اذا طيرك مرض هل تعتقه؟

[طيار قطر]

السلام عليكم ورحمة الله وبركاته

دائما نسمع ان الي طيره مريض مرض صعب علاجه مثل السومار او الرداد القوي ينصحونا بان نسبله او نهده او نعتقه وباذن الله راح يشفى وهذا كان متوارث من زمان ليومنا هذا من اغلب الصقاره فالخليج لكن هل صحيح يشفى الطير او فقط لانه غالي عليه ومايبيه يموت عنده الطير واذا كان صحيح ياليت من الشباب يذكرون مواقف صارت لهم في هالموضوع

[راعي ياقوت]

السلام عليكم ورحمة الله وبركاته
اما بعد
فموضوع شيق ولي الشرف اني اول شخص يرد
اما من ماحية تسبيل الطير المريض فالعام كان عندي شاهين قرناس ثنو مصفي وكان معروف الطير من يومه فرخ ماقط راح عليه صيده كان فارط ومعروف ووصل سومات طيبه المهم في شهر ١١ انقليزي صاده مرض غير معرف مره يقولون صرع ومره التهاب فالراس ومره ارداد فلاخير اتضح لي (عين اصابته ) توكلت على الله وسبلته عقب ماعطيته لياقه شوي وبعدها بخمس شهور اتصلي شخص لاني حاط رقمي عليه وبدون سبوق عشان اعرف علومه المهم دقلي شخص بعد ٥ شهور وقالي انا مسكت طير قلتله سليم قال نعم سليم والطير صقرناه لان نتصلك وجوالك مسكر من فترة اسبوعين وصقرنا الطير والطير سبوق وطيب ومبروك وسليم قلتله الله عطاك اياه وتعشا من صيده وللان عنده والطير لازال طيب وبخير
وسمعنا عن طيور عند ربعنا سبلوها ميؤس منها وطروحها الزمان الي عقبه قرانيس هوى وسليمه سبحان الله
... والسموحه على الاطاله ....

[طيار قطر]

السلام عليكم ورحمة الله وبركاته
اما بعد
فموضوع شيق ولي الشرف اني اول شخص يرد
اما من ماحية تسبيل الطير المريض فالعام كان عندي شاهين قرناس ثنو مصفي وكان معروف الطير من يومه فرخ ماقط راح عليه صيده كان فارط ومعروف ووصل سومات طيبه المهم في شهر 11 انقليزي صاده مرض غير معرف مره يقولون صرع ومره التهاب فالراس ومره ارداد فلاخير اتضح لي (عين اصابته ) توكلت على الله وسبلته عقب ماعطيته لياقه شوي وبعدها بخمس شهور اتصلي شخص لاني حاط رقمي عليه وبدون سبوق عشان اعرف علومه المهم دقلي شخص بعد 5 شهور وقالي انا مسكت طير قلتله سليم قال نعم سليم والطير صقرناه لان نتصلك وجوالك مسكر من فترة اسبوعين وصقرنا الطير والطير سبوق وطيب ومبروك وسليم قلتله الله عطاك اياه وتعشا من صيده وللان عنده والطير لازال طيب وبخير
وسمعنا عن طيور عند ربعنا سبلوها ميؤس منها وطروحها الزمان الي عقبه قرانيس هوى وسليمه سبحان الله
... والسموحه على الاطاله ....

انا الي لي الشرف بردك ياخوي ومشاءالله وسبحان الله المحيي والمميت وفعلان العين حق ياخوي الله يكفينا شرها امين ويعوضك يارب وسبحان الله الي شفاه وهذي يثبت انه كلام الاولين حقيقه في موضوع شفاء الطير

[نجم404]

ماشاء الله موضووع طيب من طيب راعيه وخير ماسويت ياراعي ياقووت

[طيار قطر]

ماشاء الله موضووع طيب من طيب راعيه وخير ماسويت ياراعي ياقووت

جزاك الله خير ياخوي والموضوع طيب بمشاركتكم الطيبه

[قلب ذيب]

الله يحييك .
حقيقه اطلاق الطيور عاده قديمه عند العرب وكان الاولين اذا مايقدر يقيض الطير يهده , اما فيما يتعلق بالطيور المريضه فأن أكثرها يشفي من المرض عند اطلاقه لأنه يعيش طليق في الهوى ويقتات بعض الطرائد البريه والتي تساعده على الشفاء .
واعتقد في زماننا هذا ان كثيرة الامراض وتنوعها وتلوث البيئه وعدم نظافتها يؤدي الى موت أكثر الطيور المطلقه خاصه في تغير المناخ وردائته .
. . اما عن تجربتي الشخصيه فقد شاهدت أحد الجماعة يطلق طير به سومار ولا اعلم ان عاش او مات .

[طيار قطر]

الله يحييك .
حقيقه اطلاق الطيور عاده قديمه عند العرب وكان الاولين اذا مايقدر يقيض الطير يهده , اما فيما يتعلق بالطيور المريضه فأن أكثرها يشفي من المرض عند اطلاقه لأنه يعيش طليق في الهوى ويقتات بعض الطرائد البريه والتي تساعده على الشفاء .
واعتقد في زماننا هذا ان كثيرة الامراض وتنوعها وتلوث البيئه وعدم نظافتها يؤدي الى موت أكثر الطيور المطلقه خاصه في تغير المناخ وردائته .
. . اما عن تجربتي الشخصيه فقد شاهدت أحد الجماعة يطلق طير به سومار ولا اعلم ان عاش او مات .
صحيح ياخوي وانا والله دايما اعتق الطيور ان مرضة لكن ماجاني خبرها ومن حوالي السنه شفت لي وكري ولا عليه سبوق ولا رقم وحذفت له حمامه بشبكه وصدته والا الطير قرناس بيت وراب ولاحترك يوم قلبت الطير ولا مسومر وهي والله عاده طيبه وبشرنا اخونا راعي ياقوت بقصتة معا قرناس الشاهين وهذا شيء ان شاءالله يكون تشجيع للشباب على اطلاق الصقور المريضه

[ابوحزااااااام]

انا اعتبر ان اللي عنده طير مريض ولاله علاج ويخليه عنده لين يموت قليل خاتمه
ولايستحق لقب صقار بل يستحق لقب نذل وأناني

واشكرك ياطيار قطر على موضوعك الطيب

[قيصوم الشمال]

السلام عليكم ورحمة الله وبركاته

الاولى معالجة الطير بشتى الوسائل الممكنة التي يسرها الله لنا
ولكن في حال لم تثمر جميع المحاولات فاني افضل اطلاقه عن ان يموت امامي فقد يكتب الله له الحياة باسباب نجهلها

حدث معي قبل عامين مع شاهين فرخ وافية وحش طرحناها في الدبدبة واخذتها للكويت عند الاخ هاشم الصليلي وفي اليوم الثاني حراجها ولكن عند الحراج نصحني احد الاخوة ببيعها بالسعر الذي تقف عنده وحرج عليها ووصلت 3000 دينار كويتي ولكني عندما رايت عينها وقال لي بعض الاخوة اثناء الحراج انها قد تموت رفضت بيعها واستخرت العوض من الله
واخذتها بعد الحراج وفي اليوم الاخر حاولت علاجها في المستشفى ولكن اوضحو بان ليس بايديهم شي يفعلونه لها . لحضتها تمنيت ان بامكانها الطيران واطلق سبوقها

الله يوفق كل من في قلبه رحمة وكل من اراد الخير في انسان او حيوان.

تقبل شكري واسف على الاسترسال.

[طيار قطر]

انا اعتبر ان اللي عنده طير مريض ولاله علاج ويخليه عنده لين يموت قليل خاتمه
ولايستحق لقب صقار بل يستحق لقب نذل وأناني

واشكرك ياطيار قطر على موضوعك الطيب

الله يجزاك خير ياخوي

[طيار قطر]

السلام عليكم ورحمة الله وبركاته

الاولى معالجة الطير بشتى الوسائل الممكنة التي يسرها الله لنا
ولكن في حال لم تثمر جميع المحاولات فاني افضل اطلاقه عن ان يموت امامي فقد يكتب الله له الحياة باسباب نجهلها

حدث معي قبل عامين مع شاهين فرخ وافية وحش طرحناها في الدبدبة واخذتها للكويت عند الاخ هاشم الصليلي وفي اليوم الثاني حراجها ولكن عند الحراج نصحني احد الاخوة ببيعها بالسعر الذي تقف عنده وحرج عليها ووصلت 3000 دينار كويتي ولكني عندما رايت عينها وقال لي بعض الاخوة اثناء الحراج انها قد تموت رفضت بيعها واستخرت العوض من الله
واخذتها بعد الحراج وفي اليوم الاخر حاولت علاجها في المستشفى ولكن اوضحو بان ليس بايديهم شي يفعلونه لها . لحضتها تمنيت ان بامكانها الطيران واطلق سبوقها

الله يوفق كل من في قلبه رحمة وكل من اراد الخير في انسان او حيوان.

تقبل شكري واسف على الاسترسال.

الله يعوضك يارب وهذا راح يرجع لك فالدنيا والاخره باذن الله

[العميد430]

الله يعافيك يالغالي على طرح الموضوع

والحمدلله الخير موجود بالخلق ,,,,,,

وبالنسبه للطير العام الله يكفينا الشر مرض عندي وكري والعالم الله انها من المربط والله يعووض فحصناها ولاطلع فيه شي وكل يوم حالتها اردى اطلقناها ,,,

والطير الثاني جير صابه ارداد وصار مايقدر يطير اكثر من نص كم
فبقى لين مات



وانا برائي المتواضع اذا كان الطير يقدر يطير مسافه ويرتفع الحمدلله اعتقه واللي عند الله مايضيع
اما كان الطير مايقدر يطير لا بالله حاول انك تعالجه وعلف والله يعينك


والله يبعد عنا وعنكم كل شر

[طيار قطر]

الله يعافيك يالغالي على طرح الموضوع

والحمدلله الخير موجود بالخلق ,,,,,,

وبالنسبه للطير العام الله يكفينا الشر مرض عندي وكري والعالم الله انها من المربط والله يعووض فحصناها ولاطلع فيه شي وكل يوم حالتها اردى اطلقناها ,,,

والطير الثاني جير صابه ارداد وصار مايقدر يطير اكثر من نص كم
فبقى لين مات




وانا برائي المتواضع اذا كان الطير يقدر يطير مسافه ويرتفع الحمدلله اعتقه واللي عند الله مايضيع
اما كان الطير مايقدر يطير لا بالله حاول انك تعالجه وعلف والله يعينك


والله يبعد عنا وعنكم كل شر

الله جيزاك خير يارب وصحيح الطير الي مايطير ماله الا العلاج والله سبحانه هو الشافي انا الله يطول عمرك الحمدلله ماعندي طير مريض بس طرحت الموضوع للمناقشه معا الاخوان في مكشات ولتعم الفايده من المواقف الي صارت معاكم

[عبدالرحمن بن ذياب]

و عليكم السلام ورحمة الله وبركاته
شفاء الطيور من الامراض التي تصيبها هي بيد الله سبحانه وتعالى أولاً و أخيرا
و الاخذ بالاسباب اساس للشفاء مثل ما تفضلو الاخوان بذكر الوقائع و القصص

[falconer.679]

صبحكم الله بالخير ...

في عام 2009 كان عندي حر منغولي اصله خلوي .. جاه سومار قوي .. وسبلته اول الوقت .. وانطرح اخر الوقت في اسعوديه .. وكلمني الله يجزاه خير .. قالي ابشرك بالعقلان .. قلت الطير كفه الايمين طيب قالي صحيح .. قلت الله عطاك اياه ...
وسبحان الله اكثر الاطيور لا سبلتها اتشالا من علتها .. لانها اترد في طبيعتها يطير ويهد متى مابغاا ..