عزم الجيب معاد مثله اول؟

[عمر مقبل]

السلام عليكم ورحمة الله وبركاته..وبعد
عندي جيب موديل 97 تايوتا صالون بخاخ قير عادي عزمه من اول اذا دعست بانزين يفز بسرعه .وبعد مايغرت البواجي واسلاك البواجي والصفايه وطرمبة
البانزين ونظفت البخاخات ووزنت الديلكو تغير عزمه واذا دعست معاد مثله من اول مايفز بطئ في السرعة ويستهلك وقود زيادة علما بان جميع قطع الغيار اصلي وكالة ووزنت الديلكو اكثر من مره بجهاز الكشاف على رقم 3
وعداد ضغط المكينه تحت الواحد بشرطتين وفحصت منظم الهواء حيث اني اذا فصلت الفيش تطفي السياره بس مدري هو عطلان ام شغال على كذا.



ارجوا من اﻻخوان وهل الخبره من مرت عليه مثل هذه الحالة ان يفيدنا عن الحل او يوجهني الى اقرب ورشه متخصصة في هذا المجال.
الموقع الرياض.
وشكرا لكم جميعا زوار وأعضاء ومشرفين و مراقبين. والاننسى ادارة هذا المنتدى فلهم منا كل الاحترام والتقدير.

[غيره بلاحدود]

انت بنفسك فك البواجي ووشوفها لايكون عليها زيت العزم مايبيله العزم على قوة احتراق البانزين مع شرارة البوجي اذا سليمه البواجي ماعليها زيوت روح لكهربائي

[عمر مقبل]

غيره بالاحدود
شكراً لك على سرعة الرد. وأن شاء الله نجرب كلامك .علماً بأن السيارة ماتنقص الزيت وﻻ يطلع منها دخان .ننتظر باقي الإخوان.

[الجوكر حسن]

وعليكم السلام

ليه تخليه يوزن الديلكو يبي له واحد مهندس صح له اي خطاء في وزن الديلكو يضعف عزمه سمعته من واحد عن كلامه

والي فكيت البواجي الاولات وش هن كم راس

وابي اسالك ليه غيرت اسلاك البواجي والصفايه والطرمبه مادام عزمه اول حلو

يوم تنظف تنظيف البخاخات بيدهم ولا بجهاز

المحل الي وديته له ارجع له قله صار كذا وكذا ليه شف وش يقولك عشان هو الي دبر فيه

انا معي فكسار 98 مره رحت لم اندونيسيين نظفو البخاخات في جهاز وركبت فلتر البنزين كان الاول في وصاخ وغير 3 كويل حقات البواجي وركبت بواجي ابو راسين والحمد الله ماتغير شي
و اسلاك بواجي ماسويت فيهن شي ولا سويت وزن ديلكو

[عمر مقبل]

حياك الله أخوي الجوكر حسن وشكراً لك على سرعة الرد.
نعم اخوى السياره كان فيها تفتفه وتقطيع من اول وسويت لها فحص بالجهاز وقال غير اﻻسلاك والبواجي والصفايه ويوجد ضعف في طرمبة البانزين ووزن ديلكو وتنظيف بخاخات .وعلمت الى قال. اما من جهة تنظيف البخاخات المكانيكي نظفهن بيده في منظف اس ديلكو ابو 15ريال وبانزين
اما البوجي حقت وكالة وهي راس واحد وشكراً لك مجدداً. وننتظر باقي الإخوان

[ابوحفصه]

مشكلتك والله اعلم في وزن الديلكو ادا انت متاكد ان البواجي للبخاخ لن يجي منة كلبيلتر وتختلف بواجية

[الجوكر حسن]

طيب يا الغالي مادام فيها تقطيع بس يمكن شي بسيط

انا قبل كان موتري فكسار 98 كان مافي عزم يقطع

وديته لم كهربائي قالي لازم فحص كمبيوتر وخليته ورحت لم ورشه قالو لي لازم فحص كمبيوتر وفي سعودي الله يجزاه خيرر سمع سالفتي وانا اكلم الهندي وقالي رح لم واحد وصفلي له كهربائي سوري ورحت لمه قالي خل الموتر عندي افحصه لك واضبطه يوم جيته بكرا ضبطه قلت وش لقيت قالي في كويل واحد محترق خربان وركبت لك واحد مستعمل نظيف والحمد الله ضبط

الله يوفقك

[عمر مقبل]

شكرا لك اخوي الجوكر