فرق العزم بين Xl و Gl

[فكوني]

السلام عليكم....سؤال للفائده لنا جميعا
ليش الكامري 2000 مثلا او 98 Xlعزمها وتسارعها اكثر من خويتها الكامري Gl.؟
هل السبب تصميم التروس بالجير او بالمكينة؟
ام السبب كما يقولون بسبب ان الابواب والقزاز كهربائيه ؟؟؟

[sgl2002]

مافيه اي فرق الا اذا كانت وحده ٦ سلندر و وحده ٤ سلندر

[R I V A L]

امممممممممم

سؤال حلو

بس تعرف اللاند كروزر فئة g يعني استاندر
ليش عزمه وتسارعه افضل من جي اكس ار ؟؟؟

اخوي
هناك في اشياء لازم تاخذها بعين الاعتبار
مثلا المكينة والقير نفسسسسسسسسسسس الشي بالضبط
ولكن
السوح دايما اخف بسبب قلة الاكسسوارات
هناك عدة اشياء تجعل الفئة الاقل اخف واقوى عزما

منها الجنوط النوع المستخدم في الفئة الاقل تجده دائما حديد
اما الفئة الافخك يكون كروم وثقيل

وكذلك الاكسسوارات الداخليه والخارجية كالجناح والشد ووووو

يعني وزن السيارة الفئة الافخم تجده دائما ثقيل
بعكس السيارة الاقل فئة منها تجدها خفيفه لانها تفقتر للزينة والاكسسوارات

اتمنى تكون وضحت الفكرة

[فكوني]

Rival كفيت ووفيت وجواب معقول..بيض الله وجهك..اقلك انت كذا:good:

[عبقري91]

بس ال جي ال. تفرق عن. ال اكس ال. مجرد قزاز كهرب والازره للبيبان كهرب تماتيك والزقه الي ورا مكتوب اكس ال وهذي جي ال فقط
والي اشوفه من ٩٨ حتى ٢٠٠٢ المكينه وحده الا اذا مغيره المكينه. من اليابان. تجيبها الصناعيه القديمه قوة الي عندنا ٢٢٠٠ وقوة مكينه يابانيه ٢٠٠٠

[كاشت بالبر]

قزاز الكهرب والفتح والغلق أوتوماتيكيا بالريموت أو المفتاح ماله دخل

لكن فيه أشياء كثيره تخلي العزم يفرق .. حتى لو تقارن بين سيارتين نفس النوع و الموديل

مثلا تلقى واحد محافظ على الفلاتر نظيفه والبواجي يغيرها كل فتره معينه والزيوت محافظ عليها وعلى تغييرها و ضغط هواء الكفرات سليم ومناسب 30 ؛ والكلتش سليم

وتلقى مثلا واحد ثاني .. غير محافظ على نظافة الفلاتر و البواجي معدومه وتحتاج تغيير ؛ والزيوت ما يحافظ عليها وضغط هواء الكفرات نازل يعني مثلا 24 أو 22 و مركب جنوط اكبر وكفرات اعرض ؛ وكلتش متآكل أو محروق ........ طبيعي جدا يكون عزمها أقل

وخذها قاعدة كل ما كانت الجنوط أكبر ؛ وكل ما كانت الكفرات أعرض .... يقل العزم بسبب ثقل الجنوط وعرض الكفرات لكن في المقابل تزيد الرساوه ويزيد الثبات

وتمرين السياره له دور

نوع البنزين 95 و 91 له دور في بعض السيارات

و بالنسبه لتروس القير نعم لها دور بالعزم

بعض السيارات قيرها محشور وعزمها وتسارعها قوي قوي لكن تحن شوي

بعض السيارات قيرها غير محشور وعزمها وتسارعها أقل لكن الحنه أقل و الـ RPM ما يكون عالي جدا بالسرعات العاليه

وفيه فرق أيضا بالعزم بين القير العادي والأوتوماتيك ؛ لكن الأوتو مريح ولا تحس بالمشاوير ولا يتعبك بالزحمه

و عدد الركاب والعفش والخ... كل ما زاد عدد الركاب وتحميل العفش كل ما كانت السياره اثقل ويقل عزمها


أتمنى أني أفدتكم ولا تحرموني من دعائكم

[فكوني]

جزاااااااااااااااااااااااااكم اللهكل خير,ونور دروبكم