المساعد الشخصي الرقمي

مشاهدة النسخة كاملة : الفورشنر استفسار من اهل الميكانيكا والخبرة؟؟


abu fars
17/09/2013, 08:48 AM
السلام عليكم جميعاً

صبحكم الله بالخير يالمكشاتيين


يالربع حبيت اسئل اهل الخبره والميكانيكا


انا عندي واحد فورشنر سته سلندر قير عايدي وثقيل بنمره اثنين بالنفود وفكيت الدفع الرباعي وفرقت الموتر ستين بالمية

بس ماضل انه يبرد بثنين لطول نفس الموتر لانه بالاول 60 وبالثاني 110

مايشد الا عقب الستين

السؤال هنا هل فيه حل مثل تركيب كلتش رياضي وبيقوى الموتر وينشط ولايبرد بثنين؟؟


والا اني افكر ابدل القير بقير تماتيك وكم تكلفة القير التماتيك للفورشنر؟؟


ارجوا من الخبره افادتي وجزاكم الله خيراً

اخوكم ابوفارس
MSAN
17/09/2013, 10:05 AM
هلا بك اخوي..

الكلتش ماله دخل في برودة العزم..

أتمنى يفيدونا الاخوان عن قير الفورتشنر كم نسب تحويل الدوران في كل نمره..؟ كم (الريشو) للقير..؟


لو نزل منه ديزل.. ركب قير ديزل لأنه غالبا يجي حاشر أكثر من البنزين..


ونصحيتي لك.. خله شد بلد لا تسوي فيه شي..


بالتوفيق
محمد الجرادد
17/09/2013, 10:06 AM
اسمع وانا اخوك كير الفورتشنر غير عن باقي القيور لانة حق عزم مهو سرعة ركبلك قير شاص ولا ربع الانة قير الفورتشنر الي اعرفة انة قير هايلكس
مايعطيك القدرة الي انت تبيها
abu fars
18/09/2013, 08:09 AM
هلا بك اخوي..

الكلتش ماله دخل في برودة العزم..

أتمنى يفيدونا الاخوان عن قير الفورتشنر كم نسب تحويل الدوران في كل نمره..؟ كم (الريشو) للقير..؟


لو نزل منه ديزل.. ركب قير ديزل لأنه غالبا يجي حاشر أكثر من البنزين..


ونصحيتي لك.. خله شد بلد لا تسوي فيه شي..


بالتوفيق

حياك الله اخوي

الله يعطيك العافية على المعلومات يعني لو مالقينا حل ندور لنا تماتيك؟؟

مع ان والله الموتر عارف مافيه ماودي افرط به




اسمع وانا اخوك كير الفورتشنر غير عن باقي القيور لانة حق عزم مهو سرعة ركبلك قير شاص ولا ربع الانة قير الفورتشنر الي اعرفة انة قير هايلكس
مايعطيك القدرة الي انت تبيها

حياك الله ياخوي قصدك قير الفورشنر حق سرعة مب عزم هع

بننشد اتوقع ان قير الفورشنر هو نفسه حق الشاص

قير الفورشنر هو نفس قير الهايلكس دفرنسين

الله يعطيك العافية وماقصرت
abu fars
18/09/2013, 08:10 AM
ننتظر البقية من اهل الخبرة

واهل التجارب هع
زيد المحمد
18/09/2013, 10:10 AM
ابي افهم ليش ودك تركب قير اتماتيك

اي جيب ما يطلع الا بنمرة واحد حتي التماتيك يشد باول نمرة يعني ما استفت شي
طبعاً اتكلم في الطلوع
من تجربه اف جي ما يطلع الا حاط القير علي L
لانه تمد الي ٦٠
فا الفكرة وحده في العايدي والتماتيك
لاكن العايدي يتميز في الطلوع القوي انك تعشق الدبل الثقيل وتعطيه نمرة ثلاثه ويطلع مشاء الله
MSAN
18/09/2013, 10:39 AM
حياك الله اخوي

الله يعطيك العافية على المعلومات يعني لو مالقينا حل ندور لنا تماتيك؟؟

مع ان والله الموتر عارف مافيه ماودي افرط به




هلا بك أخوي..

أنت أصلا ماعندك مشكلة عشان تدور الحل :D

نصيحتي لك.. خله شد بلد.. مامثل شد البلد..


الا اذا ان دراهمك زايدة وتبي تخنبق وتعدل وترهم.. :D


وفقك الله
abu fars
18/09/2013, 01:32 PM
ابي افهم ليش ودك تركب قير اتماتيك

اي جيب ما يطلع الا بنمرة واحد حتي التماتيك يشد باول نمرة يعني ما استفت شي
طبعاً اتكلم في الطلوع
من تجربه اف جي ما يطلع الا حاط القير علي L
لانه تمد الي ٦٠
فا الفكرة وحده في العايدي والتماتيك
لاكن العايدي يتميز في الطلوع القوي انك تعشق الدبل الثقيل وتعطيه نمرة ثلاثه ويطلع مشاء الله

خخخخخخخخخ

مالقينا لنا شغل /// تدري ليش يجيني طواري اني اقلبه تماتيك والا اركب شي يقوي نمره اثنين مايبرد خاصة اذا صرت بالشعبان وهديت عند الطلاح ندور لنا طيري القمري والا الصفاري والموتر يمشي 20 او ادون اعطيه مايمشي بعض الاحيان يغرز بالمرمال الخفيف لازم ترده لواحد هذا اللي مضيقن صدري لكن لوه لاند نمرته قويه يقبل ويمشي

فياليت القى لها حل

ولو انه تماتيك وعطيه ولاقوى يمشي باثنين يرد واحد والموتر مرتاح ولايلقلق ولاشي

هذي ميزه

وصحيح التماتيك مايرقى الا بنمره واحد بالنفود الطلعات القويه والمتوسطة ..


على العموم الله يجزاك خير نفيد ونستفيد الله يعافيك


هلا بك أخوي..

أنت أصلا ماعندك مشكلة عشان تدور الحل :D

نصيحتي لك.. خله شد بلد.. مامثل شد البلد..


الا اذا ان دراهمك زايدة وتبي تخنبق وتعدل وترهم.. :D


وفقك الله


تهقاه اننا نقعد على شد البلد /// خخخخخخخ:D:D:D

عز الله انك صدقت مابه مشاكل لكن عيب بسيط ياليت القى له حل مالقينا الشكوى لله

والله الدراهم ماهنا زود نباري الساس يابعد حيي


الله يعطيك العافيه افدتن واستفدتن وبسمتن :D:D:D

الله يوفقنا وياكم
المنيعي1
18/09/2013, 01:49 PM
اذا جازم علي الترهيم
تأكد من قير الشاص والربع اذا يركب تركبه يكون حاشر
مهند 2009
18/09/2013, 10:12 PM
وعليكم السلام

جرب الدبل الثقيل وخل تعشيقك من الثالث وطالع

واللي يظهر لي أن التماتيك أردى من العادي حتى لو كان يرد نمره على كلامك

وبخصوص قير الربع والحوض اللي أعرفة أنة يبرد باثنين يعني نفس الحكاية

والله أعلم
sgl2002
18/09/2013, 10:31 PM
اي موتر دبل بتغاريز وبدون تنسيم مستحيل يمشي باثنين الا لين ماتعطيه حقه بالاول
abu fars
29/09/2013, 11:06 AM
اذا جازم علي الترهيم
تأكد من قير الشاص والربع اذا يركب تركبه يكون حاشر

والله هذي يبلها ناس فاهمين بقيور التويوتا

ننتظر اهل الخبره /// يارب يمرون اهل الخبره هع:D


وعليكم السلام

جرب الدبل الثقيل وخل تعشيقك من الثالث وطالع

واللي يظهر لي أن التماتيك أردى من العادي حتى لو كان يرد نمره على كلامك

وبخصوص قير الربع والحوض اللي أعرفة أنة يبرد باثنين يعني نفس الحكاية

والله أعلم


انا سمعت واحد من العوال معي شاص 2012 فاكه جديد وكان معه شاص موديلها 2000 يقول القديم انشط من الجديد

الجديد يبرد بنمره اثنين يلقلق بالرقيات والقديم مابه خلاف والله اعلم


اي موتر دبل بتغاريز وبدون تنسيم مستحيل يمشي باثنين الا لين ماتعطيه حقه بالاول

انا خابر يابعدي بس المفروض بالشعيب يمشي بنمره اثنين تخيل بمشي الشعيب كله بنمره واحد اذا صار به مرمال شي يضيق الصدر لانه يبرد بثنين

وسلامتكم جميعاً


يارب يمرون اهل الخبره:D
عبادي464
30/09/2013, 04:25 PM
الربع ب 2 يتف على80
abu fars
06/10/2013, 11:44 AM
الربع ب 2 يتف على80

كم موديل موترك يالذيب؟؟
عزوز بيك اب
24/10/2013, 02:02 AM
القير استه يقولون انه تايلند والربع سلندر فلبيني صحيح
شاق النفد
24/10/2013, 07:32 AM
القير استه يقولون انه تايلند والربع سلندر فلبيني صحيح

ويقولون الدفرنس بنقالي ههههههههههههههههههه
شاق النفد
24/10/2013, 07:44 AM
وانا اخوك اللي حاصل في موترك ان كارونة دفرنسه ماهيب محشوره يعني عدد التروس فيها شوي وميزتها في السرعة والخط
اما الشاص والربع كوارين دفرنساتها محشورة يعني عدد التروس فيها واجد وميزتها في القوة والعزم
مع العلم ان الشاص والربع والفورشنر نفس المكينة والقير
فهد ابو
21/04/2014, 12:26 AM
كلتش الفورتشنر ضعيف وخاص في اماكن الوعر الجبال على طول تطلع ريحة الكلتش وانا عندي 2009 قير عادي والله ان عزمه زباله وحرام فيه الفلوس ونصيحه لا تخسر تراني غيرة صحن كلتش كامل مع الفحمه والموتر ماشي 70 فقط ولا نفع شي وبالعكس طلع صوت الفحمه بعد 30 الف فقط لا يجيني واحد يقول رجلك ثقيله على الكلتش مواتري كلها قير عادي لكن والله انه اعفن موتر شريته وخاصه لاهل المقناص في الضلع ومطراد الارنب وبطنه نازل يدق في الحصاء في الطرد وسلامتكم
XTERRA -2010
21/04/2014, 06:41 AM
كلتش الفورتشنر ضعيف وخاص في اماكن الوعر الجبال على طول تطلع ريحة الكلتش وانا عندي 2009 قير عادي والله ان عزمه زباله وحرام فيه الفلوس ونصيحه لا تخسر تراني غيرة صحن كلتش كامل مع الفحمه والموتر ماشي 70 فقط ولا نفع شي وبالعكس طلع صوت الفحمه بعد 30 الف فقط لا يجيني واحد يقول رجلك ثقيله على الكلتش مواتري كلها قير عادي لكن والله انه اعفن موتر شريته وخاصه لاهل المقناص في الضلع ومطراد الارنب وبطنه نازل يدق في الحصاء في الطرد وسلامتكم

بطنه نازل !!!!!

كيف حالك اخوي

تم الإرسال من جهازي SM-N9005 بواسطة تاباتلك 4