تعليمات هامه يحالة الضياع او الغراز

[شرخاوي]

السلام عليكم ياهل مكشات

خلال اسبوعين فقدنا عبدالله السنيدي وعبدالرحمن العجلان خلال مقناصهم بالبر

الله يرحهم ويغفر لهم ويصبر اهلهم



انشر هالطريقه لاهل البر اذا لاسمح الله شخص ضايع او مغرز ولا قادر يطلع موتره

من ثاني يوم له يحرق واحد من الكفرات يسهل على عملية البحث عليه

ويفضل قبل لا يطلع يبلغ اهله متي يرجع ووجهته للمقناص

[ABO AZZAM 123]

جزاك الله خير

[تساهيل1]

الله يرحم اموات المسلمين
فاجعتين في وقت قصير الله يصبر اهلهم
ويعظم اجرهم

بس ماتلاحظون هاليومين كثرة حالات الضياع
ماسمعانها من قبل.. ومشاكل السلاح والمزارع..ورمي بعض بالخطأ والطفاقه
وهوشه على طير او ظل طلحه
.والناس اللي كدش وسيدان وزنن تحولو
الى جيوب وشيل وحط في عشيه وضحاها
والمشكله على عماها
فلذالك لا تستغربون الحوادث المفجعه
مره رمي بالخطأ ومره متهاوشين عند سمانه ومتذابحين بالسلاح
ومره مقطعين شبك مزرعه ومتهاوشين من صاحبها
ومن تحليلي والله اعلم

1_فئه من الناس تتوقع ان الرجوله في البر
2-فئه من الناس تحسب الصيد تصوير ومفاخره
وابتلو البر والحيوانات مايخلون شي مايرمونه بالنار
3-فئه منطلقين مع الخلق ..معهم معهم او عليهم عليه
بدون وجهه فقط اثبات للذات


فلا احد يحرق كفر ولا ياخذ قارمن
يقول المثل من قلد المشيتين ضاع
كلن يمسك نظامه اللي تربى عليه
والله يستر من القادم

مع تمنياتي كل خير للاحبتي واخواني
المسلمين على وجه المعموره

[إبريلي]

قدر الله ومشاء فعل صحيح الحذر لاينجي من القدر اولا الاخذ بالاسباب ابلاغ الاهل بتجاه طلعك والتواصل معهم او احد الاصدقاء الي تثق بهم وتوفير جهز الكنود في حال عدم وجود شبكه لتواصل مع اقرب جهاز حولك في حال لاسمح الله وقعت بمثل هلموقف وبعض الناس هداه الله يقول موتري جديد ومعي اجهزه وكذا ويضرب مهالك بعيده عن ابراج الجوال كربع الخالي وغيره لان اغلب الي توفي رحمهم الله مغرزين بالنفود ومافيه شبكه وما حولهم اوادم واذا طلعت : لصيد لاتصيد قريب من القرى ومرح المواشي والمزارع المشبكه يعني ابعد عن الشر وغنيله
واخيرا الله يستر على مسلم .

[هآوي الصيد]

الواحد يكون حذر ..

مو اي طعس يطب فيه .. ولا اي طريق يروح له ..

عينتك مرآتك .. ميز وشاور نفسك في الشي قبل تروح له ..

الاستعجال والمخاطره ماهو زين ..