المساعد الشخصي الرقمي

مشاهدة النسخة كاملة : استشارة من اصحاب القوارب (((( فقط ))))


النموذجي
15/09/2013, 08:05 PM
بسم الله الرحمن الرحيم

السلام عليكم ورحمة الله وبركاته

اخواني واحبائي اصحاب القوارب ( الطراريد ) تم بحمدالله شراء قارب 24قدم ولم يبقى لي سوى المظلة و GPS واود أخذ مشورتكم :-

1 - أيهما افضل المظلة الثابته أو المظلة المتحركه مع ذكر مميزات وعيوب كل واحدة .

2 - ما هو أفضل نوع GPS عملي وسهل الاستخدام .

شاكر لكم حسن تعاونكم ودمتم

تحياااااااااااااااتي للجميع
عازف جيتار
15/09/2013, 08:15 PM
و ؏ـــَــليگِمـ‿ آلسســلآآِٓمـ‿ ..
الف مبروك ع البوت والله يعطيك من خيره ويكفيك شره
بالنسبه لل جي بي اس انصحك 521s قارمن او 421s ممتاز بالاضافه لوجود فيش فاندر ( كاشف اعماك ) عيبه شي واحد .... لا يوجد به بطاريه اي تشغيله مباشر من بطاريه البوت فقط .....
DIVER5_55
15/09/2013, 08:25 PM
بنسبه للقارمن انا مع الشباب اما المضله فانا مركب متحركه ومتندم ابي الثابته
BO Abdullatif
15/09/2013, 11:30 PM
المتحركة ميزتها السهولة في الفك والتركيب مع الخفة....يعني بعض الأحيان يكون الجو روعة ما تحتاج للمظلة
تصفطها، وفي حاجة ثانية للمتحركة الي هي ما تعوق ممشى البوت.
بينما الثابتة ميزتها أنك تستفيد من المظلة نفسها بحيث تحط اللمبات مع الكشافات وشغلات ثانية ....لكن العيب الثقل.
أنا صراحة مركب ثابتة لكن قلفنايز أنا أنصح بالستانليس ستيل أو الألمنيوم لكنه مكلف نوع ما.

طبعا جوابي على قد خبرتي (البسيطة..... على فكرة تراه ما هو تواضع أنا توني على البحر)

والله يوفقك وألف مبروك على الطراد وبالنسبة للجي بي أس زي ما قالوا الشباب s521 أو s421
النموذجي
16/09/2013, 01:32 AM
عازف جيتار : الله يبارك فيك وجزاك الله خير.

DIVER5_55 : بيض الله وجهك كفيت وفيت.

BO Abdullatif : رحم الله والديك معلومات مفيده .
nn88nn
16/09/2013, 10:32 PM
مبروك الله يعطيك من خيره ويكفيك شره
TOP SECRET
16/09/2013, 11:46 PM
الف مبروك على ال24 وانشاء الله انه شيخ الطرادات الظاعن ههههه لا امزح ..
اما بنسبه للمضلة انا عندي 24 وعليه مكينة 140 وعليه مضلة ثابته من الظاعن وبصراحه تحد من السرعة واذا كان الجوحلو او قمرة ماتقدر تتمتع في منظر السماء وتحجب ضوء القمر واذا بتحدق مثلاً للسبيطي يبيلك تحذف الخيط بعيد وكل هذا يحد من الحركة والمناوره هههه حلوه المناوره ..وانا اشوف ان المتحركة افظل من ناحية السعر فاالثابته عند الظاعن مثلا بـــــــ 7000 الاف ريال والمتحركه تعرض على الموقق 1200 ريال على مااضن والله واعلم ونشاء الله اني اكون افدتك والاخوان مش مقصرين انشاء الله
تحياتي للجميع...
عاشق البحرE
17/09/2013, 08:15 AM
عليكم السلام و رحمه الله و بركاته ..

الله يبارك لك في حلالك أخوي النموذجي ..

مثل ما قال لك أخوي عازف جتار من ناحيه الجي بي اس ..

من أفضل الأنواع 521 و 421 .. و الفرق بينهم الحجم فقط .. نفس المميزات و المواصفات ..

و هذي صوره لــ 521
http://im39.gulfup.com/qG8Vz.jpg

و سعره من الوكيل 3050 ريال مع الفايش فيندر (كاشف العمق و السمك) ..



&&&&&

و هذي صوره لـــ 421
http://im39.gulfup.com/4Z8gG.jpg

و سعره تقريبا 2550 ريال مع الفايش فيندر (كاشف العمق و السمك) ..


أنا شخصيا أستخدم 421 من سنه و حمد الله ما شكيت منه .. بالعكس جهاز روعه و فيه مواصفات كثيره منها رسم الخطوط اللي تمشي عليها و تحديد دقيق للأحداثيات و توضيح العلامات البحريه و الجزر وتحديد الأعماق على الخريطه لاي مكان بعيد و كشف العمق و السمك و اعطاء مواعيد المد و الجزر .. الجهاز عربي يعني ما فيه تعقيد و سهل الأستخدام .. و لو تبي نصحتي اكثر خذ 521 عشان الحجم أكبر ..

%%%%%%%

من ناحيه المظله اكيد الثابته أفضل و ابعد عن الحديد القلنايز لانه يثقل على مشي الطراد و يقلل سرعته .. لو قدرت تأخذ سلستيل او الالمنيوم و تراه مكلفه شوي بس اريح و أقوي و أجمل في المنظر و أخف على الطراد ..
المظله المتحركه حلوه لو كنت صاحب طلعات خفيفه و ليليه و عدد قليل .. و لو كنت تبي تطلع زباين ما انصحك فيها لانها خفيفه و ما تغطي الا جزء بسيط من الطراد ..


دامك دخلت بعالم الطرادات الله يعينك على المصاريف .. ههه أمزح

ان شاء الله اني قدرت اقدم لك نصيحه تستفيد منها ..
albhar-gulf
17/09/2013, 08:38 AM
ألله يجعله خير دائم ويباركلك فيه وتشوف خيره أنشاألله
بالنسبة أنا أفضل الثابته بس ماتكون حديد لانه ثقيل على الطراد استخدام السانستيل أفضل ,,,
النموذجي
18/09/2013, 03:49 PM
السادة / الاعضاء

nn88nn
TOP SECRET
عاشق البحرE

الله يبارك بالجميع وجزاكم الله خير
الحمدلله بعد الاستخارة وأخذ مشورتكم توكلت على الله بتركيب المظلة الثابته وجهاز القارمن 521s
تحياتي مع خالص الود و الاحترام