المساعد الشخصي الرقمي

مشاهدة النسخة كاملة : الطير توة فاك اقطابة


j.b.k
17/09/2013, 04:41 PM
السلام عليكم يالربع الطير توة فااك اقطابة وبس ابي ابرقة يخاف و يبدآ يصيح ..... ( اول يوم الي هو امس، لما فكيت اقطاب الطير ما يرضى امسح علية و اول ما امسح علية يصيح بس اليوم لما نقلت الطير فترة طويلة بدآ ما يصيح لما امسح علية ...... بس المشكلة لما ابي ابرقة يبدا ايصيح و يكافخ





وش الحل هل الصياح بيروح بعد فترة؟؟؟؟
عاشق السبق
17/09/2013, 05:03 PM
اخوي الطير وحش.........


اذا وحش هذا شيئ طبيعي ....
و اذا كان مصقور فانه يخاف من البرقع............ نصيحه لا تبرقعه اللا اذا وقف صياح عشان ما يخليها عاده
هذا اللي عندي الاخوان راحيفيدونك اكثر
قلب ذيب
17/09/2013, 08:34 PM
الطير مازال خايف ويعتقد ان البرقع مثل القطاب
اصبر عليه وشوي وانقله , لكن في الاخر لازم تبرقعه وتحسسه ان البرقع يختلف عن القطاب
بالتوفيق .
j.b.k
17/09/2013, 09:41 PM
اخوي عاشق السبق اقوللك الطير توة فااك اقطابة فشي اكيد انة بيكون وحش .... على اي حال شاكرلك مرورك.
j.b.k
17/09/2013, 09:42 PM
قلب الذيب يعني بعد فترة الصياح بيروح لما ابرقة.
هم الشمالي
17/09/2013, 11:09 PM
اخوي كل الطيور في البدايه تصيح ومع الوقت والتدهيل تهدا وتصير موالفه وانت لا تستعجل خل صدرك وسيع والطير يبي صبر واذا برقعته لا تفك البرقع كل شوي خله مده طويله بساعات ومسح عليه وهو مبرقع وحاول في البدايه اذا فكيت عنه البرقع لايكون حولك احد بس انت وبيهدا إن شاء الله
فاارس
17/09/2013, 11:41 PM
ما ازود على كلام اخواني بشي / بس اهم شي الصبر طول بالك وبتزين طبوعه ..
وفالك النوماس والله يطعمك من صيده ويجملك ..
THE SNIPER H
18/09/2013, 02:48 AM
اخي الكريم
الطير يصيح لانه خايف منك ومن البرقع
ولكي تتجنب صياحه ولا يكون عاده سأقول لك علي فكره عن تجربه ستجعل الطير يحب البرقع ويتمني ان يلبسه
وهي ان تضع للطير قطع لحم بحجم عقلتين من اصبعك وعندما يأكلها البسه البرقع دون ربطه ثم اعطيه قطعتين اخرتين ثم انتظر دقيقه واخلع عنه البرقع
وكرر العمليه حوالي خمس مرات ثم اربط البرقع ثم اعلفه بالبرقع حتي يشبع واتر كه بالب قع مع نقله علي يدك
كرر العمليه لمده 5 ايام ثم ابلغني بالنتيجه
ارجو ان اكون افتك
j.b.k
18/09/2013, 04:53 PM
شاكر على مروركم
قلب ذيب
18/09/2013, 09:49 PM
مع تقديري للجميع انا لا احبذ تنسير الطير في برقعه ؟ لأن بعض الطيور عندما تنزع منه البرقع وقت الهدد يقعد يناظر البرقع ويدور للنسير فيه ! لأنه جائع ومتعود على النسير في البرقع ولايناظر الصيده! بأذن الله الصياح بيروح عنه بعد التدهيل . . . الا اذا كان الطير جني عش . . . والله اعلم .
ابرق الحرار
21/09/2013, 03:55 PM
الا اذا كان الطير جني عش . . . والله اعلم .
[/QUOTE]


كلام سليم 100%
j.b.k
21/09/2013, 07:07 PM
وش تقصد بجني عش؟؟
فاارس
24/09/2013, 12:23 PM
وش تقصد بجني عش؟؟



مقصد اخوي قلب ذيب/ انهم ماخذينه من عشه واهو فرخ صغير قبل يتعلم الطيران والاعتماد على نفسه ..
حورس
24/09/2013, 10:35 PM
يا اخوانى ما هى الطريقه الصحيحه الى تكون سهله و تجيب نتيجه حتى يستطيع الرجل فهمها سريعا و تطبيقها و يبدو انهوم مبتداء مثلى :D