مطلوب عمل صيانه لطراد

[طير حر]

السلام عليكم ورحمة الله وبركاته

الاخوة الاعزاء عند مشكله في مكائن الطراد نوع ياماها 200 ما تشتغل بسرعه وايضاً عندي مشكله في تبريد احداهم اذا تعدى الاربي ام 3000 تسخن وتصفر

فمحتاج فزعتكم اذا في احد يعرف من يعمل لها صيانه عند المنزل اكون شاكر ومقدر اذا يرسل لي رقمه علما بان مكان اقامتي الدمام

ولكم تحياتي

[خذاني الشوق]

حياك الله فيه الدمام ماشاء الله واجد المكانيكية يجون الى عندك في الدمام واحد ينقاله بوخليفة صراحه ماجربته لكن في واحد يمدحه وفي كم هندي لكن مااعرف ارقامهم لكن بو خليفة عندي رقمه وبعد اذان الاداره هذا رقمه 0595222067

[طير حر]

مشكور يالغالي وبيض الله وجهك ومن يقرا

[طير حر]

كلمته ويقول مشغول وانا مستعجل اذا فيه احد ثاني اكون شاكر

[albhar-gulf]

أخوي المشكلة في الثلاجة يمكن متجمع داخلها أملاح من البحر أوشوائب قبل كل شي شغل المكائن وراقب
خروج المويه دفع المويه قوي أو ضعيف أن كان كان ضعيف هنا تكون المشكلة لها عدة اتجاهات
1- التشييك اولا بفصل الهوز اللي طالع من الثلاجة وادخال سيم يفضل ان يكون ابرة المشك داخل الثلاجة بطريقة تنظيف الفتحة ممكن تكون مسدودة أشوي
2- تغير الهوز بعد التأكدان لم يكن نظيفا
أ- ان لم يصبح الدفع أقوى لابد من فك الثلاجة وتنضيفها من الداخل
ب- أو فراشة دفع الموية اللي فوق القيرمقطوعة منها ريشة
وأرجو التأكد المهندس/ عبدالله راح يفيدك أكثر مع الشكر الدائم له وعلى نصايحة المفيدة

بحار الخليج

[طير حر]

مشكور يالغالي وماقصرت وان شاء الله يتم التشييك

[طير حر]

الله يعطيكم العافيه وما قصرتم

كلمت ابو خليفه جزاه الله خير وجاني لعند البيت وفكينا الروس وفعلا لقيناها مليانه من الملح
نظفها وغير الوجيه والامور طيبه ولله الحمد
باقي ننتظر الجو يزين وننزل البحر نجرب