وش الفرق بين الدبل الثقيل والخفيف ؟

[imksa]

سلام عليكم


اشوف الفرق في الكلام عن الدبل الثقيل والخفيف كانهم شيين مختلفين ولا اتخيل الفرق بينهم وشو .


ممكن احد يشرح لنا وش الفرق


فمان الله

[أبوناصر]

الفرق واضح لو تجرب

الدبل الثقيل ما تلقمه ولا تفصله الا وانت واقف

أما الخفيف فعادي تلقمه وقت ما تبي وتفصله وقت ما تبي


أيضا الثقيل ما تستعمله إلا للضرورة مثل لو غرز الموتر أو تبي تسحب أحد

ايضا الثقيل ما تمشي على أسرع من 40 كم


أما الخفيف فلك إلى سرعة 80 كم


هذا علمي إذا في أحد أعرف ولا عنده معلومات زود

[فلان بن عفتان]

الدبل الخفيف يعطي الدفرنس الأمامي من قوه المحرك 30% يعني لو كان عدد الأحصنه 250 يعطي الدفرنس الأمامي 75 حصان والخلفي 175 حصان .

الدبل الثقيل يعطي الدفرنس الأمامي والخلفي 50% من قوه المحرك يعني يوزع القوه بالتساوي

[imksa]

يعطيكم 1233 عافيه

شكرا اخي ابو ناصر

فعلا هذا ما قرأته في الكتالوج غير انهم يحذرون من شبك الدبل الخفيف في حالتين :-

الاولى أن تكون السيارة في منعطف ،، يعني لازم تكون السياره في مسار مستقيم

الثانيه ان تكون السيارة تمشي للامام :) مو داقه ريوس



جواب الاخ فلان هو اللي انا ادور عليه


كنت اعتقد ان الدبل 50% لكل دفرنس


لكن الان اختلفت النظرة فعلا اذا كان الوضع كذا فبيكون الدبل الثقيل اقوى من الخفيف .


اذا كان فيه تفسيرات اضافية ممكن احد يجود بها علينا


في امان الله

[ابونايف الروقي]

شباب متى استخدم الخفيف ومتى استخدم الثقيل ومتى استخدم الدف لوك(( الهزاز)) ؟

الدف لوك من شريت سيارتي وانا ما ادري وش طبخته ولا ادري وشهوله ..

[أبو أسامة]

السلام عليكم ورحمة الله وبركاته

الدبل الخفيف تستخدمة إذا نزلت البر وبغيت تسرع يعني إلى حدواد 110 ........

الدبل الثقيل مثل ماقالوا الأخوان أنه يستخدم عشان يوزع العزم على الدفرنسين بالتساوي ....ووقت أستخدامة إذا جيت في مناطق شديدة الوعورة أو المنحدرات القوية فإذا بغيت تنزل من منحدر قوي حط الدبل على الثقيل والقير على الأول وإن شاء الله أنك ماراح تستخدم الفرامل إلا ما ندر ...... أو المناطق الرملية الناعمة جداً ........ السرعة عليه نصيحه لا تتعدى 30 كيلو متر بالساعة عشان التروس كبيرة وإذا أسرعت يمكن تنعدم .........

الديف لك ...... إذا غرز عليك الموتر وإستخدمت الدبل ولا فاد وشفت أن واحد من الكفرات الخلفية يدور وتحفر بالأرض والثاني لا تتحرك فهنا يجي وقت الديف لك أو الهزاز كما يسميه ربعنا ......... لأنه يقفل على التروس في الدفرنس الخلفي ويجعل الكفرتين يدورن مع بعض وبيطلع الموتر غصبن عنه إن شاء الله .....

[ساقان]

الدبل الخفيف ممكن تمشي عليه بأي سرعه ماعندك مشكله

[imksa]

اعتقد انه الى 80 كيلو بحد اقصى ( هذا في كتلوج الباثفايندر )

[مطر سهيل]

مساكم الله بالخير
الدبل الخفيف يفضل استعماله دائما الابالحالات المستعصيه فاستعمل الثقيل

[شبح الصحراء]

مساكم الله بالخير
الدبل الخفيف يفضل استعماله دائما الابالحالات المستعصيه فاستعمل الثقيل

صحيح الدبل الثقيل لا ينصح بإستخدامه إلا في حالات نادرة جداً مثل علوق السيارة تماماً في الرمال حيث تستخدم لإخراج السيارة من الرمال الشديدة كالرباضات ثم يتم إعادة الدبل إلى الخفيف ، ومن الممكن استخدام الدبل الثقيل عند جر سيارة ثقيلة عالقة في الرمال ، ومن الممكن أيضاً استخدامه عند صعود أو نزول أماكن شديدة الإنحدار وزلقة مثل الممرات الجبلية الضيقة والخطيرة جداً .
وللأهمية حاول تجنب الدبل الثقيل قدر الإمكان لأن كثرة استخدامه دون داعي قد يسبب مشاكل في الدبل أو صلبان العمود لذلك تجنبه واعتمد على الدبل الخفيف فقط إلا في الحالات النادرة التي ذكرتها .

[سلكي نت]

اوافق على ما قاله الاخوان اعلاه ... مع العلم بان استخدام الدبل الثقيل يرفع حرارة الموتر بصورة ملحوظه (عدا استخدامه في نزول المنحدرات )كما يجب ان تشحم عمود الدبل بإستمرار حتى لاتجبر مع كثرة الاستخدام للإعادة خرطه ، وملاحظة زيت الكلتش الذي ينقص بزيادة مع استخدام الدبل (وافضل الطرق لحماية الدبل استخدام الفرارات و التقليل من استخدامه قدر الامكان عدا السيارات التي بها خاصية الدفع الرباعي المستمر)وعدم الافراط في الضغط على الدبل حتى تخرج رائحة صحن الكلتش.
ملاحظة هامة ::: في السيارات الجديدة يكثر وضع الية تشغيل الدبل بواسطة ازارير .. يجب ابعاد الاطفال عنها حتى لا يضغطو بالغلط على احد الازارير فيعمل الدبل مثلا على سرعة 140 مما يوءدي الى تكسر بعض اسنان التروس وربما انقلاب السيارة ( بالذات السيارات الامريكية)

[آل مهنا]

والله يا شباب ما عندي ذيك الخبره ... الا اني متأكد (بالنسبه لسيارتي على الاقل) بان الدبل ما له علاقه ابد بنسب توزيع العزم على الكفرات (50% الي 50%) ... حيث ان الباجيرو تعطيك الخاصيه هذي على الدبل الخفيف عن طريق قفل الدفرنس الوسطي (لا تخلط بينها وبين الهزاز ... لان الباجيرو عندها القفل في حال لف الكفر في الهواء على كل كفر لحاله بغض النظر عن الدبل مستعمل او لا).

المهم الي اعرفه عن الدبل الثقيل انه يعطي عزم زياده للسياره (ممكن ربط بين الدبل و المحرك مدري كيف ) ... فهمي لهذا الموضوع ان الفرق مثل الفرق بين الثالث و الاول في القير ... لكن نحتاج احد من الشباب يشرح الموضوع من الناحيه العلميه والميكانيكيه (بديت اتفلسف).

ننتظر مزيدا من الخبراء ... تحيتي.

[مايغرز]

كل سيارة ولها نظام خاص بالدبل والدفرنسن لوك ويتطابقون من حيث المهمه فيه الدبل full time 4 weel driveالدبل المتواصل وفيه البارت تايم المنفصل اما الخفيف والثقيل فالاخوان ماقصروا وشرحوا والدف لوك ما يستخدم وانت لاف السكان لازم الدريكسيون سيده والا يفصل ويمكن يكسر لك عامود الدبل والله العالم

[imksa]

الدبل بشكل عام يجب عدم تشغيله علىالارض الصلبة ( مثل الاسفلت )


وذلك لتأثيره على الكفرات وصوف الدفرنس .

[بدر العمودي]

بانسبه للجيوب كلهن بهن خفيف وثقيل وعلمي بالسوبر سفارييـــــــــ
ان كنت اخوي عندك سفاري
الدبل الخفيف:الدبل الخفيف عندك اذا كان الرمل او الغراز مو قوي استعمله وانت ماشي او واقف نفس الشي
اما الثقيل:لازم تكون وقف وماتسرع اكثر من 40 ولما تخلص منه رده محله ثم اطلع للشارع وارجع ورا ثم كمل على شان المسننات ماتطق والله اعلم وهاذا حد علمي بالسفاري والباث والنيسان والي يعرف لايبخل اخوكم بدر البدوور

[سبيع الغلباء]

والله الي سمعنا ان الثقيل لابرك الموتر حطوه بس مايبي دعس واجد على شوي شوي واما الخفيف مره فكل محل ينفع

[هاوي الله]

وش رايكم لو قلت إن الـ Gx والـ Gx-r من موديل 98 إلى 2006 مسموح له يمشي بالدبل الخفيف H4 إلى سرعة 157 كم &
واللي مايصدق يراجع الكاتلوج &

[ابوطاقية]

بالنسبه الفرق بين الخفيف والثقيل
الخفيف للطرق والمرتفعات الخفيفه والثقيل للمراقي الوعره
ومن الافضل استخدام الثقيل في التطعيس والقير بالنمره 3 للعادي التماتيك ماعرف اسوقه :)