سنه على الهايلكس 2006 والنتيجه ؟؟؟

[مهيلان]

السلام عليكم
اخواني الاعضاء ورمضان مبارك
سنه كامله من استخدام الهايلوكس 2006 كفيله بمعرفة عيوبه وايجابياته خاصه انه مر عليه جميع الاحوال الجويه وتقلبات الطقس من حر شديد وبرد قارس .. واستخدمه اكثر اهل البر والطلعات واستخدمه اهل المراقى والتطعيس واستخدمه اهل الديره ...
المطلوب من جميع القراء المشاركه بما يعرفه عن الهايلوكس الجديد من واقع تجربته او تجربة صديق او قريبه
..ما هي المشاكل والعيوب وما هي الايجابيات
،، هل هناك فرق بين الدفعه الاولى والثانيه ..
،،ماهي قصة احتراق 11 سيارة هايلوكس بسبب عيب مصنعي ,,


انتضر مشاركاتكم لتعم الفائده ودمتم سالمين

[الكوسه]

ملاحظه: هذي مشاركه وهي اول مشاركه رداعلى الاخ ساموده اكررها للاخ مهيلان واخرون لم يقرأوها


السلام عليكم ورحمه الله وبركاته

اشكر القائمين على هذا الموقع والاخ ايمن جزاه الله خير
مع اني لي كم سنه اتردد على هذا الموقع واتصفحه واتصفح مواضيعه ولم اسجل الافي هذه اللحظه غصبن علي خلتن اشارك علشان ارد على الاخ ساموده ومهيلان
في الاونه الاخيره نزلت الهيلوكس الا 2006 جعلت الناس هرجتهم (مهيب زينه خربت ياليت الياباني يعودة يوما) ومن هالخرابيط هذي يعني زي (موال) الأ 2002 يوم يقولون وععععععععععع وجهيته صارت ايكو ومدري وشلون وضعيفه
وقعدت شهرين سعره ارخص من 2001 لما غلت 2002وصارت هي الاافضل بخاخ ويالله من فضلك والاوله كلبريتر والحين مرغوبه ثمن رخصت 2001
لذالك اخوي ساموده ماودي اطول عليكم كان معي هيلوكس 97 وبعته وشريت 2006 اول ماطلعت ماله ولا 3 اسابيع وجو لمي الناس وشوله تشري ومدري وشلون من القهر بغيت ابيعه وهالحين لي سنه حكم وهي معي مشت 54000 الف وهي ماهنا نفود الا وطبيته ولاهنا خلاف سافرت وكشت وصيدت. مكه, الدمام, رفحا ,(والقصيم و الرياض) كل اسبوعين ولا اسبوع ولله الحمد زييييييييييييييييييي الوكاله جدييييييييييييد ولا اشتكت معن اني اعلك علك الحمير واطعس
والصدام الي قدام اللي اشغلونا عنده ماجاه شي الحمدلله وانا اصدملي هاك النفد ولا به خلاف اللهم اني رافعه مع قدام وحاط صاجه ومركب مراوح وجنوط مرسدس وماشيه معي زي العسل لذالك اخوي ساموده طقلك وحده دفرنسين واستانس دامه رخيصه اول شي وسييييييييييعه ومريحه لانهم شالو المساعدات وحطو ياي (سسته بمعنى اخر) صارت مركب رومنسي وفي ميزه تنسيم الهوا مع الدوس مافييييييييييه اي ازعا زي الكامري او الجيوب
واخف من ال2005 ب300 كيلو ماكنت اتوقع الصراحه الا يوم قالي واحد بنفس الستكر حق الباب
لذالك لايهمونك العذال ترا هرج الناس واااااااجد والهرج ببلاش هماه وترا الي يبربر بالهرج ماجرب السياره شافه وحكم احمد ربك بس
ومعلوميه الدييزل تيربو الجديده يعني انشط واقل صوت وحنه منول تدوس وتحن وتاكل بندول الحين لا يجيك النوم من الراحه
ومعلوميه اخرى قوله تايلند وهالخرابيط هذي اللي اشغلونا عنده العالم هداره ودباشه وجهل الصراحه يعني احللك الموضوع
اولا: الوكاله قالت تااااااااااايلند مهوب تاااااااااايوان وتايلند صناعتهم عريقه وحلوه
ثانيا: سبب قوله تايلند الله يسلمك ياخلفهم هي ان العامل الياباني غالي تكلفته والعامل التايلندي ارخص لذا قالو الشركه نعطي التايلند القطع وهم يركبونها يعني بالنقليزي القطع يااااااااااااااااااااباااااااااااااااانيه والتركيب تايلندي

لذا اخوي ساموده فكلك وحده واطرب زمانك ولايهمونك العذال
وازووووووووووود على الموضوع:
سعر ال2006 الان اغلى من 2005 والاختلاف اللي بين 7 و6 راحت السكسوكه ورجعو الصدام الاول

وسالفه الاحتراق كانت بسبب الكنداسه لان لو تلاحظ لامشي مسافه طويله يحتمي الصندوق من الدبه الكبيره حقت الكنداسه وعدلوه ولله الحمد
وسلامتكم,,,,,,,,,,,,
واسفين على الازعاج<!-- / message -->

[GMC 87]

السلام عليكم ورحمة الله وبركاته
أخوي من الملاحظات على الهلي أنه في حالة التوقف المفاجئ عند السير بسرعة قد تصصل إلى 140كم أنه تنقلب
على وجهها أو على جنب
على الوجه يعني أن الخلفية ترتفع إلى الأعلى وتنقلب إلى الأمام على التنده

[GMC79]

عندنا واحد دفع رباعي وش زينه كنه جيب

[مهيلان]

اولا : اشكر المشرف على التثبيت ..
ثم اقول للاخ كوسه كفيت ووفيت ونقلت لنا تجربة عام كامل لكن اتمنى ان تدخل هالرابط وتحكم بنفسك
احتراق 11 سيارة بسب عيب مصنعي (http://www.alwatan.com.sa/daily/2006-06-02/local/local20.htm)
http://www.mekshat.com/pix/upload/images21/mk4024_0206.nat.p8.n892

عندنا نحن السعوديين قناعة تكونت مع مر السنين واتمنى ان تكون غير صحيحه وهي ان اول موديل تتغير فيه السياره شكلا ومضمونا فهو اردى واقل جوده من اللي قبله او انه موديل خاص بالتجربه والاختبار ويتم تدارك الاخطاء في الموديل الذي بعده ومن وجهة نظري قد تكون غير صحيحه لان عندما يباع اول دفعه من موديل 2006 مثلا فان موديل 2007 قد تم صنعه في خطوط الانتاج .. قبل يدرون عنك يا السعودي هو جاز لك الموتر والا لا .
لكن الواقع يقول كذا فالكامري 2003 تشهد بهذه النضريه . والداتسون 98 . وقد يكون الهايلوكس 2006 ضمن القائمه

GMC 87 كلامك صحيح لذلك ننصح بتركيب دعامة حديد في وجه السياره امتداد مترين حتى تمنع الانقلاب .

GMC79 شكرا لمرورك

وننتضر المزيد من التجارب

[قناص الوعول]

سمعت ان الهايلكس 2006 الشكمان قريب من بدي السندوق ودايم تحرق تلبيسة السندوق وهاذا كلام واحد من الشباب ولكم تحياتي

[Abu Saad]

بتكلم عن تجربة .
عندي هايلوكس 2006 دفرنسين ديزل تيربو فل كامل (مخشب) فكيتها ب 73 للشايب الله يحفظه..
صراحة ما اقول الا يالله العوض ... ثقيل جدا في القومة وفي الممشى .(موتر شيبان)
لوكان بنزين ربما يكون افضل واخف نفس...
على الرغم ان عندي قاعدة من واقع تجارب وهي ان الدفع الرباعي ال4 سلندر يعتبر (خرابيط) سواء ديزل او بانزين وفي جميع الماركات سواء ددسن او هايلكس اوسوزو . وجميعها جربتها شخصيا 4×4 خرابيط وعبث...الدبلات يبغى لها 6 سلندر على الاقل .
هذا ما جربته .
والسلام عليكم

[راعي الهـــدد]

بتكلم عن تجربة .
عندي هايلوكس 2006 دفرنسين ديزل تيربو فل كامل (مخشب) فكيتها ب 73 للشايب الله يحفظه..
صراحة ما اقول الا يالله العوض ... ثقيل جدا في القومة وفي الممشى .(موتر شيبان)
لوكان بنزين ربما يكون افضل واخف نفس...
على الرغم ان عندي قاعدة من واقع تجارب وهي ان الدفع الرباعي ال4 سلندر يعتبر (خرابيط) سواء ديزل او بانزين وفي جميع الماركات سواء ددسن او هايلكس اوسوزو . وجميعها جربتها شخصيا 4×4 خرابيط وعبث...الدبلات يبغى لها 6 سلندر على الاقل .
هذا ما جربته .
والسلام عليكم



لله درك اصبت كبد الحقيقه

نصيحه لوجه الله اترك عنك الأربع سرندل تراه قهر

والله يقهرك اسأل مجرب

عليك بالعز والمعزه الجيب عطيت الله
يعنبو من اصنعه

[راعي الخرازه]

يعطيك العافيه اخوي على الموضوع ...
بالنسبه لي عندي دفرنسين فل كامل الي هو سوبر جي ال اكس ماشي الان 30000 الموتر ثقيل مايتحمل بمعنى الكلمه الطارة الان بها صوت تقل 88 انواع الطققه ورا وفيه صوت المكيف اذا اشتغلت المروحه تقل ديزل انا اقول هو يصلح لواحد يطلع بالسنه مرة لكن لكم لراعي الكشتات والجلد والمقانيص لا والف لا

[غضنفر]

راعي الخرازه
موترك ديزل او بنزين

[راعي الخرازه]

بنزين يالغالي

[تــــوني]

اما انت يا مهيلان وgmc87 كلامكم يفطس ضحك

ينقلب على وجهه وين سيكل خخخخخخخخخخخخخخخخخخ

والا الدعامه الحديد مترين قدام (هههههههههههههههههههههههه)

( الشكمان قريب من الصندوق هذا في الغمارة بس وفعلاُ فيها مشاكل وذكرها احد الزملاء وعنده غمارة ولكنه تفادى المشكلة بتركيب عازل (صاجة تجي فوق الكنداسة) وحلها سهل )

صوت الطقطقه مع المكيف هذا فعلاً موجود وعندي المشكلة نفسها بس لاحظت انها على باصات التويوتا بعد نفس الحكايه واذا ضغطت الكلتش يروح الصوت واتوقع انه من الدزق والكلتش او الفحمة ( بس اول ما اخذته مافيه ها المشكله بس مع الحوف طلعت ) بس مامنها ضرر إلى الآن ... والحمد لله ...

وفعلاً الي يقول انها تحتاج مكينه 6 سلندر صدقت والله (دتسن 79)

بس بشكل عام السيارة جداً ممتازة وأنصح فيها حقيقتاً

[مزارع جديد]

بلاك ما حافظت عليه

[salehhd]

السلام عليكم

حبيت اسلم عليكم وان اكون متابع لهذا الموضوع الشيق

والموتر اعتقد انه حق دلع اكثر منه حق بر وجلد

[فتى سدير]

أخوي (راعي الخرازه) غير زيت القير ويروح الصوت

[مهيلان]

السلام عليكم
اشكر الجميع لمشاركاتهم

اخوي قناص الوعول هذا احتمال وارد وكبير
الاخ دستن 79 كلامك في محله لكن ترى لكل سياره وزن ومكينه مناسبة له هذا اذا نجحت خطة الشركة لكن التيربو فيه نقطه مهمه وهي انه ما يقوى عزمه الا اذا اشتغل التيربو والتيربو ما يشتغل الا اذا تعدى ضغط المكينه 1.5 فانتبه لهذا ..
راعي الهدد شكرا للمرور ولازم تعرف ان امكانيات الناس تختلف يعني قليل اللي يقدر يشتري هدد ...
راعي الخرازه الله يكون في عونك .. والاخ توني حل المشكله ..
مزارع جديد شكرا على المرور
salehad شكرا للمرور
فتى سدير حياك الله

[شبح الصحراء]

يا شباب علشان يكون تقييمنا منطقي وسليم لازم نقسم المسألة إلى أقسام نتناولها على حدة وهي حسب رأيي /

جوانب تقييم الهايلوكس 2006 الشكل الجديد :

1- الجودة والمتانة .
2- الراحة .
3- التكييف .
4- إستهلاك البنزين .
5- القوة والعزم في الطرق البرية والرملية .
6- التجاوب والسلاسة في الخطوط السريعة .
7- الحرارة .
8- الأخطاء المصنعية .


http://www.speedsportlife.com/photopost/data/680/thumbs/38659-04-toy.jpg

[مفطح]

قبل فترة انتشرت شاعات عن الهلي 2006 ومن هذه الاشاعات ان في وادي الوادسر احترقت 11 هلي 2006 فقط بس وين راحت باقي الهليات اللي في العالم ليش ماحترقت اكيد ان الهليات اللي احترقت بفعل فاعل وهذا اللي صار ماخرب سمعة الهلي ابد ثانيا سالفة ان الهلي تايلندي ياليت كل اللي يقولون الكلام هذا يروحون اقرب ورشة ويسألون لاني انا سويت كذا رحت اكبر ورشة سيارات تويوتا بالرياض وسألت عن الهلي 2006 وقلت لاحد المهندسين في الورشة وش رايك بالهلي 2006 قالي والله افضل نوع نزل للهلي اللي موجودة الحين الهلي 2006 وقال بعد الى الان ماجانا ولاهلي 2006 يشتكي منها وسألت عن صحة الكلام ان الهلي 2006 تايلندي قالي انت عاشر واحد يجي يسألني السؤال هذا وقال الهلي 2006 كل قطع غياره ياباني والمكنية اللي عليه ياباني وقال اذا مو مصدق امشي اوريك قطع الغيار كلها مكتوب عليها ميد ان يابان المهم وسألته عن القير اللي يقولون ان قريب جدا من الارض قالي الهليات اللي قبل كلها نفس مكان قير الهلي 2006 يعني ماعليها اشكال وقال بعد انها محمية بقووووة يعني مستحيل يجي شي حاد ويخربها

[rpk]

الهايلوكس 2006 موتر وبس يكفيك الدفرنسين هبال وقوه في الديزل والبنزين

[كحيلان 11]

انا اشوف ان كل شيء فيه
ممتاز ومريح من جوا
بس الهيكل حقه ادنات الدون تهشمه
لأنه ما هو سميك

[سفير الصمان]

لكن يالحبيب كله بلاستيك ومساميره كلها كبس وهي مع قريب لي يقول انه متفكك

[Abu Saad]

الهايلوكس 2006 موتر وبس يكفيك الدفرنسين هبال وقوه في الديزل والبنزين
اليت تقرا ردي السابق من واقع تجربة .. وليس من واقع يقولونه.

[GMC 87]

أخوي توني المسألة جد وأنا شفتها بعيني كذا مرة وكذا نقل لي من هذا الكلام
ما يضحك لاكن يبكي بقوة إذا أنت ما تعرف خذها مني مجرب الهلي
والتحليل العلمي الذي توصلت له من بعض المهندسين أن الفرامل في الهلي يمسك في الكفرات الأمامية
قبل الفرامل في الكفرات الخلفية ولهذا تجد السيارة تنقلب بهذه الحركة الغريبة على الوجه أو على الجنب

[تايوتا]

انا معاي 2006 دبل ولا ازين منه

تدرون كم يمشي التانكي حقه وسط الرياض ورغم اني ساكن في جنوب الرياض واطق مشوار لم استراحت الشباب الي في اجاكس في الدرعيه
تقريبا كل يوم روحه ورده تدورن كم مشاني التناكي(520) كم على الزحمات وعلى المشاوير اليوميه

اعتقد ان هذا دلاله واحظه انه موتر ممتاز

[rpk]

اخوي ددسن79 السلام عليكم

انا ماقلت هذا الكلام وطرحته في المندى الا من واقع تجربه لان معي دفرنسيين ديزل وصراحه الموتر ماعليه كلام لافي ديره ولابر حتى انه احسن من السوزو في الرمل وهذا الكلام جايبه من واقع تحدي بيني وبين راعي سوزو جديد وبنسبه لي افضله على السوزو من ناحيت الوسع الداخلي وترا الموتر كله تمام ولا يهمكم الشأعات عنه وسلامتكم وسلامتك ياخوي ددسن 79

[ذيب حضن]

عندي اسوزو اتحدى فيه كثير من الجيوب

[rpk]

اخوي ذيب تتحداني في البر مع خصم السوزر هايلوكس دفرنسين ديزل 2500 تيربو مقابل 3000 تيربو

[عاشق المجمعه]

:) السلام عليكم ورحمةالله وبركاته امابعد بصراحه وللامانه الموترجربته وماشي معي اكثر من ثلاثه واربعين الف وزي العسل وطبعا تخلل هالفتره تحميل (حمول ثقيله) مسك خطوط - بران - تطعيس - مع العلم ان رجلي ثقيله او ما شاء الله ما شفت منه شر اللهم قرقعه خفيفه مثل الموديلات اللي قبل وكذلك الفيبر ماع شوي بسبب ضغط الحمل على الجهه اللي أعلى الشكمان طبعا ماع مره وحده وبعدها احمله ولا لاحظت شي والموتر لايحتر ولا يصرف وعزمه زين ولا يفتر في الطلعات حتى وهو محمل (مفارنة مع 2005 او تحت )واسف على الاطاله والموتر غماره بنزين مكيف وارجو اني افدتكم.

[Bader-M]

السلام عليكم ورحمة الله وبركاتة
...........

انا اشارك الاخ بقوله



الدفع الرباعي ال4 سلندر يعتبر (خرابيط) سواء ديزل او بانزين وفي جميع الماركات سواء ددسن او هايلكس اوسوزو


في السيارات الدفع الرباعي يجب توافر محرك ذو عزم عالى وقوه جباره
ومهما تطورت المحركات ذات الاربع اسطوانات لا يمكن ان تلائم السيارات ذات الدفع الرباعي (وجهة نظر شخصيه )

.............

بنسبه للهايكس 2006 اختلفة في الشكل ( كما تعلمون )
وايضا المحرك
المحرك
لم يتم تغير السعه و الشكل
السعه / 2700 سي سي
عدد الصمامات والكامات \ 16 صماما ( 4 صمامات للسطوانه )
و عامودين كامات
ولكن الاختلاف حدث في ادخال نظام vvt-i
وبما يعرف بالعربي
بنظام متغير الصمامات

انظر الى الصوره

http://www.billzilla.org/vvt1.gif

الفائده من النظام هذا بالاختصار
هو سماح لدخول كمية اكبر من خليط الوقود الى داخل الاسطوانه في السرعات العاليه للمحرك
وهذا النظام موجود بالكامري من مديل 2003 م
وكذالك موجود بالهوندا

على العموم هذا رابط يتكلم عن هذه التقنيه بصوره مفصله لمن يريد الفائده

http://www.billzilla.org/vvtvtec.htm (http://www.billzilla.org/vvtvtec.htm)


تحياتي للجميع

[راع الشرفا]

السلام عليكم وبعد الموتر عندي له تقريب السنه وماشفت منه الا كل خير ولكن اتفق مع الشباب انه مايتحمل زي المديل القديم
ومن هاالناحيه كل السيارات القديم افضل من الجديد والجيب الاندكروزر اكبر دليل ياخوي الاول نكده كد الحمير من حجره الا نفود وهو المسكين ماعمره اشتكى اما الجديد والله انك اداريه تقل واحد من عيالك

[شبح الصحراء]

:) السلام عليكم ورحمةالله وبركاته امابعد بصراحه وللامانه الموترجربته وماشي معي اكثر من ثلاثه واربعين الف وزي العسل وطبعا تخلل هالفتره تحميل (حمول ثقيله) مسك خطوط - بران - تطعيس - مع العلم ان رجلي ثقيله او ما شاء الله ما شفت منه شر اللهم قرقعه خفيفه مثل الموديلات اللي قبل وكذلك الفيبر ماع شوي بسبب ضغط الحمل على الجهه اللي أعلى الشكمان طبعا ماع مره وحده وبعدها احمله ولا لاحظت شي والموتر لايحتر ولا يصرف وعزمه زين ولا يفتر في الطلعات حتى وهو محمل (مفارنة مع 2005 او تحت )واسف على الاطاله والموتر غماره بنزين مكيف وارجو اني افدتكم.

اعوذ بالله تقول الفيبر ماع كله من الحرارة!! انت تقصد الفيبر اللي يركب بالحوض؟! والله مصيبة :confused: .

[عاشق المجمعه]

ابد ياشبح الصحراء ماهوب مثل ماانت متصور الدعوى خفيفه حتى الفيبر بنفس شكله يعني االلي مايدقق ما ينتبه بس انا ذكرت هالسالفه للامانه فقط والا الفيبر ما عاد لاحظت فيه اي تغير اوسلامة راسك.

[منزلي الصمان]

معي الموتر ديزل

ما لاحظت عليه الى ان البدي لك عليه خفيف اي شي يجيه ينهفش .

وللبر حليل بس غير الكفرات عن شد البلد وتوكل على الله.

[نجم السهاء]

انا جربت 2006 عيوبه
1/القرقعه اللي بالمكيف تقل ديزل 2/تتفكك وصرصره وتسمع اصوات غريبه 3
3/البدي عطه لكمه تطيح الوجهيه كله 4/الصدام الامامي اطلع على نفود ينطعج والا يطيح
5/عزمه اقل من الموديلات 2002_2005 6/تخسرك في البيع لو هي نظيف استعمالك
المـــزايا
1/الراحه 2/انسياب الهواء بحيث في الطريق ماتسمع صوت هواء من البيبان مثل 2002_2005
3/الصرفيه اقل بشي بسيط من اللي قبله
تجربت 2004 ملاحظه ((معي 2004 استعملته سنه وفقعته في الطعوس وبعته وشريت وحده2004 قبل العيد توي مانقلته 48000 ريال ووصلته حد 2006 لاني اقدر الموديل هذا واكره 2006 بعنف ))

عيوب2004 وهي في الموديلات كل 2002_2005
1/صوت هواء البيبان في الطريق 2/مطبه قوي شوي بس شيل سستتين من وراء تظبط
وهذي عيوبه بس والله ما حصلت شي غيره

مزاياها
1/قويه اكثر من 2006 2/تصبر اكثر من 2006 بالطعوس والمطينات والطرق والتحميل
3/خفيف دمه تحس في خفته في سواقته 4/تقبل التعديل على المكينه ولا يقل عمر المكينه على طول
5/شكله حلو 6/اذا ما كسبتك في بيعته ما خسرتك ولا ريال

[الفتى المجازف]

الهايلكس التايلندي 2006 في معارض السيارات المستخدم بحدود 43000 الى 48000 ريال.

الهايلكس الياباني 2005 ومادون فهو متماسك في سعره ويصل في بعض الاحيان موديل 2005 الى 58000ريال.

لذا وجب على الجميع احترام خيارات الناس والناس شهود الله في ارضه، ولولا اختلاف الاذواق لبارت السلع.

تحياتي للجميع

[أبو^أحمد]

بصراحة الموضوع جيد ولكن أقول لن تجد تطابق في الردود والسبب أن بعض الأخوان يمكن يكون الموتر اللي معاه معاكس وأحياناً فيه ناس تتوفق وفيه ناس رجلها ثقيلة على الموتر وناس بتكون خفيفة ..
أما في البر في ناس بتعرف تسوق في الطعوس وناس لا وفي ناس تحب الهلي ولا تسمع فيه ولا ممكن تصدق إن فيه عيوب وفيه ناس شايلة عليه وفيه ناس بتستعمل الهلي لأول مرة وتستنكر بعض الأمور فيه وناس متعودة على الهلي...


وشكراً

[مبرق الوسمي]

للمعلومية الهايلكس يابنيه وليست تايلنديه

الناس تحسب التايلندي تايوان يعني

القطع يابنيه لكن تركيبه تايلندي

اما بالنسبه للهايلكس فااقول انه شكله مهب زين

حنوطه مادري وش تبي ووجهيته طاحيحه في الارض

المهم الهلي 2005 احسن شكل

لكن العزم اتوقع ال 2006 اقوى من ال 2005

[الكوسه]

السلام عليكم،،،

حبيت اضيف بعض الاضافات واصحح بعض الاخطاء تبع الاعضاء جزاهم الله خير
طبعا كل سنه المواتر يطلع له دفعه اولى ودفعه ثانيه وزياده شي اسمه ليمتد (محدود)
الدفعه الثانيه صححو بعض الاخطاء ل2006 زي الكنداسه لكبر حجمه تزيد الحراره ابعدوها وعزلوها
وكانت الغماره دفعه اولى جي ال الديكور الداخلي كحلي وحطوه الدفعه الثانيه عنابي والكحلي الصراحه ازين للغماره ، وبعض التعديلات اللي حصلت
على العموم يعني كثره النقاش والمعارضات ماهيب مخليه الوكاله تناضر لطلب الناس هي انتجت سياره هي ابخص فيها وبعدين نقطه هي ماخصصت السياره للبر سواء 2006 ولا 2005 ولا 1880
خصصت وكاله اليابان السياره للمؤسسات الصغيره والعلى حسب احتياج الشركه ولا راعي التحميل
مب الهيلوكس بس حتى الجيب حوض مخصص لمتحميل اشياء ثقيله لو تتدقق والربع
بس كل ديره وله استخدامه ولا عطي الله الحوض تحطه بيمناك يشخف النفود شخف والهيلوكس بعد
يعني بالنقليزي لاتحاول تقنعن يااي شخص عنده وجده نظر ان ال2005 تصير شد بلد فنانه
اكيد يبيله مساعدات ورفع وزيادات اخرى كذالك 2006 له حق ياجماعه واي عيب يتصلح زي 2002 كانت قيره خسته على طول ينفرط لاكن عدلوه
وال2006 وال2005 نفس القوه والعزم بس تعتمد على السواق السواق هدر ماتمشي صح السواق مزبوط تمشي زي القشطه وقوله البدي ضعيف شي طبيعي يخوي الوكاله تبي تخفف حمل الموتر وانت تبي تصدم كل يوم الله يستر وعموما ال2006 اخف من2005 بثلاثميه وتاكد من الستكر الحديد اللي عند الباب
وقوله تخلل شي طبيعي جدا جدا لاي واحد راعي تكسير كللللللللللللللللللللللل المواتر كذا انت ماتشوف اكثر الورشات مكتوب
(ورشه رمضان بن كومار خان لـ سمكره ترهيم تربيط + خبز تميس)
شي اطبع من الطبيعي هذا واسف على الازعاج والتطويل
وسلامتكم........

[أبو أسامة]

السلام عليكم ورحمة الله وبركاته

أخواني الكرام :

الوالد يملك هايلكس 2006 لها معنا تقريباً 5 شهور ............ عزم الموتر أفضل من عزم 2005 براحة لأن مكينتها في في تي آي أما 2005 فهي أي أف آي .....

بالنسبه لصوت الهواء ماشاء الله ماتسمع صوت الهواء ........

بالنسبة لصرفيتها فهي أفضل من صرفيت الموديل السابق بقليل ........ بسبب نظام حقن الوقود المتطور الفي في تي آي .....

بالنسبة لسعة السيارة الداخلية فهي ممتازة تحس أنك راكب كابرس حوض يأخوان من داخل واسعة بالذات الباب الخلفي تقول باب سيارة صغيرة ماهو مثل الددسن إذا بغيت تركب ورى تعفط رجلك وأنت ولد شباب فما بالك بالعجز والحريم .... بس بعد سعة الباب كان من المفترض من شركة عريقة مثل تايوتا أنها تصغر الحوض شوي لأنه شكل السيارة الطويل يحسسك أنها بقرة ......

بالنسبة للمطب أريح من السابق بس لحد الآن ماهي أريح من الددسن رغم أن موجود فيها من قدام ياي ...... والله أني أحس إذا أكلت المطب عليها أن يجين ضربة في أسفل الظهر تزيد قوة الضربة على حسب قوة أكل المطب.........

بالنسبة للمكيف تعبان فإذا كانت السيارة واقفة تحول الهواء من بارد إلى هواء رطب ......

بالنسبة لحرارة المكينه إذا هي طبيعية أقل من النص شيء بسيط لا يذكر ...... وإذا الموتر واقف ومشغل المكيف وأخذت تقريباً ربع ساعة وأنت واقف تبدأ حرارة السيارة بالأرتفاع فوق فتصل إلى النصف وقد تتعداه .........

بالنسبة لأرتفاع السيارة تعبان فكذا مره إذا رحنا للبل في الجنادرية تحك من تحت .........

بالنسبة أنها تصنع القطع باليابان وتجمع بتايلند ......... يأخي الكريم يعني اليابانين وين يوفرون الآن لأن يبيلهم جمركة وقيمة تحميل القطع وقيمة نقلها وأكيد يدفعون لشركات التأمين عشان يعوضونهم لو صار شيء للحمولة ...... يعني ماقدروا يفرون بل دفعوا أكثر من قيمة اليد العاملة اليابانية ....... بس الوكيل يبي سوقها يمشي قال لناس أنها يابنية القطع وتجميع تاليندي .....

والسلام عليكم ورحمة الله وبركاته

[ابوجبل]

اقول يازين الشاص
! C:\Documents and Settings\أبو جبل\Desktop\الملفات المحملة\l7m.zip: The archive is either in unknown format or damaged

[الليث الابيض]

السلام عليكم ...
عزيزي الغالي ...هايلكس 2006 المكينه اقوى من غيره يالغالي وثاني شي الشكمان جنب تانكي البانزين لو تلاحظ 2006 الشكمان على اليمين والقديمات على اليسار لانه التانكي تحت الباب الي ورا جنب الراكب وكذلك الغماره والصوره تدل على ذلك ولكم جزيل الشكر

[القماري]

الف شكر لصاحب الموضوع والشكر موصول لجميع الاخوان المشاركين بهذا الموضوع
وكم نتمنى أن تكون الردود معظمها عملية لا تتسم بالعصبية.
نقاط كثيرة ومهمة طرحت في هذا الموضوع إن شاء الله يستفيد منها الجميع.
أقول ما آراه في السيارة (مع العلم أني لم أستخدمها)
الشكل العام أجمل من القديم (ونفس التقنيات أفضل من السابق)
في إعتقادي حتى المحركات أفضل من سابقيها (دائما المصانع تفكر في المسائل الفنية وتحاول التطوير قدر الإمكان)
يعيب السيارة محليا (لدينا) أولا إنها تصنيع (تايلندي) الكثير منا يعتقد (إذا خرجت السيارة من مصنعها الأم فإنها تفقد بريقها وجودتها) قد يكون هذا كلام صحيح نوعا ما (والدليل السيارات الأمريكية الحديثة وما بها من مشاكل -كاليوكون وغيرها) ولكن هذا ليس مقياس بأن كل السيارات رديئة.
ثانيا : إضافة إكسسوارات بلاستيكية كثيرة لسيارة مخصصة لمواقع قاسية (الشكل يوحي بالأنوثة والضعف وليس بالهيبة - مثال كما ذكر - اللاندكروزر -vxr الحالي هل يفرق عن كونه سيارة ترف ودلال؟
ثالثا: المواصفات والمقاييس لدينا (ضعيفة) وحماية المستهلك تكاد لاتذكر (لو كل سيارة خضعت بصدق لقوانين هيئة المواصفات والمقاييس وقيمت قبل طرحها كان أفضل من طرح السيارة لدى العامة وبعدها نقول بها عيب أو أن هذا العيب لايشمل منطقتنا)
عموما السيارة المذكورة (لها تاريخ طويل ومعروف) لكن إذا لم يضع الوكيل في حسابه (نوعية زبائنة فبالتأكيد المنافسون لهذه السيارة سيستفيدون كثيرا ولا ننسى النيسان المنافس الاكبر وأيضا القادم بقوة (إيسوزو DMAX"")
يعطيكم العافية

[هاوي نفود]

تعليق بسيييييييييييييييييييييييط

السيارة تستخدم في شرق آسيا من أواخر عام 2004م

وتحديداً فقد شاهدة الكثير من الهايلوكس والإيسوزو والميتسوبيشي والنيسان ( فئة البيك آب غمارتين 4 سيلندر ديزل ) بكثره في ماليزيا الصيف الماضي وعند سؤال المرافق الماليزي عنها ذكر بأنهم يفضلون الهايلوكس بالدرجة الأولى ... وعن إستخداماتها ذكر لي بأنها تستخدم لأن أكثر القرى لديهم تحتاج إلى التوغل في الغابات وبعيداً عن الطرق المعبدة

والله إني أناظرها وأقول أصور ولا لا

بس لعلها خيره

تقبلوا تحياتي

[المهنـدس]

رضى الناس غاية لا تدرك


انا أملك سياره هايلكس 2006 غماره دفرنسين فل كامل بنزين (مع العلم اني شريتها اول ما نزل قبل ما اشوفها حتى بالشارع) والسياره طول هالمده ما تطلع الا للبر فقط لاني املك سياره سيدان للمدينه والسفر.
السياره ولله الحمد مابقي ارض ما وطتها (الصمان-الدهناء قطعتها اقل شي 6 مرات-العلا-تبوك- والساحل الغربي من حقل شمالا الى الطايف جنوبا-نجد بعموم شعبانها وعروقها وضلعانها) وبصراحه الموتر لا يعلى عليه لا من ناحية الراحه ولا من ناحية القوه ولا من ناحية التحمل ولا نقدت عليه اي شي يذكر(مجرد صوت قرقعه خفيف عند التشغيل واتضح انها من الصاجه اللي فوق الكنداسه يعني ولا شي)وانا عن نفسي مقتنع فيها 100% ومثل ما قلت في بدايه كلامي واوجه هالكلام لوكاله يقولون (رضى الناس غاية لا تدرك).

تحياتي/ أخوكم المهنــــــدس

[مفطح]

رضى الناس غاية لا تدرك




انا أملك سياره هايلكس 2006 غماره دفرنسين فل كامل بنزين (مع العلم اني شريتها اول ما نزل قبل ما اشوفها حتى بالشارع) والسياره طول هالمده ما تطلع الا للبر فقط لاني املك سياره سيدان للمدينه والسفر.
السياره ولله الحمد مابقي ارض ما وطتها (الصمان-الدهناء قطعتها اقل شي 6 مرات-العلا-تبوك- والساحل الغربي من حقل شمالا الى الطايف جنوبا-نجد بعموم شعبانها وعروقها وضلعانها) وبصراحه الموتر لا يعلى عليه لا من ناحية الراحه ولا من ناحية القوه ولا من ناحية التحمل ولا نقدت عليه اي شي يذكر(مجرد صوت قرقعه خفيف عند التشغيل واتضح انها من الصاجه اللي فوق الكنداسه يعني ولا شي)وانا عن نفسي مقتنع فيها 100% ومثل ما قلت في بدايه كلامي واوجه هالكلام لوكاله يقولون (رضى الناس غاية لا تدرك).

تحياتي/ أخوكم المهنــــــدس
كفيت ووفيت والله يعطيك العافية جوابك شافي ومقنع والله يجزيك خير

[عاشق البسيتين]

انا معي دفرنسين2006 ماشالله على كيف كيف رحت عليه للدهنا وساموده والصمان والشعبان كلها وقت الصيد والحمدلله يالله لك الحمد
انا اشهد انه موتر وبس

[ابن أبي]

اللي تكلم عن الدفرنسين 4 سلندر غلطااااااااااان
أنا معي 2005 هايلكس
ولا أحلى
مركب تيربو
واللي به حرش يقاوم
لا ربع ولا باث
ولا
غيرهن
وحتى فبل ما أركبه
وهو خقااااااااااق الموتر

[القحطاني505]

اخوي مهيلان يعطيك العافيه وودي اقولك شي (قديمك نديمك لو طال الزمان وطال)

احسنهم: 97-2002لاندكروز--هايلكس:2003-99-85 --الشاص2005-2003-98-92تويوتا

النيسان:سفاري:89-94-2002-2004 --الدتسن:82-85-90-95-2004-2006

الجي ام سي(gmc) : الونيت :79-81-82 وعلى شرط المكينه حمراء و454

[شبح الصحراء]

وبعدين نقطه هي ماخصصت السياره للبر سواء 2006 ولا 2005 ولا 1880
خصصت وكاله اليابان السياره للمؤسسات الصغيره والعلى حسب احتياج الشركه ولا راعي التحميل
مب الهيلوكس بس حتى الجيب حوض مخصص لمتحميل اشياء ثقيله...

أخالفك الرأي الهايلوكس الدفرنسين صممت للبر وكذلك الجيب الحوض (الشاص) صمم للبر وهذا معروف حتى على مستوى العالم ، أما الهايلوكس العادية الدفرنس الواحد صحيح صممت للتحميل وللعمل في المؤسسات الصغيرة ولكنها أيضاً قوية بما يكفي لإستخدامها كسيارة بر .

http://go.jeep-xj.info/Hilux.jpg http://z.about.com/d/4wheeldrive/1/0/4/W/BradleyJ_1999ToyHilux_RRLg.jpg http://www.rancho.cc/Hilux%20IFS.jpg

[abofahdiah]

اخوي ابن ابي

موترك ما شاء الله بنزين ولا ديزل

وش رايك فيه يالمراقى بالطعوس