المساعد الشخصي الرقمي

مشاهدة النسخة كاملة : سالفة: الخيمه المهجوره..قوافي


قوافي ( أم نهار )
02/09/2013, 10:49 PM
بسم الله الرحمن الرحيم
مشرفينا،،أخواني ،، أخواتي ،، زوارنا
http://t3.gstatic.com/images?q=tbn:ANd9GcSr9GzvpbiI4bfdmM8DSiS1o2t_HGsgL RUZgc2YN5X615oLPf7j5A
حياكم ويامرحبا بكم
أحيانن الواحد مايتوقع انه يمر بموقف هو أول من يضحك على نفسه فيه..
كنا مخيمين والخيام واجد وكلها عامره والحمد لله إلا وحده كبيره تاركينها لضيوف من أهلنا بيجون عقب كم يوم ،،الخيمه مفروشه بزوليه ولا ينقصها إلا أنيس يسكنها ..
انا كل يوم بآخر الليل أحب ارقى الطعس وآخذ مصلاي وأصلي لين يذن الفجر ،،سبحان الله متعه وهبه من رب العباد ينسى فيها الواحد نفسه مابين سجود وركوع وقدامه عظمة رب العالمين تجلت بعظيم خلقه ..
عاد سبحان الله مدري ليه الأرانب واجد بالبر والعيار اللي مايصيب يدوش،،
و كلش كوم وسالفة جني كوم ،،يبدون يحكون عن طلعات البر القديمه اللي بسرج واللي شافت نجمه قرب الماء واللي شافت عيون تناضر من شباك الخيمه سبحان الله عيون لحالهن طايرات،،واللي على شكل ضو ويرقص ،،حتى شرار النار مزيور،،حتى خواتي العاملات اللي معنا سولفو عن جنهم اللي يحكي بلغتهم والراس انتلى لو يميل طاح فرخ جني..
بيوم جانا عج وهواء قوي وكانت الساعه 3 من الليل ،،قلت خلاص بصلي بالخيمة الفاضيه..
فتحت بابه وفرشت مصلاي وبديت :
الله أكبر
الـ؟؟؟؟؟؟؟؟؟؟؟؟
مادريت ألا أللي صرخت ماناب مسميه لا توذيننا:eek: ماناب مسميه لا توذيننا:eek:
روحي عنا روحي عنا:eek:..
أنا ماعاد ادري ويني فيه بلعت لساني وابي انحاش عن الجنيه وأصّقع برواق الخيمه واتمتم مدري وش أقول من الخوف بهبهبهبههبههبههبه:eek:..
ولعت الحرمه الكشاف بسرعه سمت بالله وانا سميت وقلت :
من انتي جنيه ولا أنسيه؟؟
ولين الأشكال تخوف ديره ،،عيون طايرات والكشش مظلات من الخوف :D (اللهم لك الحمد والشكر)..
قالت انا أم فلان تعطلت سيارتنا حولكم ،، وشايبكم قال :الرجال ينامون بخيمة الرجال والحريم بهالخيمه ..
عاد وأنا أكبر للصلاة كنت أهوجس بالخيمة المهجوره وأقول بنفسي :
يامن جني وجني بهالخيمه مستانسين به ،،همن سمعت اللي ماتبي تسلم وانطرمت:
بهبهبهبههبهبهبهبهبهبه
تحياتي لكم جميعاً
..قوافي..
الجرح الحزين
02/09/2013, 11:15 PM
السلام عليكم ورحمة الله وبركاته
أسعد الله أوقاتس بكل خير يالغاليه
الله يحيتس ياخيتي
الله يعطيتس العافيه على السالفه
والله اني رحمتس مع بعد سواليفه الجن الواحد يظل خياله يشتغل بعد مايسمع السالفه
الحمدلله انتس كنت بتصلين الليل ماكان شي ثاني
الله حفظتس من كل شر
يسعدني اني أول من رد على سالفتس
تقبل تحياتي
قوافي ( أم نهار )
02/09/2013, 11:32 PM
السلام عليكم ورحمة الله وبركاته




أسعد الله أوقاتس بكل خير يالغاليه
الله يحيتس ياخيتي
الله يعطيتس العافيه على السالفه
والله اني رحمتس مع بعد سواليفه الجن الواحد يظل خياله يشتغل بعد مايسمع السالفه
الحمدلله انتس كنت بتصلين الليل ماكان شي ثاني
الله حفظتس من كل شر
يسعدني اني أول من رد على سالفتس


تقبل تحياتي



ياهلا ومية مرحبا باختي الغاليه
الجرح الحزين
الله يسعدك دنيا وآخره ويحفظك ربي ويحييتس ويبقيتس يالغلا كله..
كلش يشتغل مع السواليف العيون والاذان تصيد اي حركه او همسه ..
هههههه الحمد لله انها صلاة والله الحافظ..
اللهم آمين ويجزاك ربي خير
اسعدني تشريفك وردك وحضورك الغالي الغالي جداً جداً..
تحياتي وتقديري واحترامي لشخصك الكريم
..قوافي..
حمد69
03/09/2013, 06:43 AM
وعليكم السلام ورحمة الله وبركاته
أهلاً هلا بالأخت قوافي
حقيقةً موقف لا تحسدين عليه الوضع من قبل مشحون خوف وزاد الطين بللة..
مادريت ألا أللي صرخت ماناب مسميه لا توذيننا:eek: ماناب مسميه لا توذيننا:eek:
روحي عنا روحي عنا:eek:..هههههههه هههههههه
الحمدلله إنك تصلين ولا كانت علوم:eek:
تحياتي لتس
أخوتس حمـــد:good2:
الدبا
03/09/2013, 08:57 AM
وعليكم السلام ورحمه الله وبركاته

والله خير الحافظين والحمدلله والله ان الانسان في مثل هالمواقف ما يدري وش يسوي ولكن ختامها كان مسك هههههههههههههههه مع الحرمه
:eek:
النبهاني
03/09/2013, 10:04 AM
وعليكم السلام ورحمة الله وبركاته
حيا الله مشرفتنا قوافي
ما شاء الله ابداع يتجدد
والراس انتلى لو يميل طاح فرخ جني..:D


هذا اللي خلاك ما شاء الله
مداهم مفرخين بالراس من كثر السوالف
الله يوسع صدرك ويعطيك العافيه
(هزاع)
03/09/2013, 04:30 PM
انامادري ليه
لاطلعنا للبر تكثر السواليف عن الجن وعن العقارب والحيايا
عيالى الصغار كل واحد يتفقد كشافه قبل الطلعه
ههههههههههههههه
................
مشكوره ياقوافي على هذه التحفه
اللي ذكرتني بالكشاف ابروح اتفقده هههههههههههه
الظاهر اني صابتني علة ورعاني
قوافي ( أم نهار )
03/09/2013, 05:25 PM
وعليكم السلام ورحمة الله وبركاته



أهلاً هلا بالأخت قوافي
حقيقةً موقف لا تحسدين عليه الوضع من قبل مشحون خوف وزاد الطين بللة..
مادريت ألا أللي صرخت ماناب مسميه لا توذيننا:eek: ماناب مسميه لا توذيننا:eek:
روحي عنا روحي عنا:eek:..هههههههه هههههههه
الحمدلله إنك تصلين ولا كانت علوم:eek:
تحياتي لتس
أخوتس حمـــد:good2:


هلا ومرحبا أخوي حمد
تبي الصراحه انا ما أخاف بس أحيانن زيادة معيار السوالف (مع الغبار يلزقون بالشبابيك،وبالبرد حول الضو معك،وبالصيف حدر الزير يتبردون) وانا خابره الخيمه فاضيه همن تكلمت الحرمه والدنيا عج راح التركيز والحمد لله على البهبهه:D ابي اقول بسم الله لكن لساني مدري وين راح:D..
يارب لك الحمد انه صلاة والحافظ رب العالمين..
اشكرك لحضورك الكريم وردك الجميل بارك الله بك وحفظك..
تحياتي وتقديري واحترامي
..قوافي..
قوافي ( أم نهار )
07/09/2013, 02:53 PM
وعليكم السلام ورحمه الله وبركاته





والله خير الحافظين والحمدلله والله ان الانسان في مثل هالمواقف ما يدري وش يسوي ولكن ختامها كان مسك هههههههههههههههه مع الحرمه


:eek:


حياك الله ومرحبابك اخوي
الحمد لله اللذي جعل لنا من اسمه طمأنينه وحفظ بأذنه ان شاء الله..
:D واي مسك ماعاد ادري اضحك ولا وش اقول(هذا بعدين يوم اتضحت الامور ودريت انها ضيفه) :D..
الحرمه يافشيلتاه من الحرمه ،،تعرفنا عليها وكل فتره نتشاوف وكل ماتقابلنا قالت تذكرين روووعتس !! أيه أذكر:eek:
ياربي متى تنسى:mad:..
اشكرك لحضورك الكريم وردك الجميل بارك الله بك وحفظك..
تحياتي وتقديري واحترامي
..قوافي..
عآشق الbaikal
07/09/2013, 03:07 PM
انامادري ليه

لاطلعنا للبر تكثر السواليف عن الجن وعن العقارب والحيايا
عيالى الصغار كل واحد يتفقد كشافه قبل الطلعه
ههههههههههههههه
................
مشكوره ياقوافي على هذه التحفه
اللي ذكرتني بالكشاف ابروح اتفقده هههههههههههه
الظاهر اني صابتني علة ورعاني




هههههههههههههه :D:D
الله يسعدك

اشكر ياختي قوافي على القصة الرائعه ولاشك سوالف الجن ماتكثر الا با الطلعات ليه مدري:p
الوكاد انها تروع وبس
بنتطار جديدكـ:good:
قوافي ( أم نهار )
08/09/2013, 02:31 PM
وعليكم السلام ورحمة الله وبركاته

حيا الله مشرفتنا قوافي
ما شاء الله ابداع يتجدد
والراس انتلى لو يميل طاح فرخ جني..:D


هذا اللي خلاك ما شاء الله
مداهم مفرخين بالراس من كثر السوالف

الله يوسع صدرك ويعطيك العافيه


حياك الله وابقاك ابو سالم
اشكرك رفع الله قدرك والابداع انتم اهله ونحن نسير على خُطاكُم..
الحمد لله انه وقفت على بهبهه مب هبال ،من عقبه ياويل اللي يجيب طاري الجن عقب المغرب ..
الله يعافيك ويحفظك ربي
اسعدني حضورك ومرورك الكريم
تحياتي وتقديري واحترامي
..قوافي..
قوافي ( أم نهار )
10/09/2013, 11:53 PM
انامادري ليه



لاطلعنا للبر تكثر السواليف عن الجن وعن العقارب والحيايا
عيالى الصغار كل واحد يتفقد كشافه قبل الطلعه
ههههههههههههههه
................
مشكوره ياقوافي على هذه التحفه
اللي ذكرتني بالكشاف ابروح اتفقده هههههههههههه
الظاهر اني صابتني علة ورعاني



حياك الله ابومشعل
المؤثرات اللي حولنا بالبر (ظلام ،هدوء، هواء،ماحولك سكان ):D هي اللي تجيب السوالف والحيايا والعقارب أحساس بالذنب حنا اللي جايين بانفسنا لأرضه..
اكيد الكشاف مهم على ان الماطور ابو مليون لمبه يدهر ..
اجل لا تنسى الكشاف وكشاف اسبير..
اشكرك لحضورك الكريم وردك الجميل
تحياتي وتقديري واحترامي
..قوافي..
قوافي ( أم نهار )
12/09/2013, 09:05 PM
هههههههههههههه :D:D

الله يسعدك


اشكر ياختي قوافي على القصة الرائعه ولاشك سوالف الجن ماتكثر الا با الطلعات ليه مدري:p
الوكاد انها تروع وبس

بنتطار جديدكـ:good:


حياك الله اخي الفاضل
العفو اخي الكريم والرئع مرورك وردك بارك الله بك وحفظك..
:D اكيد تروع والحمد لله اننا نطلع ونرجع سالمين..
اشكرك لوقوفك بمتصفحي
تحياتي وتقديري واحترامي
..قوافي..
Al3rands
13/09/2013, 02:22 PM
يالطيف الطف فكك الله ما مرج عقلك
قوافي ( أم نهار )
13/09/2013, 07:23 PM
يالطيف الطف فكك الله ما مرج عقلك


حياك الله اخوي
الحمد لله انه ماتعدى راسي ولا كان علوم..
اشكرك لحضورك وردك الكريم
تحياتي وتقديري واحترامي
..قوافي..