سؤال لأهل الخبره

[عاشق السبق]

ياجماعة الخير ابغا استفيد من خبرتكم ....


ايش افضل الفيتامينات للطير

..... والسؤال الثاني هل قلب الغنم مفيد للطير....... منتظرين الاجوبه

[بدوي نمبر ون]

قلب الغنم ماسمعت ولا شفت ان له فايده
بس اللي اعرفه ان الرئه تهضم الاكل وتنضف فرسة الطير
مثل الجربوع
اما بالنسبه للفيتامينات افضلها اللي موجوده بمستشفى فهد بن سلطان
يجي بعلبه صفرا وهي ع شكل بودره تنثر ع العلف
موفق

[قلب ذيب]

انا اقول . . . دائما مانقدم قلب الذبيحه للطير بعد ازالة الشحم منه وندس فيه السكر والموميان فياكله الطير على غفله , كما ان قلب الذبيحه جيد للطير حيث يهضمه بسرعه خاصه اذا كان وراه مقناص .
. . واذكر صدنا ذيب في شرق حزم الجلاميد بالقرب من الناي , واعتقد انه داخل من العراق او جاي من الحره قبلينا , وقاموا الربع وتقاسموه اللي خذا راسه واللي جلده واللي مواطيه , انا خذيت القلب وعشيت طيري منه ( فرخ شاهين وحش ) حد قال بيثر عليه وحد قال بيقذفه وحد قال بيضعفه , وابد عند الصباح كان الطير مرتاح ومحطه زين وهمته عاليه وسميته ( قلب ذيب ) واشتقيت اسمي منه .

[عاشق السبق]

شكرا اخواني( بدوي نمبر ون)و (قلب ذيب ) افدتوني مااقول اللا الله يكثرمن امثالكم