هذا اللي مانبيه

[الستانس]

أحبتي زوار وأعضاء منتدى مكشات هذا اللي مانبيه مازال يصير
سبحان الله بعض البشر ربي يعطيه منظر الشهم وهذي افعاله
مالفائدة من قتل هذا الطير الجارح

https://www.keek.com/awadh342/keeks/9Gxhdab#u5Hgdab

[رفيق الأمل]

لا حول ولا قوة بالله
هذا طائر جارح في موطنه لا يؤذي ولا يسبب ازعاجات فقتله هل سيجد منفعه
اجد قلة الوعي لمن يملكون سلاح ناري او هوائي من قتل بدون تركيز او تفكير
لكن الحساب بيد الله عز وجل

[عبدالرحمن بن ذياب]

هذي توكل يا طويل العمر ...
وأقول هالكلام وانقله عن أحد مشرفين في منتديات مكشات
يقول و الله يصبحه بالخير و من يقرا
لا جينا قانصين و جا الموسم نلاقي هالعقبان و الحقبيات منتف ريشها و مقطعة روسها وارجولها
قلت وش العلم قال ناس الله لا يبلانا تاكل كل شئ .... ياكلون عقبان قال والله انهم ياكلونها
هذا بلاء و مصيبه وأن كان ما قتل هالحقبي إلا عبث فجزاته عند رب العالمين

[جول قميري]

هالبزر ذا بس يبي يرمي ويصور ويهايط
الله يشوفه يقول ذابح اسد بسكين...

الله يفكنا من هالعقليات..

[حسـام]

- لعل من الجانب الأيجابي في المقطع
هو تركهم له بعد قنصة
ويبدو أنهم لم يعرفون الطير الا بعد قنصة
لذلك تركوه بدون أكل لانة لايؤكل
واما قتله لمجرد القتل فهذا شيءً مرفوظ ولا نقبل مثل هذا الفعل
- أما بخصوص ماذكره الأخ عبد الرحمن فهو وارد جدًا
ولاكن أستبعد أن يكونون سعوديين على مذهب أهل السنة والجماعة .
وأن كانو كذلك فينبغي التنبيه والتوضيح لهم .

[ولد وايل 2010]

اللهم عافانا من ابتليتهم

الله يصلح نياتنا وذرياتنا

[أبوسليمان السهر]

يا زين البر ليا طلعت
وتسمع أصوات الطيور حولك
لكن بر لا حس ولا تحليق طيور ماله طعم
وش استفاد قتله وصور معه؟