تقرير لفاح بسيط أهداء لمشرفنا المهندس عبدالله

[عاشق البحرE]

السلام عليكم و رحمه الله و بركاته ..



صباح / مساء الخير




المعذره لعدم تنزيل التقارير منذ مده .. مرات بسبب قله الصور و الفيديوهات و مرات بسبب الأنشغال و عدم التفرغ ..



اليوم جايب لكم تقرير بسيط لصيد لفاح او تشخيط قرب جزيرة أبوعلي الواقعه في بحر الجبيل الصناعيه ..


و هذا أهداء لمشرفنا الغالي و المتواضع المهندس عبدالله


تفاصيل التقرير :-



التاريخ : يوم الثلاثاء 03-09-2013 الموافق 27-10-1434
الوقت : من 9 الصباح الى 3:30 عصراً .
درجه الحراره : 32 الى 40
سرعه الرياح و اتجهاها : 13 الى 22 غربيه الى جنوبي غربيه
الأداوات : خيط 140 + 120 + ثقل 3 كيلو + عظمه بيضاء او ملعقه لماعه .
سرعه الطراد في الصيد : 10 الى 14 كم/ في الساعه .
نوع الصيد : خباط +سمك خضرة + ضلعه + تونه.
الحصيله : 25 كيلو و الحمد لله .







كما هو الحال اتفقت انا و صديقي العزيز أحمد على النزول بدري يوم الثلاثاء .. سكني بالدمام و طرادي بالجبيل الصناعيه اي تبعد عني قرابه 100 كم .. خرجنا بعد صلاة الفجر مباشره متوجهين الى الجبيل ..




بدايه الخروج من الدمام و هذا أحمد


http://im35.gulfup.com/kLGhW.jpg





و محدثكم .. ما شبعت من النوووم .. هههه


http://im35.gulfup.com/SxF7K.jpg





قضينا وقت لا يقل عن ساعتين في الطريق من فطوور و شراء الأكل و المشروبات ..


و هذا عند وصولنا للمرسى


http://im35.gulfup.com/vojdn.jpg


http://im35.gulfup.com/w2eOK.jpg




بعد الوصول للمرسي و بدأت رحله العذاب مع تعبيئه البنزين .. و هي أخذ السياره و تعبيه الجواليل ثم تعبيتها في خزان الطراد ..



بعد التصريح و تنزيل الطراد للبحر التقطت كم صوره .. و هذا تقريبا الساعه 8:30 و كانت الرطوبه عاليه .. بس ما يفكك نازلين نازلين .. ههه


http://im35.gulfup.com/Y2qxV.jpg



http://im35.gulfup.com/3ntTi.jpg



http://im35.gulfup.com/ddY7E.jpg








قطعنا مسافه ليست بسيطه و شويات شفنا الطيور هجووم .. العوومه موجوده يعني فيه لفاح ..


http://im35.gulfup.com/34Zj4.jpg


http://im35.gulfup.com/24Vs4.jpg



http://im35.gulfup.com/Nlpid.jpg


نزلنا ((الدرجه)) و هي الخيط الطويل مع وجوود ثقل بين كل 10 متر و نهايته عضمه او قفشه.. و ما توفقنا بأي سمكه ..


لفحنا قد نص ساعه الا و سلاح الحدوود جاينا و قال بعدوا عن المنطقه .. مع العلم انها منطقه مفتوحه و بعيده عن اليابس .. بس حكم القوي على الضعيف .. و قلنا له ابشر طال عمرك .. ههه


بعدنا مسافه طويله الى منطقه ظهر ابو علي و نزلنا الدرجه نطلب الرزق ..


و بعدها بنص ساعه شدت الدرجه ببدايه الخير ..


و هذا الفيديو لأول سمكه


NnOaX7e77Qo






و هذي سمكه الخضره عن قرب



http://im33.gulfup.com/Y4AhF.jpg




http://im33.gulfup.com/T1v0n.jpg




و بعدها ساعتين ما ضرب معنا اي شيئ .. و قفنا للصلاه و تابعنا ,,


و الحمد الله جات حيبيه القلب خباطه ( صغير الكنعد) ...


و هذا الفديو لسحبها




7cqQlrlQKQI




و بعدها جا الخير و طلع معنا عدد 7 خضره ..



شدت الدرجه بشي قوي و قالنا يا الله بالجعند .. و من شفته بدت تطلع فوق المويه و انا قايل انها مو جنعد هذي ضلعه .. و هذا فيديو سحبتها






WSeQxzEnm5E



جا بعدها سمكه خضره و أخر شيئ سحبنا تونه صغيره مره


http://im33.gulfup.com/RMbQA.jpg




و هذي بعض الصور للصيد




http://im33.gulfup.com/r2hgC.jpg




http://im33.gulfup.com/3aJUQ.jpg




http://im33.gulfup.com/PwwFN.jpg




http://im33.gulfup.com/QZ9uX.jpg






و بكذا بيكوم انتهى التقرير


يسعدني مروركم .. و تعليقكم يهمني و يشجعني و يزيدني فرحه و حماس ..

[صياد الخبر]

السلام عليكم

هلا وغلا ببوعبدالله

وحشتنا يا رجال ووحشتنا تقاريرك

يستاهل المهندس عبدالله المنصب الجديد وهو قدها والله ينفع به


حي ذا النبا

تقرير بأذن الله يبشر بالخير لبداية موسم

الله يرزقنا وياكم.

وبالتوفيق

والقادم احلى بأذن الله

وماننحمر

[كوبرا999]

ماشاء الله تبارك الله وتقرير جميل ومحصول فيه الخير والبركه وجعله بالعافيه

[بحريني والنعم]

فيه العافيه والله يرزقك الخير بإذن الله لكن ياالشيخ صيدك مايوصل 25 كيلو تقبل ردي بصدرن رحب

[ماسيوم]

ماشا الله تبارك الله بيض الله وجهك طلعه حلوه وتصوير طيب وصيد روعه عليكم الطلعه والصيد بالف عافيه اما من ناحيه العذاب والله في اغلب الشواطى ومراكز سلاح الحدود توجد معاناه من التحميل والتنزيل في الاغراض والتعبيه البنزين المواصلات تاخذ رسوم وما تقوم بأي خدمه للمتنزهين والصيادين انما الله يعين عليهم يعطيك العافيه وماقصرت ولاتطول علينا في مواضيعك المميزه تقبل تحيااااااااااااااااااااااااااتي..:good2::good2:

[العامري]

ماشاء الله عليكم تستاهلون الله يزيدكم

[أبو أشجان]

السلام عليكم و رحمة الله وبركاته
:s أسعد الله صباحك :s
ما شاء الله صيد و لا أروع ورحله ممتعه :good2:
لا تحرمنا من جديدك

[م/عبدالله]

اهداء اعتز فيه يا وجه الخير
شوقتنا للبحر الله يبارك فيك
تقرير رائع .. يحرك الرغبه للقارب والجلب
الف شكر وتحيه لك ولصحبك

[قارب الحجاز]

وعليكم السلام ورحمه الله وبركاته
ما شاء الله تبارك الرحمن
صييييييد ممتاز جدآ
عليكم بالعافيه
تحياتي

[دابوي]

ما شاء الله صيد طيب تستاهل كل خير ابو عبدالله تقرير كافي ووافي بالتوفيق بالدشات الجاية وفالكم ام راس

[ذوالجناح7]

مــــا شـــاء الله عليك بوعبدالله


صبور ومكااااافح


الكنعد الكبير يطلع معااااي :D


من زمااان عن الطراد واللفاح


تصدق أمس فلت من يدي هااامور بو12 كيلو قطع الخيط قبل لا أجيبه بالمنتب :looney: ( سيف )


بلغ سلام حق أحمد والشباب

[ابو حسان اسحق]

اللهم صلي على محمد عيشتني الجو والرحلة الله يجعله بالعافية والهناء وتحياتي

[( ابو سدين )]

ما شاء الله تقرير رائع و صيد وفير
عليكم بالف عافيه

[ابوحسام الاول]

وعليكم السلام ورحمة الله وبركاته
ماشاالله تبارك الله تقرير رائع وصيد جميل ووفير بالصحه العافيه تقبل مروري

[aglanco]

تستاهل كل خير

[عاشق البحرE]

السلام عليكم



هلا وغلا ببوعبدالله


وحشتنا يا رجال ووحشتنا تقاريرك


يستاهل المهندس عبدالله المنصب الجديد وهو قدها والله ينفع به



حي ذا النبا


تقرير بأذن الله يبشر بالخير لبداية موسم


الله يرزقنا وياكم.


وبالتوفيق


والقادم احلى بأذن الله



وماننحمر




ابو عبدالله العين ما تعلى على الحاجب ,,

اسعدني مرورك و مشكوور على الأطراء الرائع ,,

هذا بدايه موسم اللفاح و الله يرزقنا بالكنعد العوود بالطلعات القادمه ,,

و هذا الموسم لازم تجينا ببحر الجبيل و ننزل تقرير سوا ..

و لا تحرمنا من هالطله الجميله ..

[عاشق البحرE]

ماشاء الله تبارك الله وتقرير جميل ومحصول فيه الخير والبركه وجعله بالعافيه





نورتني أخوي كوبرا بمروك الجميل ..


ربي يطرح لك في رزقك البركه و العافيه ..


و لا تحرمنا من هالطله الجميله ..

[عاشق البحرE]

فيه العافيه والله يرزقك الخير بإذن الله لكن ياالشيخ صيدك مايوصل 25 كيلو تقبل ردي بصدرن رحب




الله يعافيك أخوي بحريني و ثلاثه انعام .. و هلا و مسهلا بأهلنا و جيرنا اهل البحرين الطيبين ..


صيدي انا وزنته بالثلج نسيت معليش ... كان معنا واحد في الطراد و نسيت اقول انه انت ... ههه

لا تزعل زله صبع و تراني عدلت التقرير اكثر من مره و جلا من لا يسهوو .. الوزن 15 كليو و اذا ما أعجبك الوزن راح احط وزن أقل .. انت تامر بس اخوي ,,

و لا تحرمنا من هالطله الجميله و التدقيق الرائع ..

[عاشق البحرE]

ماشا الله تبارك الله بيض الله وجهك طلعه حلوه وتصوير طيب وصيد روعه عليكم الطلعه والصيد بالف عافيه اما من ناحيه العذاب والله في اغلب الشواطى ومراكز سلاح الحدود توجد معاناه من التحميل والتنزيل في الاغراض والتعبيه البنزين المواصلات تاخذ رسوم وما تقوم بأي خدمه للمتنزهين والصيادين انما الله يعين عليهم يعطيك العافيه وماقصرت ولاتطول علينا في مواضيعك المميزه تقبل تحيااااااااااااااااااااااااااتي..:good2::good2:




هلا و الله بالغالي مسيووم ..

اسعدني مرورك الرائع و أطرائك الجميل ..

عذابنا مع تعبيه البنزين و متطلبات سلاح الحدود .. بس حكم القوي ..

لا تحرمنا من هالطله الكريمه و الجميله ..

[@ بحار مجيرمة @]

ماشاء الله


حي الله ابو عبدالله راعي العلوم الزينة


يستاهل م / عبدالله الاهداء ماجاء منك قصور


هذه التقارير اللي تحرك الخيمة الله يعطيك العافية


يازين التسحيب يطربك الله لا يضرك


اسال الله يوفقك في موسم الكنعد بخير وفير


عاد لاتنسى النوخدة صياد الخبر ( ابو عبدالله)


كلكم راعين بحر مع تمناتي لكم بالتوفيق



تحياتي وتقديري لشخصك الكريم

[أبو فيء]

وعليكم السلام ورحمة الله وبركاته
ماشاء الله تبارك الله ..
صيد طيب وأحجام حلوة ..
ورحلة ممتعه ..

دمت بود

[ABO ZAIN 29]

ماشاء الله
تقرير راائع
مؤفق خير يا جميل
وننتظر جديدك

[أبوحافظ]

ما شاء الله تبارك الله

من طول الغيبات جاب الغنايم

وكعادتك يابوعبدالله تسعدنا بتقاريرك الرائعه

وصيدك الاجمل

بالصوت والصوره والشرح الوافي والكافي

اشكرك على جهودك الرائعه في المنتدى

ولا تطول علينا

تقبل تحياتي وتقديري

[i-ALGHAMDI]

يعطيك العافيه
وجمل الله حالك

حليلنا حنا يلي ما ندخل الا بجوالاتنا
ما نقدر نشوف المقاطع

انا حزنت على نفسي
وانت ما حزنت وتنزل لنا رابط مباشر ؟

الله يسعدك ويوفقك

[الرحموني]

ماشاء الله تبارك الله لاقوة الا بالله

صيد طيب من صحبه اطيب

جزل وفاخر يملى العين

لاهنت وبيض الله وجهك ولا تحرمنا جديدك

[عاشق البحرE]

ماشاء الله عليكم تستاهلون الله يزيدكم





الله يسلمك أخوي العامري ,,

و مشكوور على المرور اللطيف ..

تستاهل الطيب .. و ربي يعطيك و يزيدك .,.

[عاشق البحرE]

السلام عليكم و رحمة الله وبركاته

:s أسعد الله صباحك :s
ما شاء الله صيد و لا أروع ورحله ممتعه :good2:

لا تحرمنا من جديدك




نورتني و شرفتني بمرورك الرائع أخوي أبو أشجان ..

و مشكوور على الأطراء الجميل ..

و ردوركم هي اللي تعطينا الدافع لتقرير اضخم ..

لا تحرمني من هالطله الكريمه ..

[عاشق البحرE]

اهداء اعتز فيه يا وجه الخير
شوقتنا للبحر الله يبارك فيك
تقرير رائع .. يحرك الرغبه للقارب والجلب
الف شكر وتحيه لك ولصحبك




يا هلا و مسهلا بمشرفنا الغالي و الأنسان المتواضع ابو محمد ..

على راسي و تستاهل أكثر ..

نورني مرورك الكريم و الرائع ..

و لا تحرمنا من ردودك التشجعيه و الحماسيه ..

[عاشق البحرE]

وعليكم السلام ورحمه الله وبركاته

ما شاء الله تبارك الرحمن
صييييييد ممتاز جدآ
عليكم بالعافيه

تحياتي





هلا بك أخوي قارب الحجاز ..

شرفني مرورك و ردك الرائع ..

يعافيك و يعطيك على قد نيتك ..

لا تحرمني من روعه ردودك ..

[عاشق البحرE]

ما شاء الله صيد طيب تستاهل كل خير ابو عبدالله تقرير كافي ووافي بالتوفيق بالدشات الجاية وفالكم ام راس




هلا و الله بأخوي النوخذه ابو عبدالله ..

اسعدني مرورك و أطرائك .. و العين ما تعلى على الحاجب ..

ان شاء الله الموسم هذا بيكون خير للجميع ..

لا تحرمني من روعه ردودك و تشجيعك ..

[عاشق البحرE]

مــــا شـــاء الله عليك بوعبدالله



صبور ومكااااافح


الكنعد الكبير يطلع معااااي :D


من زمااان عن الطراد واللفاح


تصدق أمس فلت من يدي هااامور بو12 كيلو قطع الخيط قبل لا أجيبه بالمنتب :looney: ( سيف )



بلغ سلام حق أحمد والشباب




هلا و الله بشعله المنتدى ابو حبيب ..

شرفني و أسعدني مرورك في التقرير ..

الصبر مطللوب و خصوصا باللفاح ..

راح عليك هاموور عوود .. ان شاء الله بعوضك بأحسن منه ..

سلامك و بلغته للشباب .. و ان شاء الله نشوفك عن قريب ..

[accentkool]

ماشا ءالله تبااارك الله
تقرير جدا راااائع
وووورحلة موفقة
ويستاااهل المهندس عبدالله كل خير
والصيد ابداااع
عليكم بالف عافية

[عاشق البحرE]

اللهم صلي على محمد عيشتني الجو والرحلة الله يجعله بالعافية والهناء وتحياتي





منووور أخوي أبو حسان ..

مشكوور على الأطراء الجميل ..

و ربي يعافيك و يرزقك من فضله ..

[عاشق البحرE]

ما شاء الله تقرير رائع و صيد وفير


عليكم بالف عافيه




هلا و الله بالنوخذه ابو سدين ..

شرفني مرورك و تعليقك و تشجيعك ..

لا تحرمني من هالطله الجميله ..

[عاشق البحرE]

وعليكم السلام ورحمة الله وبركاته


ماشاالله تبارك الله تقرير رائع وصيد جميل ووفير بالصحه العافيه تقبل مروري




هلا بك ابو حسام ..

نورني مرورك و اسمك مو غريب علي .. انت سمير اذا ما خاب ظني ..

لا تحرمني من هالطله الجميله ..

[عاشق البحرE]

تستاهل كل خير






منور أخوي aglanco ..

تستاهل الطيبه يا وجه الخير ..

[عاشق البحرE]

ماشاء الله



حي الله ابو عبدالله راعي العلوم الزينة


يستاهل م / عبدالله الاهداء ماجاء منك قصور


هذه التقارير اللي تحرك الخيمة الله يعطيك العافية


يازين التسحيب يطربك الله لا يضرك


اسال الله يوفقك في موسم الكنعد بخير وفير


عاد لاتنسى النوخدة صياد الخبر ( ابو عبدالله)


كلكم راعين بحر مع تمناتي لكم بالتوفيق




تحياتي وتقديري لشخصك الكريم





هلا و الله بشمعه المنتدى بحار مجيرمه ..

نورت الموضوع بمرورك الرائع و الكريم ..

و شرفني تعليقك في موضوع و مشكور على التشجيع و الأطراء ..

الله يكتب لنا و يكون و يكون هذا الموسم طيب ..

بالنسبه لأخوي ابو عبدالله ( صياد الخبر ) هذا اخ عزيز و بأذن الله السنه هذي ننزل تقرير مع بعض ..

لا تحرمني من هالردود الجميله و التشجيع الرائع ..

[عاشق البحرE]

وعليكم السلام ورحمة الله وبركاته
ماشاء الله تبارك الله ..
صيد طيب وأحجام حلوة ..
ورحلة ممتعه ..

دمت بود



هلا بك اخو يالغالي أبو فيء ..

شرفني مرورك و تعليقك الرائع ..

مشكوور على الأطراء الجميل و ربي يعافيك ..

[عاشق البحرE]

ماشاء الله

تقرير راائع
مؤفق خير يا جميل

وننتظر جديدك




حياك الله أخوي ابو زين ..

نورني مرورك الرائع ..

ربي يعافيك و يرزقك من فضله ..

لا تحرمني من طلتك الجميله في التقارير .

[عاشق البحرE]

ما شاء الله تبارك الله



من طول الغيبات جاب الغنايم


وكعادتك يابوعبدالله تسعدنا بتقاريرك الرائعه


وصيدك الاجمل


بالصوت والصوره والشرح الوافي والكافي


اشكرك على جهودك الرائعه في المنتدى


ولا تطول علينا



تقبل تحياتي وتقديري




هلا و غلا و مسهلا بالخبير اخوي ابو حافظ ..

ردودك دايم تثلج الصدر و تفرحني ..

ربي يكتب لك كل خير و مسره و يعطيك على نيتيك الطيبه ..

مشكوور كثير على الأطراء الجميل و الكلامات التشجيعيه ..

و لا تحرمني من طلتك الكريمه في التقارير ..

[عاشق البحرE]

يعطيك العافيه
وجمل الله حالك

حليلنا حنا يلي ما ندخل الا بجوالاتنا
ما نقدر نشوف المقاطع

انا حزنت على نفسي
وانت ما حزنت وتنزل لنا رابط مباشر ؟

الله يسعدك ويوفقك



هلا و الله و مسهلا بأخوي الغامدي ..

منور بمرورك و تعليقك الجميل .,..

بالنسبه لتصفح المنتدى افضل يكون على الكمبيوتر ..

و الرابط لو ما افتحت معاك على الجوال .. ادخل مباشره الاى اليوتوب و سجل عنوان المقطع بس ..

الله يسعدك و يعطيك مرادك ..

[عاشق البحرE]

ماشاء الله تبارك الله لاقوة الا بالله



صيد طيب من صحبه اطيب


جزل وفاخر يملى العين



لاهنت وبيض الله وجهك ولا تحرمنا جديدك





هلا و غلا بأخوي ابو يوسف ..

نورت التقرير و شرفني مرورك الرائع ..

مشكوور على الأطراء الأكثر من رائع ..

و الله يقدرني و أنزل تقارير أجمل و أفضل ..
لا تحرمني من هالطله الجميله ..

[عاشق البحرE]

ماشا ءالله تبااارك الله

تقرير جدا راااائع
وووورحلة موفقة
ويستاااهل المهندس عبدالله كل خير
والصيد ابداااع

عليكم بالف عافية





حياك أخوي المتألق اكسنت كوول ..

نورت التقرير بردك الرائع ..

مشكوور على الاطراء ..

لا تحرمني من طلتك الجميله ..

[متواضع2000]

تستاهلون الصيد الطيب ويستاهل المهندس عبدالله

ماشاء الله عليك هذا وانت ما نمت تمام كيف عاد لو اخذ راحت في النوم

بالتوفيق

[عاشق البحرE]

تستاهلون الصيد الطيب ويستاهل المهندس عبدالله

ماشاء الله عليك هذا وانت ما نمت تمام كيف عاد لو اخذ راحت في النوم

بالتوفيق



هلا بك أخوي متواضع ,.,.

شرفني و أسعدني مرورك الجميل في التقرير ..

البحر أدمان غير طبيعي .. و الله يسخر لطاعته و الأبتعاد عن المعاصي ..

لا تحرمنا من مرورك الرائع ..

[بحر الكلام999]

ظهر ابو علي السمك هناك احجام عملاقه سواء لفاح او حداق السمك مايوقف لكن مشكلتها المنطقه خطيره ويبي لها حذر ... بالعافيه الصيد

[محمد المصباحي]

مشاء الله تبارك الله تقرير ولا اروع وصيد جيد عليك بالف عافيه

[abo 3bdallah]

مشاءالله تبارك الله عليكم بالعافيه تقرير مرتب