبع طريقة اخونا الفاضل


المشاركة الأصلية كتبت بواسطة قضاعة مشاهدة المشاركة
إذا انت قناص هل تعتقد ان فيه قناص من المنطقة بيدلك على أماكن الصيد وهو مايعرفك مستحيل لكن مع الوقت تبي تلقى من زملاك من يخاويك والرجال أهل الصنعة يجيبون بعضهم والله يحييك ويسهل أمورك

تحياتي لك بس خذ احتياطاتك

[سد الغابة]

أولاً : حياك الله يا أبو فهد في مدينة الرسول عليه الصلاة و السلام و بين أهلك و اخوانك .
ثانياً : خذ العلم من واحد يحب المكاشيت لدرجة التشبع ، لكن ليس لي في القنص نصييييب أفضل الأماكن للكشتات في المدينة :
1ـ البيضاء ( عوائل ) للكشتات الخفيفة .
2ـ المندسة ( نفود ) شمال المدينة على طريق تبوك بعد مركز الجوازات بـ 10 كلم تقريباً يعني من المدينة تقريباً 30 كلم .
3ـ وادي ملل على طريق الفقرة الجديد و الذي يسمى طريق ( ضبوعة ) و يبعد عن المدينة تقريباً 25 كلم .
4ـ الفقرة ، و هي مصيف أهل المدينة و ترتفع عن سطح البحر تقريباً 1900م و الفرق بدرجات الحرارة بينها و بين المدينة يصل أحياناً لـ( 12 درجة ) و تبعد عن المدينة تقريباً ما بين 65 و 80 كلم حسب الطريق المؤدي لها حيث هناك طريقين لها : 1ـ طريق ضبوعة و الذي يبدأ من شارع الإمام مسلم الذي يبدأ من عند الأستاد الرياضي و هو أقرب .
2ـ طريق ينبع السريع و هو أبعد و لكنه ( أونس ) .
5ـ الشقرة ، و هي بين الحناكية و المدينة و تبعد عن المدينة تقريباً 85 كلم من طريق القصيم السريع أو القديم و أرضها مفتوحة و جميلة جداً .
6ـ جنوب الحناكية ( أوافق أخي المؤمن كالغيث ) و فيه عدة أماكن راااائعة و ممتازة للكشتات و التخييم منها جبال الأباهي و جبل شدخ و الطريق لها هو أن تذهب مع طريق القصيم السريع حتى مفرق الحناكية ثم تتجه إلى اليمين مع طريق ( العمق ) من عند محطة العاليات و تمشي مسافة 25 كلم تقريباً و بعد هذه المنطقة عن المدينة تقريباً 135 كلم تقريباً ، و المكان الثاني هو عند مفرق ( الحسو ) على نفس الطريق السريع و لكن على بعد 185 كلم عن المدينة و هي منطقة مميزة تجمع النفود بالجبال
و إن أردت أن تأخذ مفرق الحسو فعلى يمينك و يسارك أماكن كلها ممتازة .
7ـ مدينة ( بدر ) على بعد 150 كلم من المدينة منطقة ( نفود ) مميزة و ما عليك إلا أن تسلك طريق ينبع السريع .
ملاحظة : لا تحاول تدور أماكن مميزة على طريق الهجرة ( مكة ـ المدينة ) لأن كله حرات بركانية .
هذا ما تيسر إيراده ، و هو حسب وجهة نظري الشخصية و إن شاء الله أكون أفدتك أخي الكريم .

[عبادي الجنوب]

اذا راعي :f وهجوله :D روح لخيمة الصيد البري يفيدونك واهل الديارعندنا لهم عرف وعادات لاكن طيبين ومتفاهمين ماهو مثل اهل الخميس وحولها مايتفاهمون الا برشاش عالم قشر :mad: صار لاحد الاخوان موقف في خميس مشيط راح يتمشى وهو وأهله بعد ماشب ناره ومركب قدره الا واحد ناقز عليه برشاش فجأه ويقوله ارحل من مكانك والا فرغت الرشاش فيك وخوينا يقول يابن الحلال وش السالفه حنا متنزهين ماحنا جايين نستحل ارض الله الواسعه ولا هو راضي يتفاهم اعوذ بالله وخوينا شال عفشه ورحل من المكان وهو اخذ انطباع سئ عن اهل المنطقه وفي كل مجلس يسولف عن هذه القصه وطبع اهل المنطقه :mad:

بالعكس كلامك ماهو بصحيح شوف اغلب الناس الي راحوا الجنوب في الموقع يتكلمون عن كرم اهلها وطيبتهم والله انهم يرحبون فيك وكانك منهم مع العلم ان اهل الجنوب يختلفون من مكان الى مكان اما سالفة خويك فهي طبيعيه وتحدث في اي ديره ولا يمكن ان ياتيك احد وانت في مكان عام ما يجيك الا وانت في ارضه وبدون اذن واهل الديار يقدسون ارضهم مثل العرض وانا عشت في المنطقة الغربية وتحديدا المدينة وذهبت الى الديار هناك
والله انه صار لي مواقف اكثر من هذه وحتى زملائي من المنطقة يخبرونني عن مشاكل بين اخوان بسبب قطعة ارض قاحله لاتسوى شيئا على الاقل في الجنوب الارض هناك مصدر عيش ياكل منها ويزرع ويبيع منتجاته ولايرضى ان يجد فيها غريب بدون اذنه لانه لايعرف
نوياه وهناك جهله يقارن بين المدن وبين الديار التي تملكها القبائل وهنا في المنطقة الغربية نفس الحال في الديار التي حول المدينة ومكة فرغم كونها قاحله الا انها تسبب عدائات والمشاكل والحسد ومن النادر تجد من يرحب بك ومسالة خويك اخذ فكره فهذا لانه جاهل فكيف تبني انطباع عن منطقة بسبب شخص !!

والله انا اقولها بدون تحيز وانا عشت في المدينة والغربية عموما لم اجد بطيبة وكرم اهل الجنوب ويكفي ان الرسول عليه الصلاة والسلام وصفهم انهم ارقى قلوبا وافئدة

[sniper0]

وانا اشوف الاكسجين في المدينه مخلاص اثاريه هو انت اللي مخلاصه علينا :D

يالله تحيه مرحبا الف <<<حقت اهل الجنوب :D

شوف يالغالي اذ انت تبي صيد ابو قرون :D مالك الا الهضبه اللي وراء الفقره بس مهو كثير

اما اذ تبي طيور عندك حويره قبل مفرق الفقره فيه حجل وقمري واذ حظك حلو تلاقي خرشي

اذ تبي الوبران تلاقيه في دمدم <هاذا الطريق ينزلك من الفقره الى السداره وينبع النخل

واذ تبي طعوس عندك في المندسه على طريق تبوك

وبخصوص الأهل الديار اصابع يدك مو سوا بس انت حاول تبعد عن حلال الناس ولا تقرب احد افضل لك

والمحلات ياغالي عندك الرمايه على طريق العيون

وعندك الفوزان عند حراج الغنم وقريب منه فيه محل اسمه القناص

وعلى طريق الهجره فيه محل اسمه الرحال

ان شاء الله ماقصرنا معك
وحياك الله في مدينك الثانيه :)

[وبل السحابة]

عليك بجبال الفقرة...غرب المدينة طريق ينبع... بهابدون ولكن صعبه وعسرة
عندك السدارة قبلها على نفس الطريق ديرة وباره...وعندك اودية جميلة جنوب غرب المدينة..طريق مكه وادي الفرع ووادي حجر..وجبال أدقس كلها جميله وفيها تنوع نباتي وحيواني رائع...

[المؤمن كالغيث]

ماشاء الله

افادوك الاخوان وماقصرو بارك الله فيهم

لكن حلاة طلعات البران بعد مايبرد الجو واحلا بعد الامطار والربيع والاجواء الشتويه

اما اﻷن قيض ولواهيب

الله يوفقك بالمحال الطيبه اللي ترضيك وتفل حجاجك

[باترول 82]

حياك الله ياغالي في المدينة زاد نورها بوجودك
الشباب ماقصروا وخاصة الاخ سد الغابه جاب لك كل شي ماشاء الله عليه
ان بغيت شرق المدينه عندك الحناكيه جنوبها وشمالها
وان بغيت غرب المدينه عندك الرمث والسداره والفقره والمسيجيد والسديره
وان بغيت شمال المدينه عندك البيضاء وابو الدود والمندسه وطريق ينبع الجديد
وان بغيت جنوب المدينه عندك وادي ريم وادي الفرع وادي خضراء جبل ادقس
وغيرها كثير انت اطلب وتلقى من يلبيك

[صياد الجبل]

ماشاء الله اهل المدينه مايقصرون والمدينة زرتها حوالي 4 مرات وكان الهدف منها جميع شد الرحال الى مسجد الرسول صلى الله وعليه وسلم والصلاه ايضا في الروضه

والهدف الثاني هوا زيارة جبل احد ومقبرة الشهداء ومسجد قبا ومسجد الخندق والمساجد السبعه والتعرف على المعالم الجميله فيها مثل مقبرة البقيع وغيرها من الاماكن التي مر فيها نبينا محمد عليه افضل الصلاة والتسليم

بالنسبه للتمشيات في المدينه افضل الاماكن الي زرتها وكشتنا فيها هي اماكن في جنوب المدينه خاصه ايام البرد

فيها اماكن مميزه وايام الامطار تزداد روعة وايام الربيع ايضا

[بحري999]

بالعكس كلامك ماهو بصحيح شوف اغلب الناس الي راحوا الجنوب في الموقع يتكلمون عن كرم اهلها وطيبتهم والله انهم يرحبون فيك وكانك منهم مع العلم ان اهل الجنوب يختلفون من مكان الى مكان اما سالفة خويك فهي طبيعيه وتحدث في اي ديره ولا يمكن ان ياتيك احد وانت في مكان عام ما يجيك الا وانت في ارضه وبدون اذن واهل الديار يقدسون ارضهم مثل العرض وانا عشت في المنطقة الغربية وتحديدا المدينة وذهبت الى الديار هناك
والله انه صار لي مواقف اكثر من هذه وحتى زملائي من المنطقة يخبرونني عن مشاكل بين اخوان بسبب قطعة ارض قاحله لاتسوى شيئا على الاقل في الجنوب الارض هناك مصدر عيش ياكل منها ويزرع ويبيع منتجاته ولايرضى ان يجد فيها غريب بدون اذنه لانه لايعرف
نوياه وهناك جهله يقارن بين المدن وبين الديار التي تملكها القبائل وهنا في المنطقة الغربية نفس الحال في الديار التي حول المدينة ومكة فرغم كونها قاحله الا انها تسبب عدائات والمشاكل والحسد ومن النادر تجد من يرحب بك ومسالة خويك اخذ فكره فهذا لانه جاهل فكيف تبني انطباع عن منطقة بسبب شخص !!

والله انا اقولها بدون تحيز وانا عشت في المدينة والغربية عموما لم اجد بطيبة وكرم اهل الجنوب ويكفي ان الرسول عليه الصلاة والسلام وصفهم انهم ارقى قلوبا وافئدة


كلامك اخوي صحيح انا لا عمم بل اخص لاكن هذا الرجل اساء لاهل المنطقه وخاصتا ان خوينا معه اهله يعني معه نساء وين الحياء وين الكرم وخوينا لوكان في ارض الرجال وشايفه شاب ناره مع اهله واولاده كان على الاقل يستحي ويقدم له لو ماء على الاقل رمز للكرم ماهو يفجعه هو عياله هذا رجل متخلف وبقووووووووووووووووووه

[. ذيب ساحوق]

يامرحبا ويامسهلا حيااك الله ياخوي بالمدينه وابشر بكل خير وافضل الاماكن عليك بالحناكيه وجنوبها وشرقها ديارنا تفتح النفس وتشرح الباال وكان ماتعرف الاماكن بالحيل ابشر بالخوهــ وفلة الحجاج والله يحييك ياخوي

[نجم المجره]

صحيح جهت الحناكيه وجهت ابيار الماشي ممتاز تريح البال

[نبراس المدينه]

حياك الله ابو فهد
حياك الله بمدينة رسول الله صلى الله عليه وسلم

ابشر بعزك ولك طلبك ان شاء الله

انا من مجانين القنص إن بغيت بدون وإن بغيت ظبى
أو وبر أو طيور

ولكن السنين التاليه ماهي مثل اول خفت الصيود وانا اخوك


المهم اتشرف بخوتك ويكون عهد الله بيننا على الاخوه والمحبة فالله

انتظر منك رساله برقم جوالك ع الخاص

[صياد الجبل]

كلامك اخوي صحيح انا لا عمم بل اخص لاكن هذا الرجل اساء لاهل المنطقه وخاصتا ان خوينا معه اهله يعني معه نساء وين الحياء وين الكرم وخوينا لوكان في ارض الرجال وشايفه شاب ناره مع اهله واولاده كان على الاقل يستحي ويقدم له لو ماء على الاقل رمز للكرم ماهو يفجعه هو عياله هذا رجل متخلف وبقووووووووووووووووووه



السلام عليكم

يا اخوي عندنا في الجنوب الارض كالعار . ومحد يفرط بارضه او في شي يملكه

والدليل اراضي ورثناها عن اجداد اجداد اجدادنا ولايمكن الى الان ان نفرظ فيها ابد

بالنسبه للرجال الي قابل خويك يمكن هو من اهل الديره والرجال يمكن انه كبير في السن

فمن خوفه الزايد على ارضه فجع خويك با اسلوبه ولكن لاداعي للتفوه بكلمات لاتليق مثل متخلف وغيرها

وجميع الناس يحسدون اهل الجنوب على ديارهم لما تمتاز فيه من طبيعه خلابه واجواء ساحره . .

[ابو فهد07]

ياهلا وياغلا ويامرحبااااا مليووون ومرحبا هيل عد المطر والسيل ترحب من قلب مغليكم
سلمتم وما ندمتم وحياكم الله وحيا علومكم

اسال الله العظيم ان ان يوفقكم ويدخلكم جنات النعيم ويحقق لكم مرادكم ويرزقكم الذريه الصالحه ويدخل السعاده في قلوبكم اينما كنتم

ما قصرتم كفيتم ووفيتم وبيض الله وجيهكم وماهي غريبه على اهل المدينه المنوره اهل الكرم والطيب والشهامه وتاريخهم مذكور ومعروف من ايام رسول الله (صلى الله عليه وسلم )
اقف لكم من هنا بكل تقدير واحترام وشكر ومودة والحمد لله الذي جمعني بكم بالدنيا وباذن الله في جنات النعيم
ويعلم الله مهما قلت ان الكلمات تعجز عن شكركم ورد الجميل لكم

وقريبا بس يتعدل الجو بيكون هناك طلعات ومكشات وسواليف وحنا نتشري معرفه الرجال بالغالي

وسلامتكم

[. ذيب ساحوق]

يامرحبا ويامسهلا الله يحييك عد مالاح برق ديارنا وبيوتنا وصدورنا مفتوحه للضيوف اي حزه الله يحيي الجميع

[عبادي الجنوب]

كلامك اخوي صحيح انا لا عمم بل اخص لاكن هذا الرجل اساء لاهل المنطقه وخاصتا ان خوينا معه اهله يعني معه نساء وين الحياء وين الكرم وخوينا لوكان في ارض الرجال وشايفه شاب ناره مع اهله واولاده كان على الاقل يستحي ويقدم له لو ماء على الاقل رمز للكرم ماهو يفجعه هو عياله هذا رجل متخلف وبقووووووووووووووووووه



انت لاتعمم ثم تقول اساء للمنطقه وتصف اهلها بانهم قشر! قلت لك هذا تصرف شخصي
وغالبا من كبار السن وصاحب الارض ينظر على ان هذا جاء ارضه بدون اذن وهو لايعرفه وقلت لك هنا في الديار في الغربية يحدث مثل ذلك وانا شخصيا مر علي موقف مشابه وكنت في طلعة في منطقه بين المدينة ومكة فجائني احدهم بسلاحه وانا جالس على طبختي وقال لاتجلس وشيل اغراضك! ولم اكمل حتى الطبخ هل يعقل ان اقص هذه القصه على كل واحد واعتبر ان هذا الشخص يمثل ملايين يسكنون المنطقة! والغريب انني نظرت حولي فلم اجد الا ارضا قاحله لازرع فيها ولا ماء فلم اعلم على ماذا يخاف على الاقل في الجنوب الارض مصدر رزق يعيش منها اهلها ويخافون عليها من دبة النمله خاصة وان اغلب الغرباء يتركون مكانهم وهو في حالة يرثى لها وانت ترى مايحدث في منتزهاتنا بل ان بعضهم يترك ناره ولايهمه مايحدث بعدها وبعضهم يكسر من الاشجار ويفسد في البيئه وصحيح ان اسلوبه كان قوي لكن لابد ان كثرت المواقف جعلته يتصرف بقوه وكذلك الجهل فا اهل القرى والبوادي لديهم توجس من الغريب الذي يدخل بدون اذن وعموما اذا كان هذا الموقف اساء لمنطقه فكم هي المواقف التي سااحكم عليه اسئل الحجاج عن التعامل الذي يجدونه في مكه او اسئل السياح عن جدة والطائف ومايرونه فيها من تصرفات ولا ادري حينها على كم موقف سااحكم

[برق البشاير]

الله يحييك يا ابو فهد أخ عزيز وضيف غال
ولكن من غير المناسب السؤال عن أماكن الصيد هنا ، وليس من اللائق من الأخوة الدلالة على ديار ناس . فمن فيه خير يصطحب أخونا على ديرته ويقوم بواجب الضيافة أولاً ثم يصطحبه ويعرفه بأماكن الصيد في ديرة ربعه وبهذا يضمن له السلامة من أهلها . أما الديره الفلانية زينة والشعيب الفلاني طيب من خلف لوحة المفاتيح ويترك الرجل ليواجه أهل الديار وشرهم فليس من الشهامة بحسب ما أرى !! وقد أبان رعاه الله أنه لايحب الصيد في ديار العربان بعداً عن المشاكل وأهل المنطقة المحيطة بالمدينة بحسب تجربة لا يبتعدون كثيرا عن صاحب خميس مشيط . خاصة وأن القناصة أهل الذوق انقرض أكثرهم :D ولم يبق منهم إلا قلة وأكثر من يجوب الوديان والجبال شباب لا يعرف عرفاً ولا ذوقا للصيد .

[الدوسري2010]

انتو ضيعتو الموضوع يا أخواني الموضوع وين اكشت فيه بالمدينه المنوره؟ وانتو قلبتو الموضوع الى طرق ابليس ممكن يكون موجود في هالطرق ليشتت القبائل والعوائل فرجاءً خلونا في اصل الموضوع وشكراً

[ابو فهد07]

الله يحييك يا ابو فهد أخ عزيز وضيف غال
ولكن من غير المناسب السؤال عن أماكن الصيد هنا ، وليس من اللائق من الأخوة الدلالة على ديار ناس . فمن فيه خير يصطحب أخونا على ديرته ويقوم بواجب الضيافة أولاً ثم يصطحبه ويعرفه بأماكن الصيد في ديرة ربعه وبهذا يضمن له السلامة من أهلها . أما الديره الفلانية زينة والشعيب الفلاني طيب من خلف لوحة المفاتيح ويترك الرجل ليواجه أهل الديار وشرهم فليس من الشهامة بحسب ما أرى !! وقد أبان رعاه الله أنه لايحب الصيد في ديار العربان بعداً عن المشاكل وأهل المنطقة المحيطة بالمدينة بحسب تجربة لا يبتعدون كثيرا عن صاحب خميس مشيط . خاصة وأن القناصة أهل الذوق انقرض أكثرهم :D ولم يبق منهم إلا قلة وأكثر من يجوب الوديان والجبال شباب لا يعرف عرفاً ولا ذوقا للصيد .


الله يسلمك ويغليك مليووووون
يالغالي لو تلاحظ اكثر الاخوان دلوني على المحلات الزينه للمكشااات والطلعات والي يبي لي الخير دلني على محلات الصيد الي اهلها طيبين ومعروفين بكرمهم وما وجهوني لمحلات صعبه او عسرة في اهلها وان دل هذا دل على الطيبه والشهامه وطيب الاصل
وبالنسبه لواجب الضيافه انا ماجيت اجرب قدري عن احد ولا اكلف على احد بالعكس انا لي في المدينه تقريبا شهر ويعلم الله لو اقولك لحد الان مرتبط مع 6 اشخاص حلفوا ولزموا علي وقالي لي واجب عندهم ومستحيل يعذروني فاهل المدينه الكرم من طبعهم مو مجامله لهم واكبر دليل شف اكثر الردوود
اولا كل واحد يرحب بوجودي والي يطلب رقم جوالي والي يبيني اخااويه وكلهم مايعرفوني ولكن قدموا النيه الطيبه وفتحوا لي بيوتهم وديارهم وقلوبهم قبل كل شي
فوالله اني اعد اهل المدينه مثل اهلي واهل الجنوب والي يتعرضهم كانه يتعرضني

ولك الشكر والتقدير

[سمان البر4]

مبروك النقل واقول تبغا شوري عندك الحرة

[الحربي 591]

اخوي فيه شمال المدينه الديار هناك روعه ورمال تقول ذهب
من العلا وجاي