ابي نصيحتكم بخصوص الساكتون الاسبانيه

[ابومحممد]

السلام عليكم


اخواني كنت ناوي على فايروخ لكن للاسف حاليا لايتوفر عند الرميح


ف قررت اني اشتري قامو اسبانيه

وششفت مقاطع عن الهنتر 1250 ونوريكا ايضضا


وصيدي من الطيور المتوسططه

ف ابي نصيحتكم لاني اول مره اشتري اسباني
+ اهم شي عندي يكون الساكتون دقيق ..،

لاهنتم ..،

[الامل بالله]

مع واحد من العيال يمدحها، انا كان عندي فايروخ ٧٥ اذا رميت لي علبتين صتم تبداء تتفكك مساميرها ولازم اشد عليها انا اتكلم عن ٧٥ ولا ادري عن غيرها . موفق

[شغب007]

مالي معرفة بالاسباني
لكن الشباب ان شاء الله يفيدونك

الله يوفقك للبندق الي يريح بالك

[aass1122]

نصيحة اخو اخذ الماني لا تاخذ اسباني
خذيتها وندمت

[ابومحممد]

ياخخوي انا مستعججل رحت للرميح قال ماتجي الا بعد شهر والتصريح يبغى له اسبوعين على الاقل

باخذ اسبانيه ..،

[اخو نشمي]

مرحبابك اخوى بصراح اتكلم عن واقع تجربهاخذت اسبنيه مقاس ٤٥ ماشاء الله عليها كفو
فيبر بس الكلام هذا له مده اطربتني في اسوادي
وتسوق مسافه مهيب هينه هذا وتقبل مرورى

[ابومحممد]

والديانا كلها منقطعه من صاب


كلمتهم قالوا مانجي الا مع السسنه الجديده

مالي الا الاسباني

[4fun]

انا قبل 3 شهور اخذت حجم 45 وما شاء الله عليها ثابته ورميها حلو وتجيب لك الحمامة بسهولة

نصيحتي خذها وترا قامو الشكليات الجديدة الناس تمدحها
س
خفيفة ودقيقة

وللمعلومية ترا الرماية يبي لك اسبوع الى 10 ايام على ما يسلمون لك الساكتون

وهذا نظام توه صار انا مريتهم قبل كم يوم

تدفع فلوسك وبعد اسبوع تستلمها

اتمنى اني افدتك

[عساها تساهيل]

خذهــــا ولا تشاور

[صاروخ الغطغط]

انا مجرب القامو ممتازه ودقه في الاصابه كان عندي مقاس 30 اصيد بها والاتخطي والاكن الديانا والفايروخ رقم واحد وفيهن حاجه الغلا والتفكك مع الرمي اما القامو خفيفه وممتازه

[slomi]

الأسبانية عن تجربة جيدة لفترة بسيطة ومع الاستخدام تبين العذاريب والخرابات الكثيرة النيشان يرتخي ويخرب السسته سريعة الإرتخاء والكسر
لكن خذ فايرخ الألمانية وارد الرميح فقط وفيهامشكلة وحدة فقط هي إن مساميرها الخارجية في الخشب
تنحل وترتخي ويبيلها شد بالسكروب بين فترة وفتره وهي مسمارين على الجنب وغيره مااذكر فيها مشاكل ابد ابد عن تجربة

[نفل الفهود]

انا تجربتي مع الجامو الاسبانيه طويله ..

والسكتون طيبه ودقيقه ولكن بعد فتره بيخرب المعيار ... ويصير يهتز ويتغير بعد طلقتين .. والحل انك تحط به شمع او تلف على البرغي شطرطون وتظبط وتصير مامثلها .

[ماجد ابو فيصل]

مع واحد من العيال يمدحها، انا كان عندي فايروخ ٧٥ اذا رميت لي علبتين صتم تبداء تتفكك مساميرها ولازم اشد عليها انا اتكلم عن ٧٥ ولا ادري عن غيرها . موفق

اخوي الامل عندي نفس بندق 75 لاكن ودي اغير الحبه لان الكرتون اللي فيه الحبوب ضاع هل ينباع لها حبوب ويليت القا حبه فسفوري ووين القاها

[عجيبان]

تبي شوري يالغالي خذلك نوريكا ٩٠ اسبانيه انا مجربها تصلح لكل انواع الطيور ابتدا من الحمام الى الدخل وايضاء تستخدم للجرابيع والارانب تلاقيها عند صاب ١٤٥٠ ريال الخشب لاكن الفايبر ارخص الناس ماخذين فكره ان الالماني افضل شي لاكن انت جربها قبل تشريها والراي عندك لاكن بس كان ودي اقدم نصيحه من تجربه

وشكراً

[حكيم بن شاكر]

راجع مواضيع الأسبانيات في المنتدى ........ قبل لاتورط فيهها

[سفاري فتك]

لاتستعجل غير الفايروخ 80 لاتاخذ انا كان عندي نوريكا 90 اسبانية
احتجت لها قطعه وتعبت ولا حصلتها اللي هي السبرنق الصغير حق المنشاف
واخيرا كرهتها وبعتها وشريت فايروخ عن نصيحه اصحاب الخبره وفعلاً ساكتون
تطيب الخاطر بس مثل ماقلت خذ 80 وبتدعيلي

[اعصار نجد]

لاتفوتك الاسبانيه النوريكا تراها ممتازه وحلوه وخفيفه وعلمها قوي ومايتحرك تلقاها عند صاب
80 تلقاها 1150 ريال والساكتون المانيه الرميح ب 1750 ريال شف فرق السعر

واترك عنك الاسبانيه اللي عند الرمايه تكفا تجيب الهم لاهي ولا علمها اللي يتحرك دايم ومع الرمي

[منحمس]

على طاري هنتر 1250
انا احد ملاكها
الساكتون لا يعلى عليها من ناحية سرعه الرصاصه
ولكن حط في الحسبان ثقل السلاح وصعوبه كسرها
وبناء على ماقريته من مواصفات في موقع أجنبي فإن معدل الجهد المبذول لكسرها = جهد حمل 26 كيلو
وبعض الناس تشتكي من كسر ديانا 34 وجهد كسرها يساوي فقط نصف الجهد لكسر هنتر 1250
للعلم والاحاطه

وتقدر تجربها بنفسك عند الرمايه
وانتبه لعضلة العضد لا يجيها تمزق عضلي

أنا على علم بكل ما ذكرته ومع ذلك شريتها
كلن له غرض وظروف

اما بقية الانواع الاسبانيه فيها الزين والوذف

وبيني وبينكم الرميح هالايام شاينن طبعه

[سم القطاء]

ننوريكاء90هذي الي جربتها تجيب القمري والدخل

[غيره بلاحدود]

اخوي قويه ولها صيانه عند الرمايه ومنظرها رووعه والاجمل انها ريشه خفيفه اما بالنسبه للعمر وطوله الله واعلم ماحد يقدر يفيدك لانها جديده واذا صيدك المتوسط عليك بال 45 للدخل والقمري والفري ومو خطره فيه وحده منظرها روعه 85 لكن خطيره قويه بصراحه ولو ترمي هواء تشوف الصبطانه دخن كانك رامي طلقة رشاش هذا الي قادر افيدك وعلى فكره العالم كله عليها سعرها حلووو وحملها مريح ومتوفره

[البارود505]

والله واحد من العيال معه اسبانيه ومايمدحها ابد
خذلك ديانا 35 لاتتغير وزنيتها ودقه وتصيد لك صغير وكبير ..

[مطر وسم]

الساكتون الاسبانيه قويه وزينه لمدة اسبوع او عشره ايام بعدين تبدا تتفكك مساميرها والسسته تضعف هذا حالها من واقع تجربتي

صراحه ماتنفع للاستخدام

[عجيبان]

يالربع ترا الاسباني انواع واشكال و ماركات افضل شي منها النوريكا ٩٠ تلاقيها عند صاب ماعليها كلام

[الامل بالله]

اخوي الامل عندي نفس بندق 75 لاكن ودي اغير الحبه لان الكرتون اللي فيه الحبوب ضاع هل ينباع لها حبوب ويليت القا حبه فسفوري ووين القاها

اذا تقصد بالحبوب رصاص تلقها عند الرميح او الرمايه او اي محل كشاته و بالنسبه للي كرتونها فسفوري ما اعرفها والله ،.

[الامل بالله]

على طاري هنتر 1250
انا احد ملاكها
الساكتون لا يعلى عليها من ناحية سرعه الرصاصه
ولكن حط في الحسبان ثقل السلاح وصعوبه كسرها
وبناء على ماقريته من مواصفات في موقع أجنبي فإن معدل الجهد المبذول لكسرها = جهد حمل 26 كيلو
وبعض الناس تشتكي من كسر ديانا 34 وجهد كسرها يساوي فقط نصف الجهد لكسر هنتر 1250
للعلم والاحاطه

وتقدر تجربها بنفسك عند الرمايه
وانتبه لعضلة العضد لا يجيها تمزق عضلي

أنا على علم بكل ما ذكرته ومع ذلك شريتها
كلن له غرض وظروف

اما بقية الانواع الاسبانيه فيها الزين والوذف

وبيني وبينكم الرميح هالايام شاينن طبعه

صادق الرميح عندهم موظف واحد والزباين عشرين واحد الخدمة سيئة، مره جايب ساكتون لي ابي انقل ملكيتها خذها المصري اللي يشتغل في المحل وقال يبي له تغير سبرنق قلت انا قايل لك فيها شي انا ابي انقل ملكيه بس ، قال اها !! يعني يبي غير السبرنق با150 ريال وهي مافيها شي بس كذا ،،،،، سحب دراهم .