اكسدبيشن مكيفه صحراوي

[وجعين]

السلام عليكم ورحمة الله وبركاتة اخواني المكشاتيه عندي فورد اكسدبيشن 2006 تبريد مكيفه اقرب للمكيف الصحراوي هذا وهو واقف واذا مشيت قضبت خط فيه تحسن نوعا ماء الصراحه تفجأت لانه كان عندي جيب باترول قديم 1992توي بايعه تبريده ثلج بعز الضهر وسمعت من بعض الناس ان الاكسبديشن فيه عيب مصنعي بلكمبرسر ونه ضعيف من وكالته هل هذا صحيح وهل يوجد كمبرسر بديل له عسى من يفيدني بلموضوع يبرد عليه ربي بالدنيا والاخره:r::r:good:r اخوكم ولد شمر

[زياد علي]

شيك على الفريون+اذا كان مواصفات امريكي رهم له مروحة +غير فلتر المكيف تلقاه يكتم الهواء

[بدوي جنوبي]

فعلا تبريد الاكسبديشن ضعيف شوي انا عندى 2012
يقل التبريد عند الوقوف الطويل

[أبو هشام راشد]

فعلا تبريد الاكسبديشن ضعيف شوي انا عندى 2012
يقل التبريد عند الوقوف الطويل

عندي كذلك ودون المأمول
لكن ألا ترى فيه خلل مصنعي كحال المساعدات وربلات النوافذ

[مسير عليكم]

للاسف هذا عيب الاكسبدشن 2006 دايمن يشتكون من المكيف
اخوي شيك علي الفريون يمكن ناقص وتاكد من ان فريونك امريكي اصلي لان السوق اغلبه مضروب وصيني

[mr_tariq]

السﻻم عليكم

فعﻻ يا اخوان انا اعاني من هالمشكلة حاليا
طبعا سيارتي 2007 ومع الوقت حسيت انه التبريد بدا يضعف لدرجة انه اذا السيارة واقفة ما يبرد نهائي
رحت شيكت على الفريون والفلتر والرديتر والبلوف وما بين معي شي
بعدها بفترة وعلى بداية الصيفية انحرق الكمبرسر والكلتش وانا واقف بالسيارة
طلبت كمبرسر جديد من الوكالة وﻻحظ الفني من خﻻل اختبار بسيط قبل التركيب انه ضغطه ضعيف
رجعت للوكالة باستبدله فقالو ﻻ بد يكون راكب على السيارة واذا كان فعﻻ ضعيف نبدله لك عندنا
فركبته وغيرت رديتر وفلتر وبلوف وتنظيف مواصير كامل وفعﻻ طلع التبريد ضعيف دخلته للوكاله بعد الفحص قالو السبب من كلتش المروحة
واستبدلناه و مغطوها خط طلع يبرد واضطريت اني استلم السيارة ﻻني تعطلت بدونها وكنت على وشك سفر ودفعت لهم 1500 قيمة كلتش مروحة مع التركيب وقيمة الفحص وقبلها دفعت 5000 قيمة كمبرسر كامل مع البلوف والرديتر وتعبية فريون اصلي 3 مرات وكل هذا ما يسوى التعب والمعاناه الي استمرت اسبوعين بين الورشة والوكالة
وحاليا المكيف يشتغل عندي صوت ودفع هواء بدون اي تبريد كشفت علية طلع الكمبرسر فيه ضعف واتضح انه مو امريكي مع اني شارية من الوكالة
وﻻ زال تحت الضمان وبعد كم يوم برجعه للوكالة

الي اتضح لي من كل المعاناه
انه معظم قطع الوكالة مجدده او صناعة استرالية واذا لقي الواحد قطع امريكية مستعملة فهي الافضل
الوكاله نظامها تعطلك يومين وثﻻثة وتوهمك انه عندها زحمة والصيانة فاضية ما فيها الا تغيير زيوت كل هذا عشان تمل وتستلم سيارتك
وانه نفس نظام تبريد المكيف في اﻻكسبدشن مرتبط بدعسة البنزين يعني نفس نظام المرسيدس واذا صرت واقف ما يبرد ﻻن الكمبرسر يفصل بسرعة

[وجعين]

والله ماقصرتوا ياشباب على التفاعل كنت ناوي اطقله كمبرسر وكاله لكن بعد كلام اخوي بدوي جنوبي 2012 ولا يبرد كذالك اخويmr_tariq وتجربته تركيب كمبرسر وكاله ولااستفاد شي كذالك ابو هشام وباقي الاخوان هونت مانيب مركب جديد لكن ياجماعة حق الفورد المركيز مايركب عليه لان تبريده ممتاز الي يقدر من الشباب يصور لنا كمبرسر الاكسدبيشن والفورد المركيز نكون ممتنين له لانه اذ كان الاختلاف بالمواصير والليات امره سهل وترهيمه بسيط كذالك اذا كانت المكره تختلف برضوه بسيط تغييره اما اذا كان الاختلاف بالقواعد فهذي يبيله شغل

[وجعين]

وين راعين الاكسدبشن وراعين الترهيم ياجماعه الموتر ما يزبن لسفرطويل مثل للعمره الا يالله امشي بلليل يعني خلاص تأكدت ان اللعيب مصنعي بلكمبرسر البارح شفت اخو موتري وتبريده نفس الشي ضعيف

[hamido]

دور برا اتوقع تلقى احسن من حق الوكاله