من تعامل مع الكاسر لبيع الاجهزة اللاسلكية ببريدة ؟؟؟

[نوخذة الصحراء]

السلام عليكم ورحمة الله وبركاتة .... قدر لي التعامل مع محل الكاسر لبيع الاجهزة اللاسلكيه فوجدت اسعاره مرتفعه قياسا على غيره مايهم المهم في الموضوع صاحب المحل انا استغرب يتعامل مع الشخص بغرور وفوقيه وغطرسه ولم احكم عليه من اول مره لا بل في كل مره ادخل عليه نفس التعامل والغرور سئلت صديق تعامل معاه فقال
لي توك تعرفه؟ تملكني العجب فكي لا اظلمه هل فيه احد تعامل معاه وشعر نفس شعوري او انا حساس بزيادة ولكم جزيل الشكر

[الحسام79]

اللي اعرفه عن الكاسر ان اجهزته اصلية وتركيب ممتاز .
اما بخصوص التعامل الشخصي ماقد قابلته ويمكن هذا طبعه , وانت بالنهاية يهمك
تاخذ مطلوبك فقط.

[روح الشمال9]

......... دنيا غريبه الانسان اذا رزقه الله يقول اللحمد الله

[ابوحسام9]

ياخوي انا رحت يمهم قبل شهر ونصف وكانت هي الزيارة الاولى وبغيت اشتري ريشة جهاز ايكوم وقالي ايش النوع الي تبغى قلت ريشة ابو غطا ايقال لها ام برقع المهم قال ماهي موجودة قال لاكن عندي افضل منها بواجد قلت طيب وش نوعها قالي الريشة البليسية قعد يمدحلي فيها كأن لم يصنع غيرها المهم شريتها طبعا استخدامي للجهاز قليل جدا وقبل كم يوم رحت للبر وراسلت واحد من اخوياي بالبر وما قدرت اراسلة تعلق الريشة وبغت تحرق الجهازعلي ولاكن الله ستر طبعا شريتها من محل الكاسر 330ريال وقبل كم يوم رحت لمحل يبيع قطع الايكوم ولقيت نفس الريشة بالضبط ولاكن تفاجأت بالسعر 190ريال الفرق شاسع واترك لكم الحكم

[صافي النيه]

فعلا الكاسر اجهزه وقطع غيار مرتفعه وتعامل سئ يعاملك بغرور وكأنه متفضل عليك هذا ماعرفه عنه والله كان محل الاقمار وهم هنود تعامل راقي جداً وينصح لك بالافضل فالعميل يريد الكلمه الطيبه والتعامل الراقي والله اما تعرفت على محل الكاسر فرحت ان البائع سعودي ومتخصص في هذه الاجهزه لكي يدلك على الافضل لكن خساره طلع العكس والانسان الزم ماعليه سمعته فاتمنى من يعرفه بصفه شخصيه ان يدله على مايلاحظه الزبائن من تعالي وغرور

[أبو عقيل النجدي]

للأسف الكاسر تعامله جداً سيء بشكل استفزازي
لم اجد محل لاسلكي يبيع بطريقة تماثله بالسوء
وأمثال هؤلاء يجب أن يقاطعوا

المصيبة العظمى هي الغلاء الفاحش عند الكاسر تكاد لا تجد قطعة عنده إلا تكون هي الأعلى سعراً بالسوق وهذا شيء عجيب

[مدهوش]

اللي اعرفه عن الكاسر ان اجهزته اصلية وتركيب ممتاز .
اما بخصوص التعامل الشخصي ماقد قابلته ويمكن هذا طبعه , وانت بالنهاية يهمك
تاخذ مطلوبك فقط.

خشمك يالذيب ....

ليس لي مصلحة من مدح او ذم الرجال ولكن انت لك مطلوبك خذه وتوكل على الله .. وبخصوص هالموضوع فقد كلفت نفسك وفتحت نافذة جديدة وموضوع جديد وكلن يبي يدلي بدلوه هذا يسب وهذا يمدح وبالأخير انت من تتحمل وزر كل من تكلم عنه .

نصيحه لك ولغيرك (متى ما كان عندك مشكلة مع شخص خلك جريء وقابله وجهآ لوجه وعطه اللي عندك وخذ اللي عنده) بالتوفيق ....

[ابو فارس66]

روى البخاري و ابن ماجة عن جابر بن عبد الله رضي الله عنهما أن رسول الله صلى الله عليه وسلم قال: (رحم الله عبداً سمحاً إذا باع، سمحاً إذا اشترى، سمحاً إذا اقتضى). فالسماحة في البيع والشراء هدي نبوي تربوي فيه خير كثير، تربى عليه صحابة رسول الله صلى الله عليه وسلم ومن اقتفى أثرهم.. انتهى

الي يقول وش دخلك بتعامله . اساس البيع التعامل . اذا قابلني بوجه بشوش وسمح وحط لي القمر بيد والشمس بيد بدون غش واخذ الي بمخباي ماقلت شي .

بس واحد يقابلني بوجه عبوس تقل متفضل علي بالبيع ولا احد غاصبه يبيع علي ويتعامل معي عفت الشراء من عنده ...

[نوخذة الصحراء]

للأسف الكاسر تعامله جداً سيء بشكل استفزازي
لم اجد محل لاسلكي يبيع بطريقة تماثله بالسوء
وأمثال هؤلاء يجب أن يقاطعوا

المصيبة العظمى هي الغلاء الفاحش عند الكاسر تكاد لا تجد قطعة عنده إلا تكون هي الأعلى سعراً بالسوق وهذا شيء عجيب

هذا ماقصدته في بداية كلامي فانا لم اتطرق للاسعار تطرقت للمعامله حتى اني ظننت انني انا حساس بزياده فافعلا تعامله استفزازي لذلك طرحت الموضوع لاعرف هل يحس من تعامل معاه بنفس ما احس به انا ؟ وصدق احساسي . فرحم الله عبدا سمحاً اذا باع سماحاً اذا اشترى ونحن لانريد الا التعامل الطيب والنفس الزينه واتمنى ان يصله الموضوع ويرى انطباع العملاء عنه فيغير معاملته . والله من وراء القصد

[حزم نجد]

رحت خمس مرات تقريبا تعامله عادي جدا يمكن كلامه كثير لكن هو يشوف انها معلومات ويحب يتكلم عنها

العيب الي شفته بالمحل سعره غالي والايكوم 8000 اذكر وصل سعره 2300ريال

مميزاته يجيب ارايل اصليه لكن غاليه جدا

[متميز2010]

مساء الخير اخوي
بصراحة انا تعاملت مع محل الكاسر بصراحه هو غالي مره والمشكلة مو ارتفاع سعره لاكن البضاعه ماتسوي السعر حتي لو تعامله بعد البيع كويس كان مو مشكله اشري الشي وانا مرتاح بس الرجال اذا طلعت من الباب لان تاخذ منه حق او باطل...
نصيحه اذا كنت تبي تشري منه لاتشتري الي شي تعرفه انت لاتسال صاحب المحل وش الزين عشان وبكل امانه والله يشهدا علي تري ماراح ينصح لك لان جربته اهم شي يمشي بضاعه واخر شي يفكر فيه الزبون والمفروض العكس لان هذي سمعت محل...

[ابو الجوري3]

لايدخل الجنه من كان في قلبه مثقال ذره من كبر
ويارجال النفس معزوزه بالله اسحب عليه وعلى اجهزته ووص الشباب الي بيروحون للرياض يجيبولك من هناك وكان الله غفورا رحيم...

[تساهيل1]

وراكم على الرجال قطعتوه

ترا هذي غيبه ونميمه وماتجوز حافظو على حسناتكم تراكم بحاجتها

عجبكم الرجال تعاملو معه ماعجبكم روحو لمجمع النافوره مش لازم تشترون من عنده


اتمنى لي ولكم ولكل مسلم التوفيق


وعلى فكره ترا كل اللي في السوق
تايواني وصيني لا يوجد امريكي او ياباني او الماني
خصوصا الاسلاك والارايل
وشكرا

[نوخذة الصحراء]

وراكم على الرجال قطعتوه



ترا هذي غيبه ونميمه وماتجوز حافظو على حسناتكم تراكم بحاجتها


عجبكم الرجال تعاملو معه ماعجبكم روحو لمجمع النافوره مش لازم تشترون من عنده



اتمنى لي ولكم ولكل مسلم التوفيق



وعلى فكره ترا كل اللي في السوق
تايواني وصيني لا يوجد امريكي او ياباني او الماني
خصوصا الاسلاك والارايل

وشكرا

السلام عليكم.... لم نقل هذا الكلام والله بقصد الغيبه اولا هو شبيه بالاستفتاء الشي الثاني نتمنى ان يصله هذا الكلام ليغير معاملته للزبائن والله لما قلت هذا الكلام للذين يتعاملون معاه وهم لا يستخدمون النت اجمعو الى انه فعلا معاملته فيها استفزاز يعني لو تسئله عن حاجه وتقوله غاليه شوي يرد عليك يقولك ماتبيها خليها باستفزاز لو قلت له هذه القطعه عند المحل الفلاني بسعر اقل بكثير يقولك مدري عن غيري عندي بهالقيمه تبيها والا اتركها فاتخرج ونت مستفز حاقن على المحل وصاحبه لاحترام لشاب اوكبير

[يوزر نيم]

وعلى فكره ترا كل اللي في السوق
تايواني وصيني لا يوجد امريكي او ياباني او الماني
خصوصا الاسلاك والارايل
الاخ تساهيــل 1 .. لاتحكم على السوق بما لاتعرفــه.. مع احترامي لوجهة نظرك .. (بالنسبة في مدينة الرياض )
الارايل : موجود الدايموند الياباني الاصلي ابو كيس أسود وكذلك السيريو الايطالي الاصلي وصلة ووصلتين وثلاث وصل.واسعارها من (150 - 350 ) ريال س.
وتحياتي للجميع ،،،

[ابو البر]

والله انا ادخل اي محل ان شفت راعيه أدمي بالتعامل اخذت واعطيت معه
وان شفته من جنبها مشيت وخليت محله
شف وانا اخوك
رسولنا الكريم قال / الدين المعامله.
وايضا جاء ناس الى امير المؤمنين يشتكون غلاء اللحم .....فقال لهم انتم ارخصوه .
فقالو كيف يا أمير المؤمنين / قال اتركوه.
محل ما يعجبك رح لغيره .
والسلام .

[teer1002]

والله انا ادخل اي محل ان شفت راعيه أدمي بالتعامل اخذت واعطيت معه
وان شفته من جنبها مشيت وخليت محله
شف وانا اخوك
رسولنا الكريم قال / الدين المعامله.
وايضا جاء ناس الى امير المؤمنين يشتكون غلاء اللحم .....فقال لهم انتم ارخصوه .
فقالو كيف يا أمير المؤمنين / قال اتركوه.
محل ما يعجبك رح لغيره .
والسلام .


:good2::good2::good2::good2::good2::good2::good2:: good2:

[ربيتر]

الكاسر ... لم يتقن اسلوب البيع ... هداه الله

فقد تم التعامل معه .. مرات عديده ولكنه يجهل مايفعل

ولو يعلم ان هذا الاسلوب يستفز الزبائن ويبعدهم عنه كما ابعدني انا عن التعامل معه

كان غير ولكنه لايعلم ان اسلوبه خطا


الواجب النصيحه ...


وانا بدوري راح ارسل الموضوع هذا له عن طريق رابط في الواتس اب



شكرا لصراحتكم

[الشيخ الظريف]

والله المفروض ماتعرضتوا لشخصه واخلاقه فهذا امر كان يجب تجنبه سواء فيه هذه الصفه او لم تكن لأن النصيحه تكون بينك وبينه ولا يعلم احد اما امام الناس فهذا تشهير علما انني بحثت عن المحل لاشتري منه ولم اجده

[ابو البر]

والله المفروض ماتعرضتوا لشخصه واخلاقه فهذا امر كان يجب تجنبه سواء فيه هذه الصفه او لم تكن لأن النصيحه تكون بينك وبينه ولا يعلم احد اما امام الناس فهذا تشهير علما انني بحثت عن المحل لاشتري منه ولم اجده
صحيح كلامك
ولاكن هاذا الرجال يحتاج نصيحه من بعيد
ويمكن لو تجي تنصحه من قريب يعطي بقس فجأه ههههههه

تحياتي لك ردك رصين واعجبني الله يطول بعمرك.

[ابو البر]

الكاسر ... لم يتقن اسلوب البيع ... هداه الله

فقد تم التعامل معه .. مرات عديده ولكنه يجهل مايفعل

ولو يعلم ان هذا الاسلوب يستفز الزبائن ويبعدهم عنه كما ابعدني انا عن التعامل معه

كان غير ولكنه لايعلم ان اسلوبه خطا


الواجب النصيحه ...


وانا بدوري راح ارسل الموضوع هذا له عن طريق رابط في الواتس اب



شكرا لصراحتكم
ارسل الموضوع له بالواتس اب
وعلمنا
اذا وعدنا انه يغير من تعامله تصالحنا معه بسببك
لآن البضاعه عنده والفلوس بجيوبنا .....وفيه محلات غيره.

[خالد بن موسى]

من وكيل اجهزه الايكوم ؟

[ابو شموخ لمار]

نعم الرجال متغطرس لايمكن ان يبتسم ابدا المشكله لو انه مدير الاتصالات واذا بغيت اشري منه اريل قال هذا لايعلى عليه واذا نزل جديد عنده قال هذا افضل من الاول لين بيتي صار تقل شركة اتصالات من كثر الارايل والاسعار دبل و3 عنده واخرتها اشتريت منه اريل 600 ريال وحصلته عندنا بمنطقتنا 180 ريال يعني جلغمي نفسٍ شينه وجلدٍ مروح

[ابو شموخ لمار]

والله ادق سلف واتعنا للكويت بضاعه نظيفه اصليه ورخيصه ولا الكاسر اللي ماهو شايف من الارض شي هذه ماهي غيبه وانما تحذير للمسلمين من استنزاف نقودهم

[المتلولس]

ياخوي دام مافية عندك حماية للمستهلك ماراح يرحمونك التجار اللي مايخافون الله كلامي على العموم

[محمد-الرس]

من وكيل اجهزه الايكوم ؟

هههههههه

شوف الرابط ....

https://www.icom.co.jp/world/contact.php?country=SAUDI+ARABIA

[أبو شيري]

الحقيقه نفس الشعور والاحساس يا صاحب الموضوع

وقبل يومين كنت عنده ومن تعامله تركته ولا شريت منه

اشغلني يردد [ أتحدى أي واحد بالعالم أذا عنده خبره سواء دارس أكاديمي أو عن طريق ممارسه ]
ويمدح نفسه كثير ويقول أنا أشتغل 13 سنه في هالمجال ووكيل معتمد ولوحه امام المحل مترين بخمس امتار
ومسكت وتعاملت مع قطاعات عسكريه ومدينه وشركات ......الخ

عاد من كثرها غسلت يدي وطلعت ولا شريت منه


الله يهديه لو يغير تعامله مع الزبائن كان أفضل له وللمحل ويكسب الزبون بدل ما ينفر المشتري

[الشيخ الظريف]

انتقل وين راح من المحل الاول يابو شيري ٠٠احيانا نحتاج له لأن الفني اللي عنده ممتاز انا مره بغيت اركب آيسيات وذهبت لشخص متغطرس في محل٢٠٠٠ بعنيزه وقال ب٢٢٠ريال وكان عندي علم ان تركيبها ١٨٠ ريال وقلت له ركبها ب٢٠٠ ريال فرفض وذهبت للكاسر ووجد العامل فصلحها ب١٨٠ من غير مكاسر ولها الآن ٦ سنوات ممتازه لكن لم اقابل صاحب المحل٠٠علما انني الآن اروح لمحل ٢٠٠٠ لآن المحل فيه الآن شاب على خلق رفيع