المساعد الشخصي الرقمي

مشاهدة النسخة كاملة : من يحل لي مشكله الحراره في الجيب جي اكس ار 98 شيبت براسي


معدي المرقاب
15/09/2013, 04:27 PM
السلام عليكم ورحمه الله وبركاته ياخواني من يحل لي مشكله الحراره في الجيب جي اكس ار 98 شيبت براسي لا مشيت تنزل الحراره لاوقفت دقيقتين مثال عند الاشاره تبدا ترتفع تدريجي لين تاصل الاتشH لاحركت بسرعه تبدا بانزول تدريجي لين النص ولو رحت مشوار وهي على النص ووقفت تسمع الما يفور بالاديتر .... تم عمل لاتي 1- تسييخ الاديتر وهو اديتر شد بلد 2- تغيير تمتاتيك المروحه 3- طرمبه الما شغاله ممتازه 4-تم تركيب بلف حراره اصلي ونفس الحكايه ثم تم انزاله 5- فك الراس وفحصه بالمخرطه وطلع سليم مافيه شي فتم مسحه خفيف عن الشكه وتركيب وجه اصلي 6- تم فحص الكنداسه 7- تم تغيير غطا الاديتر ونفس الحكايه قبل ماشتغل فيه وبعد الشغل الوضع هوا هوا 0 مابقي عندي الا السرندل مافحصته الله يجزاكم خير من يحل المشكله له مني الدعوات امل التفاعل والله لايريكم مكروه
زيزوم الاكحل
15/09/2013, 04:29 PM
مشكلتك في المروحة شيك عليها اما انها ضعيفة سرعتها او ان ان الهواء ما يخش بسهولة للاديتر انسداد من الشجر والعاذر والحشرات مع انه في الغالب اذا الاديتر منسد ترتفع اذا اسرعت.
رقم 1
15/09/2013, 04:43 PM
المويه تنقص والا لا
يالبى الهلا
15/09/2013, 05:04 PM
الماء يفور من الراس مشعور الابد من خرط الراس وتدبيل الوجيهه والاتخسر الماكينه والاتمشي الا والكبوت مفتوح لعملية تبريد الماكينه حتى لاتخسر الماكينه الحراره عدوة الماكينه وبعد خرط الراس غير الزيت مع السيفون على طول
العطاوي a511
15/09/2013, 08:31 PM
اقرب مالها عندك هوايه الرديتر او المروحه معوجه من الحراره او التماتيك خفيف ماهو حق الموتر اللي ركبته
واذا فيه مراوح قدام شوف شغاله ولا خربانه

وحط ريال قاز بالتانكي وادعس خط عشان تنظف البخاخات تراها ترفع الحراره اذا عندك صرف بنزين غير حساسات الشكمان اذا فيه حساسات
الا سير
15/09/2013, 09:51 PM
يمكن الي ركب لك التماتيك قلب المروحة
تراها تصير واجد
والراس لو فيه شعر ماتحركة السياره من عند البيت الا والماء كله برى الرديتر
وشيك على قواعد الاديتر يمكن مايل وما يدخل الهواء زين
abw1122
15/09/2013, 10:09 PM
اخوي سبق وصارت معنا

انت فقط غير غطاء الاديتر باصلي
ولانتسانا بدعوه صادق
معدي المرقاب
15/09/2013, 11:46 PM
الله يجزاكم خير الجزاء ولا يريكم مكروه.....بكره إنشاء الله ابغير الاديتر وأعطيكم خبر
sgl2002
15/09/2013, 11:49 PM
غير الرديتر لانه انتهى عمره
الكارثة
16/09/2013, 10:57 AM
الله يكون في عونك .. انا عانييت وايد من الحراره

بس جرب مثل ما قال اخوي العطاوي كل شي جايز

والله يوفقك وبشرني شو يحصل معاك وفيدنا بارك الله فيك
يالبى الهلا
16/09/2013, 07:09 PM
يمكن الي ركب لك التماتيك قلب المروحة
تراها تصير واجد
والراس لو فيه شعر ماتحركة السياره من عند البيت الا والماء كله برى الرديتر
وشيك على قواعد الاديتر يمكن مايل وما يدخل الهواء زين
شعر الراس انواع حسب الشعرناعم او مجعد؟؟؟؟؟؟؟؟
وبعض الشعر؟؟؟؟؟
لاينكشف الا عن طررررررريق المخرطه
4x4ofroad
17/09/2013, 12:59 AM
تاكد من
غطى الرديتر
هواية المروحه
رديتر المكيف ممكن يكون الشبك مطعج ومسكر وصعب يدخل هوا للرديتر
كلتش المروحه
طبات الماء اللي بالمكينه

واستبعد سدد الرديتر وشعر الراس لان اعراضهم حراره مع المشي مو مع الوقوف
برق دوسر
17/09/2013, 01:25 AM
اخوي اذا انت فاك البلف حق الحراره فهاذي المشكله
رجع البلف وشف
sulaiman.fj40
17/09/2013, 10:24 AM
فيه ليات مويه تطلع من طرمبة الماء للثلاجه مهمتها تدفئة البنزين/شيك عليها يمكن واحد او اثنين/ اذا هي وفصوله او متسكره تراها تولع بحرارة السياره/
Myway
17/09/2013, 11:00 AM
السلام عليكم ...

عزيزي معدي المرقاب ....

خذ بلف حق نيسان مديل 97 وركبه مكان بلف جيبك طبعا خذ ربل يجي على البلف من الوكاله تايوتا ..

ركبه وماجاك عندي ...

اتمنى تعطينا تقريرك ..
أبوشريدح
17/09/2013, 11:08 AM
اذا غيرت الرديتر واحد جديد
وما زالت المشكلة موجودة
على الارجح يكون محتاج غسيل للسرندل ((اقصد مجرا الماء داخل المكينة))
معدي المرقاب
17/09/2013, 03:29 PM
اشكر العموم علي المشاركه والتجاوب اما البلف ركبت جديد ومازل نفس اول وشلت البلف المشكله عندي اذا كنت واقف عند اشاره او بقاله تبدا بالارتفاع وعندي عدة طرق وسوف اوافيكم بماىيستجد
abw1122
17/09/2013, 04:32 PM
اخوي هل غيرت غطا الاديتر
غيره
واخذ اصلي
سبق ومرت علي هذي المشكله
4x4ofroad
17/09/2013, 04:49 PM
وتاكد من طرمبه الماء
just 4 u
17/09/2013, 08:26 PM
غير الاديتر بواحد أصلي مع موية أصلية
وتنحل مشكلتك بإذن الله
ابو محمد543
17/09/2013, 10:02 PM
ركب بلف ديزل حق لاندكروزر تصير الحراره على الربع واحسن من شد البلد
وتاكد من المروحه والهوايه اللي فوقها
تاكد من طرنبة المويه يمكن ضعيفه
وتاكد من الرديتر سليم ١٠٠٪ بعض الرديتراات لو تسيخه ماينفع معه
وتاكد من ليات الرديتر اللي رايحه للمكينه ممكن تصير ضعيف وتنسفط مع الحراره
لوكان عندك مشكله في الراس ومجاري الماء كان اذا مشيت زادت الحراره مانزلت


واول شئ تسويه بلف الديزل وطرنبة الماء وبعدين شف الباقي
والله يوفقك
الوقيدي
17/09/2013, 10:10 PM
السلام عليكم : بلف وكاله جديد ويركب بلربله الخاصه به حتى يسيرالماءعن طريق البلف وغطاء رديتر مقاس 1.1 وبأن الله تنحل المشكله.
شايب حرب
17/09/2013, 10:21 PM
الله اعلم فيه سدة في الاقزوز وتحجز الهواء داخل المكينة وترتفع الحرارة عند الوقوف


لان بعض السيارات فيها لهايات اسفل الاقزوز تقفل وتسكر الهواء داخل المكينة


افحص الاقزوز ومواسير الشكمان من جهة الاقزوز وتاكد منها زين


واذا دعت الضرورة روح عند الورشة وفك الاقزوز وخل السيارة شغالة


وشوف الحرارة ترتفع او ثابتة ..
معدي المرقاب
18/09/2013, 12:17 AM
الله يجزاكم خير بكره اعطيكم النتيجه
رقم 1
18/09/2013, 04:54 PM
1-راس المكينه (اذا مافيه نقص مويه _ يستبعد فورا)
2-بلف الحرارة.
3- خراطيش (بعض المرات تنطبق مع الضغط _ نادرا)
4-غطاء الرديتر (لازم يكون أصلي )
5-طرمبه الماء ( في بداية خرابها -صوت -او تقطير والسياراه باردة)
6-اديتر
7-السرندل (اذا مافيه نقص مويه _ يستبعد فورا)
8-مروحه المكيف (ممكن الفيش يلعب اذا احتر فصل - او الكتاوت خربان )
9-تماتيك المروحه
10-المروحه (ممكن تكون مقلوبه لا تستبعد او مقطوعه)
11-حساس الحرارة (لازم يكون أصلي وكاله في حال تغييره)
12-العداد اللي فالطبلون
13-مجاري الهوى (فتحات التهويه - الشبك الصدام - البرواز تبع المروحه- الخ)
14-مجرى الماء
16- السخانه (الهواء الحار تبع المكيف_ لاتستبعدهااو ممكن لياتها تهرب المويه - في حال نقص الماء)
17-قربة الاديتر (ممكن تكون مشقوقه)
18- طبات المويه اللي في المكينه (اذا فيه نقص مويه فقط)

هذي حدود مشاكل الحرارة تقريبا
معدي المرقاب
19/09/2013, 01:03 AM
ابشركم ولله الحمد تم حل المشكلة وطلعت من الاديتر علما أن الموتر استخدامي الشخصي ومحافظ عليه وتم قبل اسبوعين فك الاديتر وتسييخه ولم تذهب المشكلة ورجعت للي سيخه وقال إذا كانت المشكله من الاديتر لك ألف ريال الاديتر جديد مافيه أي شئ .....البارح أخذت اديتر موتر اخوي نفس موتري رركبته والحمد لله راحت المشكله وأعطيت أخوي اديتري ودق علي قال موتري يحتر وكذا عرفت المشكله وشريت اديتر جديد اليوم وركبته والحمد لله بالربع لاحد يتهاون بالإدبار حتي لو كان جديد
،،،،،،اشكر جميع من شاركني بالموضوع وأعطاني رأيه الله يحفظكم ويفتح لكم باب رزق من أوسع أبوابه وشكر أحبتي