حنه في المحور الامامي حيب فيكس آر

[حمدي 2005]

المكشاتيون الفضلاء مساء الخير والسرور .

طلع عندي صوت من كم اسبوع وازاد اكثر في المحور الامامي وبالاخص العكس جهة السائق وهو عبارة عن حنه (وووفففف) مع ذبذبة خفيفة ليست هزه ،،، واذا لفيت يمين يزيد الصوت واذا لفيت يسار مافي صوت بالمرة فكيت الرمان عند واحد تركي ولقيت فيه شوية (رايش) بس المعلم التركي قال لي مافي الرمان شيئ وشحمته شحم حرار وعبيت الكرونه الامامية زيت 90كان ناقص شوي . وما راح الصوت ولازال يتزايد وهو لا يظهر بشكل واضح الا على سرعة 80 فما فوق .


الرجاء من اهل الخبرة إفادتي ولكم فائق الامتنان والفضل ..

[SGL]

أخوي الميكانيكي ماشيك على الفلنشه أو الفلنجه الي يركب فيه الرمان تراها صارت معي بس الموتر باترول وخسرت كل شهر أغير رمان وأخر شي طبيت في ميكانيكي تمام قالي عندك الفلنجه تعبانه وغيرتها وماشاء الله الموتر ولا أحلى والرمان له اللحين سنتين وأول مع الغشم كل شهر أغيره وكل ماأقولهم في شي يخرب الرمان يقولوا الى ركب الرمان قبل مايعرف أو الرمان تجاري والله أنهم هم مايعرفون وأنهم تجاري

[حمدي 2005]

بارك الله فيك sgl لكن ماهي الفلنجة لو في صورة تقرب لي شكلها ،، علشان اعرف ادلهم عليها ....

[SGL]

http://www.mekshat.com/vb/showthread.php?t=404665
هذا موضوع أخونا بدوي جنوبي ماقصر جزاه الله خير كل شي وضحه في موضوعه:good2:

[حمدي 2005]

مشكور وما قصرت على اهتمامك وفزعتك يا النشمي ،، اشوف الورشه وارد لكم الاخبار ،،

[SGL]

مشكور وما قصرت على اهتمامك وفزعتك يا النشمي ،، اشوف الورشه وارد لكم الاخبار ،،

العفو أخوي حمدي وإن شاء الله يطلع الخلل بسيط وتنحل مشكلتك ونحن في إنتظار ردك:)

[حمدي 2005]

الأخبار ،،،سرحت من الفجر على الوكالة (جُهمة) :) المهم ماقصرو الاستشاري الفني طلع معي خلال ربع ساعة أندونوسي ممتاز قال غير الرمان بلا بلاهه مافي السيارة الا الرمان والمرايات حقتها ،،

الجيد في الامر ان الاستشارة بلاش (شركة تايوتا ) محترمة جداً ..

رحت على جارنا الفسطيني صاحب ورشة في الحي بعد ما اشتريت القطع طبعا ً من برا الوكالة ،،وصلحها خلال نصف ساعة وراح الصوت تماماً


الخلاصة :
اهمية التشخيص السليم " امس معلم كبير قال الكرونة رايحة " بعض الورش فيها معلم تركي والا مشهور يجيب العيد من زود الثقه ...شكل ولا عندبعضهم سالفة ،، اتمنى ان تكون فائدة للجميع واي أسئلة مستعد وشكراً لكم .