المساعد الشخصي الرقمي

مشاهدة النسخة كاملة : اسمع صوت جروشه مابين ال10 وال20


أوراق مبللة
16/09/2013, 11:21 PM
السلام عليكم لدي سيارة بيك اب نيسان ددسن دبل

ركبت له لعاب تقريبا طوله 24 سم

بعد ما ركبت اللعاب خرج صوت جديد ..

صوت جروشة تقريبا ما بين سرعة 9 إلى سرعة 20 ..

ثم يروح!

ملاحظة
*يخرج الصوت فقط أذا دعست على البنص أما إذا رفعت رجلي عنه الصوت يذهب!
*أحدهم قال لي ممكن انه من الشيال او الصليب ، وأحدهم قال ما فيهن شيء!




أفتونا مأجورين
MSAN
17/09/2013, 10:08 AM
بما انك رفعت السيارة.. لازم تنزل القير عشان يرتاح وترتاح الفلنجة والعمود والصليب..


نزل القير..



بالتوفيق
أوراق مبللة
17/09/2013, 12:52 PM
بما انك رفعت السيارة.. لازم تنزل القير عشان يرتاح وترتاح الفلنجة والعمود والصليب..


نزل القير..



بالتوفيق



طيب لاهنت تنزيل القير :

*كيف طريقته ، هل استطيع في المنزل ام يحتاج ورشة ؟
*هل يحتاج شراء قطع!
*هل يضر ؟ أو له أضرار جانبيه مستقبلية؟

ولاهنت يالذيب:heart:
حاميش
17/09/2013, 08:09 PM
بما انك رفعت السيارة.. لازم تنزل القير عشان يرتاح وترتاح الفلنجة والعمود والصليب..


نزل القير..



بالتوفيق



كلام صحيح

نزل القير

الطريقة سهله ولكن تحتاج إلى حفرة زيت علشان ترتاح وأنت تشتغل

( تجيب عفريته أو عفريتتين وترفعهم إلين يوصلون الكمر اللي شايل القير وتتأكد إنهم ماسكات صح وبعدها تفك مسامير الكمر اللي مثبتته بالشاص / الدفع الرباعي تجي أربع مسامير في كل جنب أما الصغار ما أدري عنها كم مسمار وبعد ما تفك المسامير تروح لأطرف قطع غيار وتشتري منه مسامير نفس السنة ولكن أطول وتشتري كم ورده نفس مقاس المسمار ، بالنسبة للوردات حسب التنزيله ممكن للمسمار الواحد 4 وردات أو 5 وترجع لبيتكم وتنبرش تحت الموتر مره ثانية وتنزل بحذر من العفريته سواء اليمين أو اليسار إلين تشوف فراغ كبير بين الكمر والشاص تركب أول مسمار والمسافة في الكمر والشاص تحط 5 وردات بحيث إنك إذا شديت المسمار يكون فراغ بين الكمر والشاصي وتسوي الطريقة ذي مع الشلة كلهم )

و أي أستفسار راجع أقرب ورشة
MSAN
18/09/2013, 10:56 AM
هلا بك أخوي..


هذي أمثلة على تنزيل القير.. تختلف من سيارة لأخرى لكنها نفس المفهوم


http://www.bc4x4.com/pr/2002/bds-xj/bds-xj-10.jpg



http://jeephorizons.com/tech/tcasedrop/tcase4.jpg


http://carphotos.cardomain.com/ride_images/3/3367/41/33415020017_large.jpg


http://www.rocky-road.com/media/tjtcase1.jpg





اكتب في قوقل/
transfer case lowering
وراح تلاقي كل شي.. حتى مقاطع فيديو



بالتوفيق
أوراق مبللة
22/09/2013, 08:19 PM
لاهنتوا ولا عدمنا الطيبين لكن الورشة بكم ينزلونه؟
وبارك الله فيكم نسمع من الباقين عن سبب الصوت..