لأهل الخبرة في الدرابيل ارجوا المساعدة

[كاشت في الحوش]

السلام عليكم ورحمة الله وبركاته،

أخواني شريت فايروخ 80 وكان عندي دريبل على خرازة الزبدة اني ركبتها على الفايروخ وعجزت اوزن الهدف فهل من طريقة عن ذلك أرجو المساعدة.
ولأهل الرياض إذا خبرتو لي احد يوزنها تكفون دلوني ولكم جزيل الشكر

[قـــــــناص]

وعليكم السلام

اخوي انصحك اذا كان بتوزن تركب قواعد صح لوهي غاليه لأن الساكتون فيه ارتداد قوي على الدربيل واما بالنسبع للوزن ثبت الساكتون بملزمه على خشبه او اي شئ ثابت وارم بعدين انظلر من خلال الدربيل وابداء حرك مسامير الوزن عكس في اغلب الدرابيل

[الضاحي]

وعليكم السلام يا كاشت في الحوش

شوف يا اخوي، فيه ثلاث طرق لوزن الدربيل على البندق:

1- انك تسوي مثل ما قال اخونا قناص فوق وهذا بيعطيك خبرة (تدريب) خاصة انك ترمي بساكتون يعني الرصاص ما عليه حسوفة ورخيص.

2- انك تعطيها لأحد خوياك المتمرسين في الشغلة يوزنها قدامك ويشرح لك .

3- انك توديها لحد محلات بيع السلاح في الرياض مثل الرماية في شارع التخصصي وهم يوزنونها لك بمبلغ بسيط بس لازم تجربها وانت عندهم .

قبل كل هذا تأكد ان الدربيل سليم ومافيه عطل داخلي في الموازين .

اتمنى اكون افدتك والسلام عليكم .

[عطشان]

الي أعرف انه يوجد جهاز شكل الدربيل وهذا الجهاز في علبة وداخل العلبة مجموعة عصي حديدية بحيث يكون
لكل بندقة سواء كانت ( ساكتون - رشاش - نبوت- )عصا ....تدخلها في راس القصبة (الماصورة )
من فوق ثم تركب دربيل الوزن
طبعا الدربيل حقك مركب مكانه وابدأ عملية الرمي والوزن تراها سهلة بالمرة
لابدأن يتقاطع علامة × في دربيلك مع علامة × في دربيل الوزن
الجهازيباع بحوالي 280 ريال في محلات الصيد
نصيحة إذا انوزن معك الدربيل خذ معك مساكات (قـفـيـز) تشبه مساكات ليات الغاز لكن نوع كبير كبير مرة وضعها على الدربيل
وأربطها مرة تغنيك عن تركيب مثبتات أخرى
أتمنى أن أكون وصلت لك المعلومة
ولك تحياتي