المساعد الشخصي الرقمي

مشاهدة النسخة كاملة : حراره بالموتر / جيب باترول 95


hail_ksa
11/09/2013, 03:24 PM
السلام عليكم ورحمة الله وبركاته ..

بالشتاء الماضي غيرت تماتيك المروحه أصلي وكاله
وكانت الحراره أيام البرد طبيعية جداً على الخط الأول ماتتحرك


لكن من يوم جاء الصيف الموتر صار جمره بالمشاوير القريبه والبعيده
إذا مشيت الحراره توصل ربع وأحيان فوق الربع بشوي (لاتركز هنا)
وأنا واقف ومشغل المكيف تشوف بعينك الأمبير يرتفع خلال دقايق ويوصل النص ولو تركته يمكن يآصل H
المهم إذا وصل النص مشيت عليه .. وعلى هالحال إذا كنت واقف .. وإذا مشيت نزلت الحراره والجيب له حنه وثقل


طبعاً الحراره ماكان يشكي منها الموتر أيام التماتيك الأول اللي كان عطلان ومايفصل .. والموتر مارحت عليه ولاتعطل والماء أشيك عليه دايم


الأديتر أردني أصلي جديد والماء حطيت متسوبيشي وحطيت ماء مكاين زراعيه :D نفس الحال الحراره ترتفع إذا تركت الموتر واقف .. شلت البلف نفس الحال


هل يمكن أن تكون المشكله من التماتيك مع أنه أصلي وجديد ؟؟
فتك الاسطوره
11/09/2013, 04:38 PM
اخوي ركب مراوح كهرب او شيك علئ الراديتر يمكن يبي تسييخ
hail_ksa
11/09/2013, 05:02 PM
اخوي ركب مراوح كهرب او شيك علئ الراديتر يمكن يبي تسييخ


بارك الله فيك أخوي
الراديتر جديد


مراوح الكهرب بخليها آخر الحلول إذا مالقيت حل غير مكلف
حطاب الشمال
11/09/2013, 05:09 PM
اكيد تمتيك المروحه

ولاتا خذه الا من الوكاله لان اكثر القطع اللي في السوق


تجاري تجي من دبي خاصه النيسان
sgl2002
11/09/2013, 11:09 PM
مراوح كهرب ليست حل

بالعكس بتصير وانت واقف ماترتفع واذا دعست ترتفع
حاميش
12/09/2013, 01:19 AM
الرديتر الأردني سئ
الرديتر الصيني ( الألمنيوم ) أفضل منه بكثير
الحرارة لها أسباب وأسباب
أحيانن تنسيم في القزوز يرفع الحرارة
غطأ رديتر يرفع الحرارة
بلف الحرارة إذا تعطل يرفع الحرارة
الديلكو إذا ماهو موزون مضبوط ترتفع الحرارة
رأس المكينة إذا فيه شعر يرفع الحرارة
تماتيك المروحة إذا فيه خلل يرفع الحرارة
ولكن شيك من الأسهل إلى الأصعب والله يكون بعونك وخبرنا بما يستجد معك
شاص نيسان 93
12/09/2013, 06:12 AM
ركب مراوح كهرب وانس الحراره
وسيع البنايد
12/09/2013, 06:20 AM
اذا موية الرديتر تنقص لو شي بسيط ويفور الرديتر مع الحراره وقبلها تحصل الخرطوش محجر وتقول بينفجر فاكيد المشكله من طرمبة الماء تدخل هوا على الرديتر
ابغى منك قبل ما تغيرها تودي الموتر لاكثر من ميكانيكي واكثر من ورشه خلهم يشيكون طرمبة الماء وشوف كلامهم
قيمتها في قطع الغيار حدود 500 ريال وشغلها 100 ريال
الله ييسر امرك
nayf01
12/09/2013, 06:34 AM
فيه ما صورة حقت تبريد قريب من القزوز اخرها لي تجدها مسكره
يذكرونها اشباب
رقم 1
12/09/2013, 11:59 AM
غير الحساس حق الحرارة اصلي فقط
رقم 1
12/09/2013, 11:59 AM
اول شي غير الحساس نصيحه
شلشكو2011
12/09/2013, 01:06 PM
الحل انت جبته بنفسك .!!تقول يوم التماتيك الاول مركب ماترتفع الحراره .. يعني انت غيرته وصارت المشكله .!!
مركز حراره
13/09/2013, 11:11 AM
اخوي بدون خساير ركب مراوح وعلى الضمان اذمازان 100%لاتحاسب يعني مافيه خساره ابد انا اضمن لك
شقردي ثاني
13/09/2013, 11:12 AM
اذا جا الصيف رجع التماتيك القديم الي تقول ما يفصل
واذا جاك الشتاء رجع الجديد
وبالنسبة للحرارة إلى النصف طبيعي

لكن هل تأكدت من التماتيك الجديد هل هو يقوم بتسريع المروحة اذا ارتفعت الحرارة أو يبقى على نفس السرعة اذا هو لا يقوم بتغيير السرعة فهذا هو السبب ووإذا هو يغير السرعة للسريع فتأكد من دينموا المروحة يمكن يكون ضعيف من اصل يعني حتى لو تحول للسريع يكون السريع فيه أبطأ من الأصل
وإذا فيه مروحة ثانية فتأكد هل هي تعمل او متعطلة
خارج النص
14/09/2013, 02:45 AM
السلام عليكم

اخوي سؤالين بس
هل المويه تطلع مع القرب اذا تعدى الربع
وهل التماتيك من الموزعين او من الوكاله نفسها



موديله 95 صحيح