رأي أهل الخبره وأهل الطيور

[شامان 505]

مسيتوا بالخير ماجورين ياصقاقير مكشات
طبعا بدا تدهيل الطيور ودعوها عند أغلب الصقاقير ولو ان بعضهم مااستعجل مثلي انا عاد طيري فالربطه فالرياض وناوي أطلعه ذا اليومين ووضعي يبي رايكم
ابلنا فالجنوب بين وادي الدواسر وتثليث فالقيره وناوين الاسبوع الجاي او بعده انشدد البل للرمله في أم الوهط وأبي آخذ رايكم تنصحوني بتدهيله فالبر طبعا مافي مكيفات مثلي ألحين فالرياض وثاني شي هل الديار ذيك ديار صيد يجيها صيد عبور اهد طيري فيها لان ماعندي خلفيه عنها اللا في عشبها ومرعاها ولاودي آخذ االطير بدون فايده والطير تعرفون يبيله اهتمام بالذات ذا الأوقات
مع العلم ان الديره الأوله القيره معين فيها القهابى واجد لكن الثانيه على كلام الناس لاتخلو من الصيد وأنا أبيكم تعطوني خلفيه تامه بعين صيد ياللي قد قنصتوا فيها واللا أخلي الطير فالمربط أطيب له وأروح عبس عطايالله
والله لايهينكم اعتذر ع الإطاله أول موضوع :D وسلامتكم جميع

[قلب ذيب]

الله يحييك .
من ناحية نقل الطير اذا صكت امواسه فنقله افضل , ربما يمون الجو حار في النهار لكن في الليل الجو بارد ,واذا كان طيرك اصله وحش فما عليه . طبعا الطير غير جاهز للهدد يمكنك ن تدعيه وتنقله فقط , يعني حتى لو عينت كروان والا ارنب ما اعتقد انك تهد عليها لأن الطير غير جاهز .
اما من ناحية تلك المنطقه فاذا كانت قريبه من اراضي الربع الخالي فسوف تجد بها ارنب وربما كروان , اما الحبارى فغالبا ماتتواجد في تلك المنطقه في شهر 11 ميلادي . بالتوفيق .

[شامان 505]

لاهنت
الأوله بيض الله وجهك على اهتمامك فالمواضيع كلها دايم متواجد ياقلب ذيب انا من المتابعين لك هنا وعزالله انك من اللي يزودون المنتدى ماينقصونه شهادتي فيك مجروحه شهادة حق وحبيت ابديها يوم جا وقتها وانت ومنهو شرواك غني عن المدح مع اني مااعرفك لكن لي الشرف بدون قصور فالأعضاء
الثانيه طيوري واحد جيرشاهين بكر والثاني وكري ومصفين
انتظر ردود الأخوان وآرائهم غريبه اللي دخلوا ماردوا لو بكلمه . فانتظاركم

[راعي ياقوت]

النصيحه دامها مصفيه شلها لاتخليها منها دعو ولياقه وتربيب وأن شاءالله ربي بيرزقك بالصيد الي تبشرنا به راخوي قلب ذيب المدح يقصر من دونه عزالله ماقلت الا الصحيح ياشامان وانت كفو ولد كفو لان مايمدح المديح الا الي مثله مديح

[شامان 505]

لاهنت ورايك سديد
وماعليك زود ولاهنت ع الإطراء هذا من طيبك