المساعد الشخصي الرقمي

مشاهدة النسخة كاملة : اهو افضل سمك من ناحية سهولة التنظيف ؟؟؟


زبيدي
11/10/2006, 03:32 PM
تختلف الاسماك في محتوايتها من امعاء وغيره

بعضها لايوجد داخلها الا القليل من الامعاء وتنظيفها سهل


وبعضها نصف جسمها امعاء وكبد وغيره وتنظيفها اصعب وبعد التنظيف يصبح هناك فراغ كبير في حجم السمكه


ماهي الانواع المميزه في سهولة تنظيفها والعكس ياترى


من يفيدنا وله كل الشكر
زعيم القناصة
11/10/2006, 03:38 PM
صدقت بس ماتدري وين تنصاد هذي السمكة وشكرا
خشكاري
11/10/2006, 05:01 PM
من وجهة نظري الهامور حرش ويجيب المرض في التنظيف من جميع النواحي سواء جلده أو بطنه أو خياشيمه . .


سلم لي على تنظيف الكنعدة . .


ولك أعذب تحية . .
بن عاقول c.o
11/10/2006, 08:46 PM
من وجهة نظري الهامور حرش ويجيب المرض في التنظيف من جميع النواحي سواء جلده أو بطنه أو خياشيمه . .


سلم لي على تنظيف الكنعدة . .


ولك أعذب تحية . .
تسلم ياخشكاري ... والله على طرف لساني .واحد متوهق بالرد ..!!! لا والله فعلاُ غير الكنعد لاتدور لأن وين ماينزل الساطور فبينزل على هبر في هبر حتى الراس يفلحونه نصفين .. وخذ ياذيك المرقة الطعمه من وراه .
عاشق الموج
11/10/2006, 09:19 PM
مثل ما قالو الشباب الكنعد ما عليها كلام في التنظيف وين ما تدق بالسكين هبر في هبر

وعندك الشعري هم بعد سهل في التنظيف لكن الشوك فيه مزعج حبتين الا اذا كان حجم كبير

عندك السبيطي سهل تنظيفه وفيه هبر حليو
زبيدي
12/10/2006, 05:22 AM
مشكورين على مشاركاتكم القيمه كلكم اتفقتم على الكنعد


والاخ عاشق الموج اضاف ايضا الشعري وفعلا تنظيف بطنه سهل ومافي شي يتنظف تقريبا الا شي بسيط ... لكن مشكلته القشر والشوك .. والكمال لله

مشكلة بعض الاسماك انها تحتاج للتقشير وهناك اسماك اخرى لاتحتاج للتقشير مثل الصافي (السيجان ) وغيره


وشكرا لمشاركتكم