المساعد الشخصي الرقمي

مشاهدة النسخة كاملة : مشكلة في قير اليوكن


فتى العشة.
14/09/2013, 07:03 PM
السلام عليكم
احتاج مساعدكم يالربع
معي يوكن 2007 يعشق في القير الاول والثاني ثمن يوقف مايعشق
رحلت لورشة قالي اليماني القير عندك خربان اصلحه لك ب 3000 وقطع الغيار تكلف 4000
هل هذا الكلام صحيح ؟
تكفون الي مرت به المشكلة لا يبخل علينا
تنومه1
14/09/2013, 07:12 PM
وش اسم الورشه يا الحبيب لا يكون ورشه على بالي ..

كان عندي مشكله بالدبل ودلونا على ورشه متخصصه على قولتهم ( يا خبيري ) فحص السياره وقال تكلف 2500 ريال وشغل يد 1500 ريال .... زلبت هالحرامي النصاب ووجدت المشكله حساس دبل كلفني مع الشغل حوالي 450 ريال

وابشر بطيب الخاطر
ابونواف سعد
14/09/2013, 07:20 PM
ابدأ بالأسهل قبل ماتفك القير رح لفني قيرات يشيك على طرمبة التبديل إذا الترس متآكل غيرها وترك عنك اليماني دور ابوفلبن هم الفنيين
مخ سعودي
14/09/2013, 09:26 PM
سعره مبالغ فيه القير كامل بقطعه مع شغله مايكلف ٤٥٠٠ ريال
فتى العشة.
14/09/2013, 10:40 PM
ماقصرتو يالربع

لا والورشة الثانية يقولي اليماني اجيب لك قطع مخصوصة
قلت له ليه ما القاها في الوكالة
قال لا هذا قطع مخصوصة
قال وش دراك انها كذبة قال كبرها
تنومه1
14/09/2013, 11:31 PM
قبل 8 سنوات كان عندي كابرس وكان ينقط زيت تحت السياره بكميات قليله طبعاً مع المشي يتناثر الزيت ويغطي المكينه من الخلف والجربوكس .
الزبده مريت ورشه شهيره في المنطقه ونظام بصمه للعمال وشغل كثير .. وعمالتهم فلبينيين ... جاء كبير المهندسين على قولتهم فحص وشيك واخذ وقته .. وقال عندك صوفة قير ووجه مكينه وووووو شغل يد 750 ريال من دون القطع ..
تركته ومريت ورشه مرغم عليها من واحد من الاقارب ورشه ما تعطيهم حتى دينمو ما يصلحونه .. شيكوا وقاال ما ني ملاحظ شي ولكن عندك السيفون مضروب من الجنب واختل توازنه غير سيفون وامورك طيبه .. وبالفعل طلع كلامه سليم
فتى العشة.
14/09/2013, 11:33 PM
قبل 8 سنوات كان عندي كابرس وكان ينقط زيت تحت السياره بكميات قليله طبعاً مع المشي يتناثر الزيت ويغطي المكينه من الخلف والجربوكس .
الزبده مريت ورشه شهيره في المنطقه ونظام بصمه للعمال وشغل كثير .. وعمالتهم فلبينيين ... جاء كبير المهندسين على قولتهم فحص وشيك واخذ وقته .. وقال عندك صوفة قير ووجه مكينه وووووو شغل يد 750 ريال من دون القطع ..
تركته ومريت ورشه مرغم عليها من واحد من الاقارب ورشه ما تعطيهم حتى دينمو ما يصلحونه .. شيكوا وقاال ما ني ملاحظ شي ولكن عندك السيفون مضروب من الجنب واختل توازنه غير سيفون وامورك طيبه .. وبالفعل طلع كلامه سليم
يعني قصدك المظاهر خداعة؟
طلال ينبع
15/09/2013, 10:42 AM
اذا انت بالرياض ابدلك على ورشه خاصه بالقير الامريكي
المدير تركي شايب لكن حبييييييييب
وضبت قير فورد حوض دبل ب 2500
ويفحص قبل لا يوضب
مخ سعودي
15/09/2013, 11:39 AM
شف يالغالي ادخل منتدى ملاك الجمس يوجد توضيب بقطع رياضيه حيث ان سعر القطع لوحدها ١٥٠٠ ريال ميزتها تخدم اطول وقبل كل شي بعد التوضيب ركب مبرد قير
Banker
15/09/2013, 11:40 AM
هذا نصاب انتبه منه

عموماً هذي مشكلة معروفة .. عندك كلتشات القير ضعيفة .. وحلها توظيب .. والتوظيب كامل يكلف 3500 قطع وشغل يد .. اعرف واحد من يومين موظب قير مثل موترك دبل 2007
tevo
15/09/2013, 01:09 PM
هذا نصاب انتبه منه

عموماً هذي مشكلة معروفة .. عندك كلتشات القير ضعيفة .. وحلها توظيب .. والتوظيب كامل يكلف 3500 قطع وشغل يد .. اعرف واحد من يومين موظب قير مثل موترك دبل 2007

صحيح ونا بعد موظب قبل يومين 2007 بنفس السعر
فتى العشة.
15/09/2013, 01:42 PM
جزاكم الله خير على فزعتكم معي
رقم 1
15/09/2013, 01:45 PM
مهم جدا انك تقرأ هالموضوعين قبل تسوي شي ..!> حتى قبل تشرب مويه بعد


اول شي ادخل على هالرابط
http://www.mekshat.com/vb/showthread.php?t=221402 (http://www.mekshat.com/vb/showthread.php?t=221402)



وايضا
http://mekshat.com/vb/showthread.php?t=352780 (http://mekshat.com/vb/showthread.php?t=352780)



الزملاء ما قصرو تعبانين على المواضيع والله يوفقك ان شاءالله
وجعين
15/09/2013, 01:57 PM
مخ سعودي عطاك العلم فعلا حنا تونا موضبين قير تاهو2004 ب4500 مع قطع الغيار والشغل اليماني نصاب لا يلعب عليك وكانك ببريده عطيتك اسم الورشه وتراه سعودي
فتى العشة.
15/09/2013, 03:39 PM
اظني بغير الحساسات اول شي
بعدها بشوف وش بيصير
tevo
16/09/2013, 01:49 PM
اظني بغير الحساسات اول شي
بعدها بشوف وش بيصير

لا تغير حساسات افحص قبل الكمبيوتر يطلع الحساس هل هو خربان او لا .
زياد علي
16/09/2013, 07:44 PM
كان عندي جمس 99 فجاءة ماعاد يبدل يطمر الاول والثاني وثم يعشق بالثالث ويعلق مريت الورش اول واحد سوري قالي بده توضيب وسوري ثاني نفس الكلام وبنغالي ويقول توظيب ومتحمس ويقولي بكرة سيارة زاهز المهم واروح لاتو ستار وطلعوا داجين وغشاشين قالوا على طول يبغاله توضيب قلت ليش قال عندك ريحة حرق في زيت القير مع اني تو مغير زيت القير في نفس اليوم دريت انهم ماعندهم سالفة وغيرهم يجي عشرين ورشة ماعندهم الاتوظيب ونصب !
وافحص كمبيوتر وتطلع حساسات القير ولله الحمد
اول افحص الحساسات +الظفيرة احتمال تكون منها
آخر العنقود
17/09/2013, 09:56 AM
نصيحه للشباب كلهم انحش عن الورش اللي تشوف لها ديكورات وشكل يفتح النفس لأن شغلهم بالغالب نصب بنصب قبل حول سنتين صار بموتري تاهو 2007 تفتفه واشتغلت لمبة المكينه ورحت لمركز جيركو وفحصت السياره كمبيوتر وطلع عندي مشكله بالبستم رقم 1 ما يشتغل قلت وش الحل للبناني قال نفك راس المكينه ونشوف وش المشكله قلت بكم تفك الراس قالي 2500ريال قلت له صاحي انت والا تستهبل شغل يد 2500ريال اجل لو توضب بكم قال 4000ريال خذيت السياره من عنده وكلمت واحد من الشباب بالمشكله قال سيارتك مشهوره بأن سبرنقات البلوف تنكسر اذا جا الموتر جور وانا رجلي حاره علق الموتر وديت السياره لورشه بصناعية المدينه وصلحتها بمبلغ 430ريال وبدون اخراج الراس من المكينه وحمدت ربي اني ما حطيت السياره عند ورشة هاللبناني وبعد تصليح المشكله السقاره من ابدع ما يكون ولله الحمد....
العابر2222
17/09/2013, 08:49 PM
يا غالي مشكلة القير في موديلات 2007 و 2008 مشهوره

والغالب انها توضيب

واليماني نصاب سعره فوق الخيال

السعر يتراوح من 3500 ريال الى 4500 ريال
فتى العشة.
18/09/2013, 12:29 AM
شكرا جزيلا لكل من شارك