المساعد الشخصي الرقمي

مشاهدة النسخة كاملة : افيدوني عن ورشة زينه ...موتري يشرب بنزين


كايد
03/09/2013, 10:47 PM
السلام عليكم
اخواني عندي حيكسار 2006 تماتيك له معي شهرين والموتر زين سويت له صيانه (بواجي -فلتر هواء -فلتر بنزين -تغيير صوف -وكان عندي الa/t oil temp تشتغل فوق ال160وغيرت فلتر وزيت بالاضافة لوجه أصلي .
المهم كلش زين بس باقي مشكلة شرب البنزين بالاضافة إلى تقطيعة من ال80إلى 120 وريحة بنزين اذا استمر شغال 10دقايق تقريبا (اليوم رحت مشوار حوالي 40ك راح ثلاثة ارباع التانكي الصغير .
ياليت احد مشكور يفيدني عن ورشة زينه في الرياض (بعيدا عن الورش اللي كل تصليحهم احتمال كذا احتمال كذا .....مثل سياراتي اللي قبل تبدل قطع كثيرة على الفاضي ) .

جزاكم الله خير ....
كايد
04/09/2013, 01:46 PM
يالربع 84 مشاهده ...ياليت احد يفيدنا

الكل يبي يفيد ويستفيد من مكشات
كلاش2500
04/09/2013, 03:38 PM
وعليكم السلام...هذى اعراض البخاخات..فقط ودها عند شخص ينظفها واشرط عليه ان المحلول يكون اصلى ..او اشترى انت المحلول بنفسك....والطريقة الصحيحة للتنظيف انه يشبك لى المحلول بدل لى البنزين ويترك السيارة شغالة بدون دعس الى ان ينتهى المحلول العملية تستغرق ساعة او ساعة الا ربع .....والموضوع مايحتاج ورشة زينة الموضوع يحتاج شخص أمين فقط ...وماتكلف المحلول مايتعدى سعره الخمسين واجرة التنظيف انت وشطارتك...
بالتوفيق....
بدوي جنوبي
05/09/2013, 07:49 PM
البواجي كيف شريتها
برقم الشاص من الوكيل
او من محل عادى
أرض الحجاز
05/09/2013, 09:37 PM
أخوي

أظن عندك إحتراق البنزيم ما يتم بطريقة كاملة
تأكد من ريحة الشكمان أثناء تشغيل المحرك
عن طريق وضع منديل نظيف على فوهة الشكمان
إذا كانت فيه ريحة بنزيم قوية
معناتها احتراق البنزيم غير كامل

تأكد من نوعية البواجي اللي ركبت
البواجي أظنها راسين ماهي رأس واحد
لازم تشتريها من الوكيل فقط
ابتعد عن محلات قطع الغيار وراح ترتاح

تأكد من نظافة الكويلات لايكون عليه زيت من شنابر ضعيفة
تسبب تقطع فالكهرب


وتنظيف البخاخ ضروري بس خله آخر شي
وأبتعد عن سائل تنظيف البخاخات اللي فالمحطات لأن كثير منها يكون مغشوش
كايد
05/09/2013, 10:35 PM
شاكر لكم ومقدر ....اخواني
بالنسبة للبواجي من الوكالة ...طبعن أول ما اشغل الموتر ما يدق سلف على طول تحس ان فيه تاخر لوصول البنزين

وثقل بسيط في القومه ( سقت مواتر غيري ونفس الشئ )

بالله افزعو لي صرقعني هالموتر ...أبي ورشة ثقة يشوف المشكلة ولكم الأجر بإذن الله
كايد
05/09/2013, 10:37 PM
عبى فكرة يوم غيرت البواحي والفحمات ....راعي الورشة قال بأنظف البخاخات ونظفها بالجهاز .
been
05/09/2013, 10:54 PM
هل يوجد دخان اسود يخرج من الشكمان
هل تلاحظ زيادة في عداد الضغط rpm عن المعدل الطبيعي
احتمال يكون حساس الهواء متسخ
قبل كل شي تأكد اذا كان هناك تهريب في احد الليات او من التانكي
abw1122
06/09/2013, 05:28 AM
اخوي احتمال يكون عندك شق لو بصيط في ليات البنزيم
شيك عليها من الخزان الى ثلاجه البخاخات
joblak
06/09/2013, 12:51 PM
مستحيل مشوار 40 كيلو يروح ثلاثة ارباع التانكي الا بحالة ان الموتر يدخن ابيض بسبب خلل احتراق البانزين مع ريحه او عندك تهريب بانزين ولا يهرب بشكل كبير الا على الضغط على الموتر حتى لو البخاخات وصخه ما يصرف بالشكل هذا

اتمنى اذا حليت مشكلة الموتر تعلمنا وش صار معك
تحياتي لك
أرض الحجاز
06/09/2013, 01:04 PM
أخوي


هل تأكدت من سلامة خزان الوقود؟
هل تأكدت من سلامة ليات نقل الوقود من الخزان حتى الماكينة؟


يوجد في السيارات الحديثة كمبيوتر يسجل جميع الأخطاء والمشاكل ويخزنها، وعند فحص السيارة بالكمبيوتر يخرج لك هالمعلومات،
حاول تفحص كمبيوتر لأنه يحدد لك وين الخلل بالضبط ويوفر عليك التعب والهدر المالي

الله يوفقك
تنومه1
06/09/2013, 01:33 PM
لك رساله على الخاص
كايد
06/09/2013, 06:40 PM
جزاكم الله خير
الله لا يخلينا منكم حقيقة رجال مكشات الخير والبركة
بأفحص كمبيوتر وأشوف (وانا برا الرياض أول ما أوصل الرياض بإذن الله )
مشكور اخوي تنومه والورشة اعرفها لكن ماعندهم كمبيوتر .
كايد
13/10/2013, 06:29 PM
السلام عليكم
فحصت كمبيوتر ....كل شئ زين
وغيرت بواجي من الوكالة .....راحت التقطيعة .
بقي استهلاك البنزين ...اليوم حركت من حفر الباطن عبيت من المطرقة ولعة اللمبة الحمراء للتانكي الأساسي قبل المجمعة 10ك .
السرعة 140-150 دعسه وحده .


للحين ما لقيت حل لاستهلاك البنزين .
كايد
04/12/2013, 07:20 PM
ابشركم عرفنا السبب




عطل طرمبة البنزين للتانكي العود ....مشكورين جميع
أصيل حجآ زي
04/12/2013, 08:44 PM
السلام عليكم
فحصت كمبيوتر ....كل شئ زين
وغيرت بواجي من الوكالة .....راحت التقطيعة .
بقي استهلاك البنزين ...اليوم حركت من حفر الباطن عبيت من المطرقة ولعة اللمبة الحمراء للتانكي الأساسي قبل المجمعة 10ك .
السرعة 140-150 دعسه وحده .


للحين ما لقيت حل لاستهلاك البنزين .



http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .





أخي :

في الغآلب كثرة أستهلاك الوقود

سببهُ الرئيس خرآب حسآسآت الأكسجين .

أما متسخة أو خربآنة .

.

.

تعطي قرآئة خآطئة للحآسوب PCM وبدوره الحآسوب

يعطي أوآمر { كومآند Command } لنظآم الوقود بضخ أكبر كمية من الوقود

وقد تكون القرآئة الخآطئة هي بسبب وسخ بالحسآسآت أو بحسآس اللهآث MAF Sesnor .

وبعض السيآرآت حسآس اللهآث بدلآ منهُ حسآس ضغط الهواء MAP Sensor .

نفس الحسآسين يعطيآن قرآئآت للحآسوب بالتعآضُد مع قرآئة حسآس الأكسجين .

.

.

.

طبعآ :

نسيت أقول لك أن

أفضل ورشة أنت { DIY } .

بنفسك بشحمك ولحمك هذي أمور سهلة .

ولا تعتمد على النصآبين والغشآشين والغُشم .

تلحلح ووفر درآهمك لسفآنك / بزورتك / جهآلك .

أطفآلك / أولآدك / النمى على قول البعض وتتعلم بسيآرتك .



.

كيف تغير حسآس الأُكسجين؟؟؟ بالأشرطة والصور وبعض الشروح مع الشريط و الصورة بألف كلمة (http://www.mekshat.com/vb/showthread.php?t=406313)




دور دبة التلوث في ضعف عزم المـُحرك وأهميتـُه حسآس الأ ُكسجين ؟؟؟ أعملها بنفسك {DIY} ! (http://www.mekshat.com/vb/showthread.php?t=313596)




كيف تعرف وتصون وتوضب وتختبر صمآم المبـُخر {EGR / PCV} بالصور والأشرطة وشروح {DIY} ؟؟؟؟؟؟؟ (http://mekshat.com/vb/showthread.php?t=465656)




تــعــرّف على الفـحـآمة { مبخرة الوقود EVAP Systrm } وكيف تتخلص من ريحة الوقود بسيآرتك !!! (http://www.mekshat.com/vb/showthread.php?p=4853238#post4853238)





كـيـف تصون / تنظف صمآم الخمول IACV واللهآث والخآنق{الثرتل بدي TB} بسيآرتك الجديدة ؟؟؟ (http://www.mekshat.com/vb/showthread.php?p=4452301#post4452301)




كـيـف تـنـظـف حـسـآس اللهــآث MAFS وهل تـخـلـيـط وقود مـُمــتآز95 مع عـآدي91يـضـُر ؟؟؟ (http://www.mekshat.com/vb/showthread.php?t=257452)


:good2:

.

.

.

.



http://www.aqarcity.com/images/smilies/p5088.gif





موفـق
وتلقى خير بأذن الله

""" و الله ُ أعـــلـم وأكــمـــل """

تـــآبــع دروســي لـلـفـآئـدة
فأنا أُلفها وأجمعها لك بلا كلل أو ملل :
كـيـف تـُـصـبـح مـُهـنـدس سـيـآرآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714)
.

.

هـذا تحــت رآبــط
دروسي جـمعـُه الـمـهندس
ســــــُوبـر فتك VTC جزآه الله خير
أُهـــديــــه لـكـــُـم جـمـيـعــآ خآصة :
دروس ألأصيل الحجآزي (http://www.mekshat.com/vb/search.php?do=finduser&u=127328&starteronly=1)





.

أخي :
أن تـرى أني
قـد أفـدتــُـك بــشيء ذي مـعـنى ... :)





وأستحق مـــــنــــــك دعوة صالحة
فــــــــــــــــــلا تــنــــــــــــــســآني :no2:
مـــــن صــــــآلـح دُعــــآك
فأنت كريمٌ وأنا أستآهل .
:burnout2:





تـحـيـــآتي
بــلا حـدود ولا سدود .

.
<<< أبـو عـبـد الـرحـمـن >>>
""" الأصـيـل الـحـجـآزي """
ls1.5700
05/12/2013, 01:47 AM
ابشركم عرفنا السبب




عطل طرمبة البنزين للتانكي العود ....مشكورين جميع

طرنبة البانزين مالها علاقه اخوي كايد
يعني مالها دخل في زيادة بـ صارفية البانزين او قله
طرنبة البانزين اذا فيها ضغف تضعف عزم الموتر + تقطيع
واذا خربت مره مايشتغل الموتر ابد
المشكله الاساسيه عندك مثل ماقال لك المهندس اصيل
حساسات الشكمان او حساس بوابة الهوى للثروتل
شيك عليهم وسوي لهم تنظيف
بالتوفيق